قصيده في الوالده.

السلام عليكم ورحمة الله وبركاته :.
هذه قصيده في الوالده الله يحفظها وحبيت اشارك فيها لا اطيل في الكلام إليكم القصيده.
يالله طلبتك وانت فتاح الابواب..
تقبل دعاء عبداً من الهم يدعيك..
اشكي عليك الحال تفريج الاسباب..
ولاخاب عبداً بالرجاء يوم يرجيك..
امي وانا من همها صرت منصاب..
ولاعاش راسي يمه ان كنت ناسيك..
لو شلت حملك يوم توي وانا شاب..
وارقا سنود الضلع لجلك وامشيك..
بين الخلايق والقرايب والاصحاب..
وكل التعب والهم ماني مجازيك..
لجلك ادوس النار لو قطع الارقاب..
يمه ترا بالروح والله انا افديك..
يمه كفايه دمعك اليوم ماتاب..
حتى الدمع نفسه من الهم يبكيك..
وتفرقو بعض القرايب والاحباب..
واتبين الخافي ومنهو يداريك..
والي صبر محسوب صبره وينثاب..
ولعلها خيره من النار يعفيك..
والمسلمين الله بلاهم بالاتعاب..
وهذا سبب والخالق الله يشفيك..
خامس سنه والحال ثابت ولاطاب..
جعل الشفا قربه في يوماً يلاقيك..
وانا سندك اليوم والراس ماشاب..
ودامي بقيت العمر ماني مخليك..
انشهد ان الهم صوب ولا يهاب..
خلى دموعي فوق جفني تواسيك..
كني سجيناً منسجن بين الاغراب..
جعل الردى ينكس على من يعاديك..
ويالله ترزق قلبها كل ماطاب..
وقبل القبر تغفر لها يوم تلفيك..
وكلن يعيش العمر مكتوب بكتاب..
وجعل الذي صابك يطهر خطاويك..
والحمد لله والرجاء فيه ماخاب..
دامك على سنة رسوله ينجيك..