مشتاق للطايف

مشتاق للطايف ومشتاق للصيف
ومشتاق لرجال(ن) عزيزه عليه

لوسارت الاقدام للشام وجنيف
تبقى دياري مركز الجاذبيه


فيها رجال(ن) تكرم الجاروالضيف
وفيها الرجال أهل الوفا والحميه

في ديارنا لاصلفت الناس للكيف
يروي ..صلفها دلة(ن) شاذليه

ماهي ديار الغرب وديار جوزيف
شرّابة الخمره في صبح وعشيه

عاشت بلادي ديرة الخيل والسيف
فيها حرم مكه ونجد العذيه

لوخيّروني في جميع المصاييف
اخترت انا الطايف وأبها البهيه

حتى ولو زادت علينا التكاليف
تبقى مصايفنا لها الأولويه

ندعم سياحتنا ولافيه تسويف
حتى نصل للمرتبه العالميه

ودعم السياحه مايجي بالسواليف
يحتاج وقفات الرجال الوفيه

مع الوطن ماودي أنهي المحاريف
ومع الوطن كل الهواجس نديه

واعداد همّال السحاب المراديف
صلّوا على خير البشر والبريه