يافيصل اوصيك ...

قصيده لاحد ابنائي احببت ان اطلعكم عليها اتمني ان تنال استحسانكم وكل عام واحبابنا بخير :

يافيصل أوصيك

[poem=font="arial,5,white,bold,italic" bkcolor="transparent" bkimage="backgrounds/21.gif" border="double,6,crimson" type=2 line=0 align=center use=ex num="0,black""]

يافيصل أوصيك لاتلعب بك الدنيا=كم من لعوب بها واضحت تلاعب به

واحذر تغرك بزينتها وبهرجها= كم من عزيزٍ قبل يمسي تعشت به

لوكان ربي خلقها لجل نبنيها =ماكان يلقي بها الكافر ولا شربه

وأنا وانا ابوك قبلك شفت خافيها =وادري بها غبة من فرعها غبه

كم مرت ايام واحنا في رجاويها = مافاز فيها سوي اللي طايعٍ ربه

تري الليالي لها وجهين يافيصل=اغنم بها الخير واترك راعي النشبه

اللي ليا ضاق حالك غاب ماشفته=وان كان شفته سواة الحيد والصبه

واليا فرجها عليك الواهب الوالي=تلقاه جنبك يبيك تفرج الكربه

هذاك تركه غنيمه كان توحيني=ماالله يحدك عليه ولا علي قربه

واليا بغيت الغروس يطيب مجناها=تخير ارضك وراعي جودة التربه

ووثق الساس قبل تجود المبني=تري الفقير بوطنه يعاني الغربه

وابوك لاتحقره وامشي علي شوره=تراه رباك يوم ضروفهم صعبه

والحين يرجيك يومن لانت عظامه=اعطف عليه وترفق واحسن الصحبه

منته براد له المعروف يافيصل=لكن برّك ومعروفك تعجل به

عساك تكسب رضاه ويحفظك ربي=ويسخر قلوب كانت قاسيه صلبه

وانا يافيصل لو اتبع هاجسي بتعب= لكنّ هذي وصاتي فوقها عُربه

[/poem]

الله يرزقك بره ويقر به عينك

نصيحة ثمينة

صح لسانك

حي الله الاخ حماس سرني مرورك وطيب تعليقك
والله يحفظ لنا ولك وللمسلمين

طبت واكثر وصح بدنك

صح لسانك

الله يحفظه ويخليه لك

اخي برق الحيا صح لسانك
ورزقك الله بر ولدك
كنت أتمني ان تقول غبه من تحتها غبه وليس من فوقها
تقبل مروري وتقديري

معليش


القصيدة ماطلعة

بس كلمة يافيصل اوصيك

الله يحفظه لك صح لسااااااااااااااااانك وبيض الله وجهك

صح لسانك يا خالد ورزقك الله بره

كل عام وانت باالف خير
ماشاء الله
الله يحفظه ويصلحه
واسال الله لك وله التوفيق
لك جل احترامي وتقديري

	المشاركة الأصلية كتبت بواسطة انصاف قلم

	صح لسانك الله يحفظه ويخليه لك

صح بدنك ولاهنت ويحفظك المولي كذلك يا انصاف قلم

	المشاركة الأصلية كتبت بواسطة سحاب الثلج

	اخي برق الحيا صح لسانك ورزقك الله بر ولدك كنت أتمني ان تقول غبه من تحتها غبه وليس من فوقها تقبل مروري وتقديري

صح بدنك ولاهنت اخوي سحاب الثلج
وامنيتك جاتك لكن للايضاح فقط كلمة فرعها= فوقها ( وتحت اخت فوق )
نذهب لمعني غبه =الغُبُّ : ماءُ مَدِّ البحرِ الطَّاغي على الشاطئ.
وللغبه معانن كثيره قد تكون النقمه والظلمه وهي مقاربه كثيرا لما اردته في العجز
شكرا لك اخي الفاضل وسرني تعليقك

	المشاركة الأصلية كتبت بواسطة حفيدةابوعادل

	معليش القصيدة ماطلعة بس كلمة يافيصل اوصيك

سررت بتواصلك فقط حدثي الصفحه وشكرا

	المشاركة الأصلية كتبت بواسطة مشعل المعبدي

	الله يحفظه لك صح لسااااااااااااااااانك وبيض الله وجهك

بارك الله فيك ووجهك ابيض ياخوي مشعل

	المشاركة الأصلية كتبت بواسطة قرناس بني ياس

	صح لسانك يا خالد ورزقك الله بره

صح بدنك اخي رفيع المقام ذو الاخلاق العاليه قرناس بني ياس

سرني كثيرا مرورك وجميل تعليقك دمت بخير

	المشاركة الأصلية كتبت بواسطة الحـــميا

	كل عام وانت باالف خير ماشاء الله الله يحفظه ويصلحه واسال الله لك وله التوفيق لك جل احترامي وتقديري

ياهلا ومسهلا اخوي خضر وانت بالف خير وعافيه
شاكر مرورك العذب ودعائك الجميل
وتقبل كذلك وافر الاحترام والتقدير لشخصك الكريم