عواء الذيب

[poem=font=",6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
عسى الله يبيض وجه رجلٍ ليا جيناه=عن الواجب الغصاب متقصر احباله
ولا بيض الله وجه من هو بخل بالجاه=ولا كثر الله خير من شح بريالة
يموت الردي ياناس والطيب ماسواه=ولا قط سوا حاجةٍ جملت حاله
ليا جيت له في حزة الضيق ماتلقاه=لونّك من الدار البعيده تعنا له
توكل على الله وترك اللاش لاتنصاه=لو انه لبس له ثوب ومنكس اعقاله
يغرك بزوله يوم هو لازماً مركاه=ولي ساقوا الدله لهم مد فنجاله
علي الحرام اني ممره كما هذاه=هذا والله اللي ابوه ماسال عن خاله
ونا عارفاً دربي ولا بغا عليه وصاه=رباني الزمان وشيبت راسي اهواله
ياكم ليلةٍ خاواني الذيب في مسراه=يباريني السرحان في الدرب وبراله
وياما وردنا عد صافي قراحٍ ماه= تزاحم عليه الورد لي صر محاله
وياما قطعنا بالقدم ديرةَ مضماه= خلا منزل فيها من البدو نزاله
ولا تسمع الا الذيب فٍيها يجرعواه=من الخوف مايسري بها الطرقي الحاله
هبايب تهب وليل متنسري غدراه=ويوماً شديد الحر مينبغي فاله
ودرباً طويل وتتعب الرجل في ممشاه= ولا فيه ضل وفيّ يحماك بضلاله
وشمسٍ تغيب ويطلع النجم في مبداه= ولا في الليالي شي يبقى على حاله[/poem]