صور تُروى ...

السلام عليكم ورحمة الله وبركاته

أعود إليكم من جديد بهذه القصيدة

وأدعوا لي بالنقل ...



[poem=font=",6,darkred,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
سباق الزمان اللي عجز ياصله ساقي = وانا ساقي المكسور ما يكتمل جبرهـ

وحساب السنين الماضية عكّر أخلاقي = أدوّر على حظٍ ولج من مخيط إبرهـ

معلم ندب حظه وللنقل مشتاقي = حطام السنين اللي يجدد به الخبرهـ

بقايا بشر والهم جا ياخذ الباقي = حياتي صور تُروى وفيها أنا العبرهـ

فراق وحزن والعمر تسقط به أوراقي = وانا ما يئست من الذي يعرف الدبرهـ

إلهي طلبته باليمين آخذ أوراقي = ومن في رجاه يعيش ما ينقصر شبرهـ

وبدت لي تباشير الفرح في سما أشواقي = لقيته على خبري ولاني على خبرهـ

بعد طال ليلي والأمل مات بأعماقي = وحتى الحزن فيني غدى له صدى نبرهـ


وبعد ما انهدم سدّ لدموعي من أحداقي = وهلّت عيون العاشق المغرم العبرهـ

تنفّس صباح الوصل في ظلمة فراقي = ورجع حظي المتغطرس وقد ذبح كِبرهـ

وتجلّى ظلامٍ دامسٍ يملأ آفاقي = خضع للصباح اللي صبر ما نفذ صبرهـ

وبدت شمس حظي سرمديه بالاشراقي = وهبّت رياحٍ بالمطر يغسل الغبرهـ

عسى الله يجيبه يجمع اثنين عشاقي = ونبقى سوى وان مت حطوني بقبرهـ

دعائي لربي والشعر بالقلم راقي = وانا زادي التقوى وزاد القلم حبرهـ [/poem]

وسلامتكم


محمد الشعيفي