بلقيسه

بلقيسه,,,,,

سلامة من مشى بعدك .. إيا تعب الخُطى و الناس
سلامة سيندرلاهم .. أيا .. (بلقيسة) أشجاني

سلامة رمشك الساهي .. وكل غفوة .. وقل نعاس
مع التقدير يازرقاء .. مع التبجيل .. ل إيقاني

بأن الكوكب الوردي .. طلب ودك .. وباس الرأس
وبأنك من خيوط الشمس . نزلتي بس على شاني

قمر وتحيط به ظلماء .. وتاريخه .. ( ثلاث اخماس )
بدر مع شعرك العابث .. روايه .. شكلها ثاني

سلامة ثغرك اللولي .. يضاااهي .. روعة الألماس
ولمعة سنك الضاحك .. عليها يهتدي عاني

سلامة اختلاط اللون .. شفاهك ل إلتقت بالكاس
مثال الدم والجمرة .. قضية .. والغلا جاني

سلامة من لمس يدك .. وصافح قلبك الحساس
حرير .. ومخملية ورد.. وخالطها شذى أنساني

سلامة عنفوان الشوق .. إذا هز الغصون إيباس
وطاح من الوله توتة .. رطيبة .. والحلا باني

سلامة م ابتدى من طيب.. وسلامة م انتهى من باس
وسلامة مابقا من زين .. ومن قاصي ومن داني

أحبك. ما انقضى من دين .. أحبك ما ابتدى افلاس
أحبك ما انفرج لي هم ..على الضيقات ف أزماني

أحبك يا انكسار الضي .. و لون الطيف وكل أحساس
أحبك أكثر و أكثر .. و حبك .. يسكن أركاني

أحبك ماقسى من لين .. أحبك م انكسر من قاس
أحبك وردة وغيمه .. ونسايم ريف أسباني

أحبك لا كتبتك بيت .. و أحبك ل أمتلى القرطاس
تجيني بالغلا صفحة .. جديدة ..و أكتب آآغاني

أحبك كني العاشق .. تذكر بك .. ليالي (فاس)
وأحبك كني الطاعة .. بليله . جوها أيماني

أحبك ياشهيق الروح.. أحبك لآآآخر الانفاس
أحبك لين أحبك موت ..أحبك و العمر فاني

خالد الحجي (خالدها)

صح لسانك مبدع ورائع ياخالدها

صح لسانك ولاعدمناك

[BIMG]http://www.almaten.net/upload/upfiles/c334nhg5566.gif[/BIMG]

اخوي خالد الحجي..
.
.
صح لسانكـ وبيض الله وجهكـ..
لك اسلوبك الممتليء احساس..
.
.
احتراامي

صح لسانك أخوي خالد

عذبة تستحق القراءة أكثر من مره

ننتظرك دوما أيها المتفرد..