يا ‏( قلب)‏ يكفي

يا ( قلب) يكفي ما جرالك ويكفيـك
أنك تموت من القهـر الـف مـره .~
............ بالله قلّي ويـش تالـي مساعيـك
ياللي تناظر فـي نجـوم المجـره .~
............ حلمٍ حلمتـه مـا يحقـق أمانيـك
وليلٍ سهرتـه مـا ينسيـك مـره .~
............ أن كنت ناسي ما جرالك بماضيـك
بذكّرك في الوقـت خيـره وشـره .~
............ عطيت من دمّك وخابـت هقاويـك
وراحت سنينك بالشقى والمضـره .~
............ كم (جرح) ينزف بك وكنّه ولا فيك
من خوف عذالك بصـدرك تصـره .~
............ وكم (جرح) لو تخفيه بانت مواريك
له في ملامح وجهك السمح جـره .~
............ وش فايدة صبرك وسهرك لياليـك
وغيرك بدون أحساس مافيـه ذره .~
............ أكبر خطا تبكي على أنسان ناسيك
ويضيق صدرك فيك وتموت حـره .~
............ اللى نساك أنساه لو كان يطريـك
واللي يبرك فـي مواصلـك بـره .~
............ وأكبر جريمة .. من توده ويجفيك
أنك تصونه عقب ما بـاح سـره .~
............ قول (الوداع) وما جرالـك يكفّيـك
ودربٍ يمـرّه لا تحـاول تـمـره .~
............ يا (قلب) يكفي ما جرالك ويكفيـك
أنك تموت من القهـر ألـف مـره .~

صح لسانك يا مبدع استغرب من الاخوه الذين مروا على هذه الرائعة ولم يدونوا اي شي في سجل الإعجاب والتقدير
رائعه اخي النسر واتمنى لك التوفيق
تقبل مروري وودي

يا ( قلب) يكفي ما جرالك ويكفيـك
أنك تموت من القهـر الـف مـره .~

فيها الام وجروح وحسرة ووداع وعتاب على ماضي قد مضى مدري يعود والا مايعود

صح السانك، ولاهنت

آخوي النســر
القصيده منسوبه للشاعر خالد بن سكران العازمي
شكرآ لك على النقل

	المشاركة الأصلية كتبت بواسطة عباد الهذلي

	آخوي النســر القصيده منسوبه للشاعر خالد بن سكران العازمي شكرآ لك على النقل

شكراا على مروركم الرائع والله يعطيكـ العافيه عباد على المعلومه

راااااااائع

يعطيك العافية

تحياتي لكـ