فرح .. بعيون ... الحزن ....

[poem=font="arial,4,#000000,bold,normal" bkcolor="#87ceeb" bkimage="backgrounds/35.gif" border="none,1," type=2 line=1 align=center use=ex num="0,"]
زواج اغلي صديق ووفاة اغلي صديق ( عمي عبد العزيز رحمه الله ) اجتمعت في قصيده
دعوه لرؤية الفرح بعين ملئها الحزن :

((( صديق العمر )))

ســلام من قلب يبي وصل الاحباب = ماغيره وقتــه ولو كان قــاسي
يحفظ قديم العهدمع كل الاصحاب=ويدري اختلاف اطبوعهم شي اساسي
كم اختلفنا وكم حصل هجر وعتاب = مابذكر اللي فات مادمت ناسي
اللي مهم ان الهــوى كان كــذاب = وان الامــل فينــا جديــد اللبــاسي
وان العمريمضي وفي الاخره حساب = يارب تشربنا من الحوض كاسي
ايام بعــد ايام وحضور وغيــاب = زالت بها حتي الجبـال الرواسي
شوق الفرح في قلوبنا شوق الاغراب = ياالله تحي الارض كانت يباسي
جينا نبي نبذل مع الوصل الاسباب = ناصل رحمنا وللوجوب التماسي
هو واحد لاشان الاصحاب لي طاب = خوة ذهب ماهي برونز ونحاسي
تركي عمر معيوف مع ضبط الاعراب= صديق عمري عزوتي تاج راسي
جيتك اشيل من الوفاء صفحة اكتاب =فيها اختصرت من السنين اقتباسي
كتبتها من غيـر تطويل واسهـــاب = وفيها احتضن قلبي وجوه ومراسي
عض الدهرعزمي علي اضراس وانياب= ولجلك شفاني الله في وقت قياسي
مبرووووك من قلب عن الوجد ماتاب = يارب عفوك لا اضعف الوقت باسي
عجلان حرفي دوم والطبع غلاب =وطال انتظاري فوق صمت الكراسي
تضحك حروف القافيه كلها اعجاب =ويصير بعد الحزن شعري حماسي
شاب القصيد وفاس الافكار ماشاب = واليا نشف دمع القلم شلت فاسي
وارجوك تفتح لي علي المعذره باب = مايدمح التقصير زود احتراسي
ومااخفي عليك القلب به جرح ماطاب = حفلك ضماد جروحنا والتناسي
نفس العيون اللي بكت نفس الاهداب = جاتك وفيها فرح يمحي المآسي [/poem]