كلام جميل في غير محله

[ماطر السويدي]

هذا الكلام في غير محله لان محله
الأساسي قسم المنقولات. لانه شعر
مفرغ من اصطوانة ووجدت ان الابيات
مفهومة معانيها. وكل من يقرأها يجد متعه
لانها مبلورة في قالب قصة فحبيت اطرحها
بالمجلس العام . والامر الأول والاخير للمراقب


لي عم عنده معـرضٍ للصواليـن

أموت واعرف بس من وين جابـه

وإذا سألته قـال بعـت الدكاكيـن

ما يدري إني ما هضمت الإجابـه

الشاهد إني رحت له قبـل يوميـن

في قصره العامـر ودقيـت بابـه

قال ارحب ارحب عدّ ورد البساتين

يا مرحبا باللـي لفـا يـا هلابـه

قلت البقا عـدّ النفـل والرياحيـن

يا شيخ شمل اهل الكرم والذرابـه

قال اسلم الله يحفظك لي من العين

وآمر أوامر حضرتـك مستجابـه

قلت الصراحة طالبٍ قرب غاليـن

ودي تزوجنـي كريمتـك يـابـه

ثنّى وقال اهليـن والله وسهليـن

والكون ترخص لجل عينك رقابـه

لكن ترا عندي شـروط وقوانيـن

قلت اشرط اشرط يا حبيب الغلابـه

قال أولاً مهر العروسـة ثمانيـن

غير الرسوم وغير حق العصابـه

والثانية عمك يبي منـك سبعيـن

رسم الأبـوّة والنسـب والقرابـه

وام العروسة حقها منـك ستيـن

عشانها ست الحسـن والمهابـه

واخوانها كلن يبي منـك خمسيـن

عداً ونقـداً تنـدرج فـي حسابـه

وخواتها الخمس اعطهن من ثلاثين

عشان تتوثـق عـروق النسابـه

وتجيب طقم عيار واحد وعشريـن

وخاتم من الماس المصفى ترابـه

واكياس متروسة كعوب وفساتيـن

ألوانهـا واشكالهـا مـا تشابـه

وموتر بسواقـه وفيـلا بدوريـن

أثاثهـا مـن بطرتـه ينحكـابـه

واحجز لنا قاعة بقصر السلاطيـن

واحجز بهـا رقاصتيـن وربابـه

وامنع دخول اهل اللحى والبزارين

واعزم أميـر المنطقـة بالنيابـه

هذي الشروط اللي على بالي الحين

وذكرني اللي ما حسبنـا حسابـه

قلت اذكر الله يا عـدو المساكيـن

واستغفـره لا يبتلـيـك بعـذابـه

الظاهر إنك منت عارف أنا ميـن

أنا لو ارقا فـوق متـن السحابـه

ما جبت حتى نص درزن مواعيـن

واضحك بكيفك واعتبرهـا دعابـه

شروطكم هذي شـروط المجانيـن

شروطكم شغـل ابتـزاز ونهابـه

شروطكم تقصم ظهـور البعاريـن

شروطكـم همّـن وغـم وكآبـه

شروطكم والله سيوف وسكاكيـن

تذبح بنات المجتمع مـع شبابـه

وين الرضا والعطف واليسر واللين

اللي ذكرهـا الله بمحكـم كتابـه

وين الصفات اللي أمرنا بها الديـن

وين اختفى نهج النبي والصحابـه

يا عم جعل اللي خلقنا من الطيـن

يرد عقلك مـن خطـاه لصوابـه

ويجعل نصيبي عند غيرك قل آمين

ويحسن عزا الصابر ويجزل ثوابه

قال انت لو فكرت تفكير صاحيـن

ما شفت في مجمل شروطي غرابه

حنا بعصـر العولمـة والمزاييـن

ماهوب عصر الفلسفة والخطابـه

الناس تسعى للرتـب والنياشيـن

وانت اهتمامك بالشعـر والكتابـه

والشعر ما ينفعك لو هو دواويـن

ما دام جيبك مثـل بيـت الخرابـه

يا بوك لا تسمع كلام المصاخيـن

واسأل مجرب عاش في وسط غابه

قلت الله اكبر يا محـرر فلسطيـن

من يسمعك يحسبك ذيـب الذيابـه

تراك شايب راس مالـك رياليـن

والبنت ما تسوى جنـاح الذبابـه

قال انقلع مالت على وجهك الشين

لا عاد اشوفـك عندنـا يالزلابـه

قلت ابشر ابشر لكن الباب من وين

واقفيت من عنده على صوت بابـه ..

كلمات تحاكي الواقع الذي نعيشه

بالفعل اصبح الناس لايفكرون الا بالمظاهر الفانيه

والله المستعان

مشكوووور استاذ ماطر ويعطيك العافية عل الطرح القيم

تحياتي لك

[ماطر السويدي]

	المشاركة الأصلية كتبت بواسطة انصاف قلم

	كلمات تحاكي الواقع الذي نعيشه بالفعل اصبح الناس لايفكرون الا بالمظاهر الفانيه والله المستعان مشكوووور استاذ ماطر ويعطيك العافية عل الطرح القيم تحياتي لك

تحاكي الواقع ولو أن فيها مبالغة إلا انه
موجود في بعض المجتمعات .شكر اً لك
أخت انصاف قلم على المرور والتواجد لاهنت

سبحان من يرزق بتوع الملاييـن
الرازق اللي ما يخيب الرجـا بـه


قصيدة رائعة وإختيااااار موفق

شكرا ً أستاذ ماطر هذه القصيدة الظريفة المفيدة .

