جـــــــــــــــور الايــــــــــام

جــــــور الايــــــــــــام .....؟

انا الذي مــن جــور الايام عانيـــت ,,,,,,,,, والوقــت انا مـن سم كأسه ســـقاني

وانا فــلا مـــذنب وجـــاني واخطيت ,,,,,,,,, فــي حــق انســـانً يـــحس ابكيـاني

ما ادري ألــوم الحـــظ يومنـي اقفيت ,,,,,,,, ما أدري ألــوم ايام وقــتً جفـــــاني

ما أدري ألوم الصاحب اللي له أغليت ,,,,,,,, عـقب الغـــلا بسهـــوم شكه رماني

مادري من اللي يحتمل كل ما اطريت ,,,,,,,,, مادري من المسئول واللـي دهـاني

لكــــــن لقيـــت المتــهم يــوم عديـت ,,,,,,,, وهو من عطى الانسان رفع وطماني

صممت ألوم الوقـت واناجــي الميـت ,,,,,,,, ويمكن يحـــس الميت باللي غشـــاني

ويا الصـمت ياللي بالحنايا تـربيـــت ,,,,,,,,, تكفــا وتكفـــا هـــزت المـــودمـــــاني

ارجـــوك جــاوبني وانا لك تحـــريت ,,,,,,,,, وأظــن مــا تــقبل رفيــقك يهــــــاني

وياما نخيتك مير ياشـــــــــين عييت ,,,,,,,, وذبحت روح البـوح واصبحـت جـاني

ول يازمــان اللفلــــفه والســــرابيت ,,,,,,,, ياشـــــــين وش ســـويتبي يا زماني

ماكــن انا ويــاك دجــت وتمشـــيت ,,,,,,,, وانا احسبنـــك واحـــــدً مـن اخـــواني

نســـيتني ولا انت عامـــد تناسيـت ,,,,,,,, وافـطـن تـــرا الجحــاد ســبر الهداني

ولا ينفـع المــجروح كثر التناهيــت ,,,,,,,, ولا يشــــــفي الولهـــــان كثر التماني

هــذي معاناتي يـوم انا اقـول عانيــت ,,,,,,,, وانا فقـــدت اليـــوم معنى الحنــاني

محمد بن سوعان الربيع