كل الدروب احلام واوهام وهروب

[poem=font=",6,firebrick,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يالله يللي تعلم اسرار القلوب=جيتك وانا همي على قلبي سطا
هم الحياة اللي مضت مثل الهبوب=اعمالها جمعتها صح وخطا
اتوب وارجع للخطا وارجع واتوب=واعيش من رحمتك في ستر وغطا
مازلت تسترني وانا كلي عيوب=ازريت اغير وضعها رغم البطا
اهيم واسرح في الشمال وفي الجنوب=مره على القمه ومره في الوطا
عيني على البراق في غر النصوب=من يوم اشوف البرق حثيت الخطا
كل الدروب احلام واوهام وهروب=إلا طريق رضاك ياجزل العطا
يارب تهديني على خير الدروب=يامن هديت النحل واسراب القطا
وارزقني التوبة وغفران الذنوب=وشفاعة افضل من على البيدا وطا[/poem]

حيا الله شاعر الحكمه..
.
.
وصح لسااانكـ ملايين..
وبيض الله وجهكـ..
.
.
لاجديد من مدرسة الحكمه تأتي الحكم..
.
.
وكل عام وانت بخير..
.
.
احترااامي

الشاعر الفاضل عبد الله الطلحي ( شاعر الحكمة )

صح لسانك وعلا شانك استاذي

كلمات قمة وحبك لايجيده سواكــ

شكرا لك على ماقدمت من درر

الغالي والعزيز
شاعر الحكمه
صح لسانك لاغرابه

كــل الــدروب احــلام واوهــام وهـــروب == إلا طــريـــق رضــــــاك يـــاجـــزل الــعــطــا
يـــارب تهـديـنـي عـلــى خــيــر الــــدروب == يـامــن هـديــت الـنـحـل واســـراب الـقـطــا
وارزقـــنـــي الــتــوبــة وغـــفـــران الـــذنـــوب == وشفاعـة افضـل مـن علـى البيـدا وطـا

لله درك
لك جل احترامي وتقديري

طيب ياطيب والله تمام ماجبت والقافية ساهمت في نجاح القصيدة اهنيك ياعبدالله الطلحي شاعر الحكمة

صح لسانك ياأبو ناصر ، لازلنا نرغب في المزيد من هذه الإبداعات ...لاخلا ولاعدم

صح لسانك وعلا شانك

تحياتي وتقديري

تتلعثم العبارات في حضرة سموك

صح لسانك وأعتلا شأنك

ورفع الله قدرك

لا فض فوك أستاذي الموقر
نسيج جميل وقطعة فنية جديدة لمتحف الإبداع زاد جمالها جمالا أنها حديث للروح ووقفة تأمل وتدبر ..
تحياتي وبالغ تقديري ،،،

الله الله ياسلاام عليك ياشاعر الحكمه

صح لسانك وعلا شانك

آآآمين


صح لسانك وصح فكرك

وشكراً لك ولحضورك ولقصيدك الجزل

اللهم آمين ، والمشاهدين أجمعين

صح لسانك وأبيات قمة في الرجوع والتوبة والي يميزها قافية الطاء

اتــوب وارجـــع للـخـطـا وارجـــع واتـــوب

واعيـش مـن رحمتـك فـي ستـر وغـطـا

الشاعر الفاضل ترجمت مايجول بخاطري وخاطر الكثير

أدام الله لك الحرف طوعا ..

دمت بإحترام ..

صــ لسانك ـح

قصيده جزله وليست بمستغربه من شاعر الحكمه

صح فكرك وسلمت

اطيب التحايا

ما اروع الشعر عندما يكون ديدنه الحكمه
فيزداد جمال الكلمات بِحكم تبعث الهمه والقوة بالتقرب إلى الله كما هي اسطرك
بارك الله فيك ولد العم وزادك بالحكمة حكمة (ن)
بيض الله وجهك وبإنتظار جديدك الرآئع

الرآقي الهذلي