وأهل زي كذا ما أشوفهم يريدون تزويج بنتهم وسترها ، بقدر ما أشعر أنهم يبيعونها !

وعيب عيب هذه الأمور .

نسأل الله السلامة .

قصيده جميله ..



شكرا ياعم مااااطر

[ماطر السويدي]

[quote=أبن ماطر;552025]سبحان من يرزق بتوع الملاييـن
الرازق اللي ما يخيب الرجـا بـه


قصيدة رائعة وإختيااااار موفق
[/quot


الروعة مرورك أبن ماطر

لاهنت

[ماطر السويدي]

	المشاركة الأصلية كتبت بواسطة سحاب

	شكرا ً أستاذ ماطر هذه القصيدة الظريفة المفيدة . وأهل زي كذا ما أشوفهم يريدون تزويج بنتهم وسترها ، بقدر ما أشعر أنهم يبيعونها ! وعيب عيب هذه الأمور . نسأل الله السلامة .

العفو استاذة سحاب ولك الشكر للمرور
والتعليق دمتي بخير وسعادة

[ماطر السويدي]

	المشاركة الأصلية كتبت بواسطة مساعد الهذلي

	قصيده جميله .. شكرا ياعم مااااطر

الاجمل مرورك مساعد الهذلي


وجعلك الله دوماً سالم ولك الشكر.

وقصيدة جميلة وإنتقاء موفق

..

أشكركـ على رروعة الطرح


//

خالص تحياتي

	المشاركة الأصلية كتبت بواسطة ماطر السويدي

	هذا الكلام في غير محله لان محله الأساسي قسم المنقولات. لانه شعر مفرغ من اصطوانة ووجدت ان الابيات مفهومة معانيها. وكل من يقرأها يجد متعه لانها مبلورة في قالب قصة فحبيت اطرحها بالمجلس العام . والامر الأول والاخير للمراقب ..

رؤية حكيمة من رجل ذا نظرة ثاقبة

والمجلس العام يزهابك ويتشرف بمواضيعك

وأبد

إنت فصّل وحنا نلبس






أشكرك على القصيدة الظريفة

وذكرتني بمجالسي للشاعر لاحق بن إبراهيم الزويهري رحمه الله تعالى


يقول ابومحسن بعد هودالليل == دنت هو اجيسي وجتني كما السيل


ودني المحماس والبن والهيل == والنجر بزهم والمعاميـــــــــل تبراه

وقيس علومي وعدل فلا افكار== في ذا الزمان اللي أنا منه محتــــــار

اهل البنات من الطمع شبوا النار == واللي ماهو طماع ما عاد تلقـاه

انجاهم الخطاب شالو وحطوه == قالو بستين الف واحد على خــوه

من دون بسم الله من خلف ذكوه == ماعاد يدري ربنا ويـــــــن ودأه

البنت راحت عند اهلها تجاره == بيع وشرا فيها وزود وشطـــــــاره

وللى الولدمافيه غيرالخساره == أبوه باع البيت والفقــــر يبــــراه

وانا مهرجكم حصلي صعوبات == نويت اسافر للديار البعيــــــــــده

ابغى الجواز وطردتني الجوزات == قالوا بلدك بخير وحذر تعــــداه

قلت البلد مافيه سلمت مليحه == يبغون ستين الف هاذى فضيحـــه

غير اللبوس الجاهزه والذبيحه == وامور تبقى بالجلائل مغطـــــــــاه

وفنوا لنا الديكور مع غرفة النوم == وحاجات ضيعت اسمها علها القوم

وبدال منتة حاكم تسير محكوم == ومرا على الله عالم الغيب شكواه

ويبغلهم شقه تفرش جديده == شقه بعشرين الف ضربه شديـــــــده

والشرط تبعدها عن اهلك بعيده == نشرط عليك الشرط ذا ماتعداه

وكل الشباب اليوم راح الخوارج == وبقيت أنا واللي معي يا مخارج

نهرج ونكتب فالصحف والبرامج == واللي نبيه من العرب ما لقيناه

واطلب من الله رافع الطير بالريش == اردهم بالفين من غير تفتيش

واللى غدينا في بلدنا دراويش == الكل مناما عرف وين مضواه

ضاع النسب والشح بين القرابات == ماعاد فيه اللى بسلم الريالات

واللى يسولك مطب وملفات == حتى تعاف البيت ماعاد تنصاه

وأنا اعرف اللي في جوابي يسبون == اللي يبون البنت تطلع بمليون

والله مافكرت هم ويش يقولون == والسب ماهد البيوت المبناه

والله علومك غانمه يابو فهد ... وقصيده ظريفه

ابك والله لو بنته فتحه بالسقف وتانكيين ما سوى كذا ههههههههه

[ماطر السويدي]

	المشاركة الأصلية كتبت بواسطة أبوريتال الياسي

	وقصيدة جميلة وإنتقاء موفق .. أشكركـ على رروعة الطرح // خالص تحياتي

لك الشكر يا ابوريتال على تواجدك

لك تحياتي