استــــــاذي الوقـــــت

استــــــــــــاذي الـــوقتـــــــــــ
[poem=font=",6,,bold,normal" bkcolor="transparent" bkimage="" border="none,4," type=2 line=1 align=center use=sp num="0,black""]
استـاذي الوقـت علّمنـي ووعّـانـي= والا المدارس هجا وحْساب وانشووده !!
ماسك عصـاة الشدايـد ليـن ربّانـي= ياكم ضربْنـي بهـا وايـديّ مفـروده
لأنّي بدرْس الصداقـه كنـت كسْلانـي= تخطي حساباتـي اللـي قبْـل مجـروده
لا اقفى الرخا روّحوا واحد ورا الثانـي= وادفع ثمن هقوتـي والـدرْس ياكـوده
علمني الوقـت بـأن الهـرْج مجّانـي= ولا ينتظَر في اغلب الأوقـات مـردوده
ماهو بمقياس عنـد اطـوال الأيمانـي= بإيد المصالـح زمـام الهـرج وتقـوده
علمني الوقـت كيـف يكـون ميزانـي= في الحكْم مبني على الموقف ومقصـوده
واخذ مـن التجربـه قيسـي وبرهانـي= ما اتبع دعايات راعي الكذب وشهـوده
علمني ابعـد مجالـي واحفـظ السانـي= ومروّج الهرْج ما آجيلـه علـى مـوده
اللـي يـودّي علـوم افـلان لفلانـي= ويـروح بالبـدْع ويعـوّد بـمـردوده
وعلمنـي احجّـم السفهـان بالعـانـي= اللي لهـم ضحكتـي ماهـي بمحمـوده
لأن المجامل خطا في بعـض الأحيانـي= تجرّي الـدون ثـمّ أيجـاوز احـدوده!
علمني الوقت ما ابْدي للعـرب شانـي= رجاي فـي الله ودايـم منتظـر جـوده
لايزعل الصاحب , ولا يفـرح الشانـي= وايامنا بيـن عسْـر ويسْـر ممـدوده
علمنـي ان الرجـاوي حيلهـا وانـي= ولا تنلحـق حاجـة ٍ ماهـي بمطـروده
العزم خيل الظفر ., والمجد لـه بانـي= ولا خاب رجلٍ بذل في العـز مجهـوده
علمنـي اقْـدم ولـو ظرفـي تحدّانـي= وان سرْت في درب ما تطري لي العوده
اكبر هزايمْك لامـن قلـت مـا امْدانـي= حاول وللصعْـب روده مـن بعَـد روده
واكبر دروس الزمان ان العمـر فانـي= وايامنـا بيـن مـولـوده ومفـقـوده
درْسٍ يبى بعْـض تفكيـري ونسيانـي= لجْل آتجنّب شـرور ابليـس وجنـوده [/poem]

تركي الصخري

تركي الصخري اسم لامع في سماء القصيد والمنتدى الهذلي الشامخ

سلمت وسلم غاليك وصح لسانك

[poem=font=",4,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
استاذي الوقت علّمني ووعّاني=والا المدارس هجا وحْساب وانشووده !![/poem]
,,

,,

هذا البيت بالتحديد يذكرني بتركيبه آبيات الشاعر الحميدي الثقفي
دائمـآ مبدع آخوي تركي الصخري
صح لسانك يالنشمي

	المشاركة الأصلية كتبت بواسطة شباب

	تركي الصخري اسم لامع في سماء القصيد والمنتدى الهذلي الشامخ سلمت وسلم غاليك وصح لسانك

اخي العزيز : شباب

اشكرك على الإطراء يالغالي

ومنتدى هذيل من الأماكن التي اعتز بتواجدي بها
لذلك انا حريص على التواصل من فتره لأخرى

ويكفيني معرفة مثلك وشرواك في هذا الشامخ

صح بدنك
ولاهنت على مرورك الله يديمك ويحفظك

	المشاركة الأصلية كتبت بواسطة عباد الهذلي

	[poem=font=",4,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""] استاذي الوقت علّمني ووعّاني=والا المدارس هجا وحْساب وانشووده !![/poem] ,, ,, هذا البيت بالتحديد يذكرني بتركيبه آبيات الشاعر الحميدي الثقفي دائمـآ مبدع آخوي تركي الصخري صح لسانك يالنشمي

اخي العزيز : عباد الهذلي

الشاعر الحميدي الثقفي شاعر له شهره واسعه
وله قاعده جماهيريه يستحقها
غير انني انتمي الى مدرسة شعريه تختلف تماما عن مدرسة الحميدي الثقفي
مع انني اعلم ان كلامك عن تركيبة بيت شعري لا اقل ولا اكثر

صح بدنك يالغالي
ويسعدني ان النص قد نال الرضى والقبول

مشـــــــــــــــكور تــــــــــركي

شـــــــــــــاعر متميز ومبدع

قصيده رائعه وجميله يعطيك العافيه

تحيــــــــــ وتقديري ــــــــــاتى

صح لسانك يا تركي

قصيدة جميلة

صح لسانك تركي

حقيقة ولا مجاملة معك أجد المتعة والدهشة والإعجاب بقصائدك



بيض الله وجهك

	المشاركة الأصلية كتبت بواسطة نايف الجابري

	مشـــــــــــــــكور تــــــــــركي شـــــــــــــاعر متميز ومبدع قصيده رائعه وجميله يعطيك العافيه تحيــــــــــ وتقديري ــــــــــاتى

يا هلا يا نايف

وانا من يشكرك يالغالي

على مرورك ورقي سطورك
واعتز بإشادتك واطرائك
ولاهنت على حظورك الله يحفظك

	المشاركة الأصلية كتبت بواسطة قرناس بني ياس

	صح لسانك يا تركي قصيدة جميلة

قرناس بني ياس

صح بدنك يالغالي

والأجمل هو مرورك الراقي
تحياتي واطيب امنياتي