محاورة بين عمران الهذلي والأحمدي ..

هذه المحاورة جرت بين الشاعر الكبير عمران بن مخضر الكبكبي رحمه الله
والزميل المتألق الشاعر محمد بن عبيدالله الأحمدي ( أبوباسم ) زميلنا في العمل وحبيبنا

عمران الهذلي

العام تشكي علي الناس .. واعطيهم الحل مجاني
واليوم في خاطري هوجاس .. يردني للهوى ثاني
انخى محمد عريب الساس .. يفيدني في اللذي جاني
يحق لي بعد شاب الراس .. وإلا أترك الزين وحداني

الأحمدي

باللي لفاني هلا ولاباس .. والحل موجود في إمكاني
الود سهمه قوي الباس .. يصيب مسلم ونصراني
حاكم ولايعترف بقياس .. ظالم ولاهو بحقاني
وماكل خالي من الإحساس .. يظل طول العمر هاني
إن كنت في اللي تفكر حاس .. ومشغول به كل الأحياني
خليه عقد من الألماس .. لاتعذب الروح وتعاني

عمران الهذلي

كتبت لك حبر في قرطاس .. وارسلت لي حل مااشفاني
شربت مر الهوى في كاس .. وزاد الهوى اليوم بكاني
ليتك تفكر معي باحساس .. وتشوف لي حل وسطاني
اخاف مالي معه مجلاس .. وفارق السن يحداني
وبعدك وصلني خبر بالفاكس .. من عند عالم بريطاني
وقلت له ماعرفت اليأس .. ولاشكيت لك خلاني


الأحمدي

البحر مايعجز الغطاس .. ولايقلل في ميزاني
والموج مايقطع الأنفاس .. يموت لأنه تحداني
حطيت قولي مابين أقواس .. يوحيه هندي وإيراني
فيه العبارات بالمقياس .. كامل ولافيه نقصاني
للوضع حطيت جوز لباس .. مطرز بلولو ومرجاني
والآن تقرع لي الأجراس .. وتقول مافاد وآذاني
ردك صدمني كأنه ماس .. أخاف لايكون بالعاني
وانته في رسم المثل جساس .. فاهم كلامي وعنواني
مايضيع الأجودي لاقاس .. معناه بقياس إنساني
قولي كتبته وسط كراس .. إقراه ياصاح بإتقاني


وتقبلوا تحياتي