الجواري الكنس

مع التحية

[poem=font=",5,white,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
والله روحي تشتعلها هواجيس=مشاعر حرق فوادي وهجها
دارقتها خلف الضماير محابيس= واقول مايبطي وياتي فرجها
آلين ما ضاقت بوسع الاحاسيس= وان جيت أحررها تلاشت حججها
واعود أحبسها وازيد المتاريس=خوفٍ تدافع ثم عيني تخرجها
ياملهم أحساسي ومثلك نواميس=للي جروحة تلتهب لا هرجها
غديت لي ضوءً سواة الفوانيس=في ليلة ظلما القمر ماسرجها
[/poem]

[poem=font=",5,white,normal,normal" bkcolor="black" bkimage="" border="none,4," type=1 line=0 align=center use=ex num="0,black""] تحي بشوفتك القلوب اليبابيس=وان كان فيك العين يقتل دعجها
رمسات فكرك حرفها لي توانيس=عن وحشة شعورٍ ذبحني هوجها
فيها شعور أحساس وقت الغطاليس= لاصار فج الصبح دوبة دمجها
صدفتني بعد السنين العواكيس= يازينها من صدفةٍ بي حوجها
لو كنت ماخشى فيك هرج الاباليس=لاقراك بابيات حروفك مهجها
مايشبهك في الارض غير المكابيس=سحايبٍ عذبة تعاود حلجها[/poem]

[poem=font=",5,white,normal,normal" bkcolor="black" bkimage="" border="none,4," type=1 line=0 align=center use=ex num="0,black""] ومالك في هذا الكون وصف ومقاييس= لوما خيالي من عيونك درجها
ياشمس تبعد عن مدار الشواميس=يعجز تلسكوب الفضا يحتلجها[/poem]

[poem=font=",5,white,normal,normal" bkcolor="black" bkimage="" border="none,4," type=1 line=0 align=center use=ex num="0,black""] كواكبك من قو نورك محاميس= تدور حولك لاهباتٍ فججها
والكون يشكيك النجوم المراويس= لاغاب نورك فية يظهر حرجها
سبحان ربي حارسك بالخوانيس =جواريٍ كنس عظيمٍة دججها
وأنا في مدارك نجم واسمه لنتاريس = نوره ينور شمس مثلك هوجها
[/poem]

[ALIGN=CENTER][TABLE1="width:80%;background-color:black;"][CELL="filter:;"][ALIGN=center]

أنتاريس نجم /ويسمى بالإنكليزية "antares" هو نجم عملاق عظيم أحمر

وهو تحريف لـ"anti mars أي شبيه المريخ بلونة الاحمر,,,

فاذا كان الغرب يحرفون أسمة جاز لي للشاعر أن يحرف هو ايضا قليلا (النتاريبس)

لم أضع هذه إلا لتدبر قدرة الخالق أحسن الخالقين ,,هذه صور التلسكوب هابل

سارجع باذن واجعلها في موضوع مستقل في أبواب هذا المنتدى الكريم

[/ALIGN][/CELL][/TABLE1][/ALIGN]

شعور قديم

[poem=font=",5,black,normal,normal" bkcolor="burlywood" bkimage="" border="double,3,sandybrown" type=0 line=0 align=center use=ex num="0,black""]

تسرح بي ضنونٍ وتمسي بي ضنون= وتـنام عـيني وقاطـع الوصـل ظـنـي
ظني بعد مات الرجا فيه ... ممنون= لامات حبي لة .... عسى الله يعني
بعيون خلق الله روحت مجنون= ياكثر ماكتب عن فراقة واوني
لا عذر يلقونه لمثلي ولاعون= وآنا تعبت آقدم العذر مني
لاعاد لي ذوق و طعمٍ ولا لون= والناس تكره من حياته تمني
أشوفني مالدت العين مسجون=ومن خلفها بالفكر حرٍ وغني
[/poem]

وأعترضني هذا في منتصفة .....

[poem=font=",5,white,normal,normal" bkcolor="darkred" bkimage="" border="none,4," type=1 line=0 align=center use=ex num="0,black""]

أرجوك قلي من حبيبك واعلمك= علم يجيبه كيف ماودك يكون
تعاني فراقة ولا حصلك يكلمك= وتقول مسلم من عباد يصلون
أكبر خسارة تعيش تحبس تألمك=وقلبك حرام تحسسه هم وحزون
أخاف حبك لة يطول ويسقمك= والعمر يقصر بك ولا شي مضمون
هذا كلامي لو بسوي أني أفهمك= أخدعك كيف أفهمك والحب مجنون
أيوه تعذب واسهر الليل وأدعمك = تبكي عيونك لين ماينزف النون
ولو مانت شاعر خل الاجراح تنضمك= وتقسمك على موسيقى المغنون
على الوتر تسمع جروح تحطمك= ولاأدري مصيرك لا حصل معة قانون
يمكن تجنن وان تجننت يرحمك=ربي علم بلواك وابليس ملعون
خلاص مال للحب قانون يلزمك= ولاتلزمك عادات من لا يحبون
هذا كلامي لابغيت أني أوهمك = أني أحب وحبي أقشر ومكنون
وقدام ما اسمع رايك اللي ورى فمك = أرقد وإذا أصبحنا يجي علم مزيون

[/poem]

وبعد أن نام هذا إستيقظ القديم...

[poem=font=",5,black,normal,normal" bkcolor="burlywood" bkimage="" border="double,4,burlywood" type=0 line=0 align=center use=ex num="0,black""] وش فيك! يالي خابرن بي ومحزون=تدري بوضعي وصابرٍ مستكني
تقرا لي أشعاري على طيب الحون= وتقول روعة وتخفي القهر عني
والله مثلة مايعادلك مليون = وانته في عيني سيده يا المحني
وارجوك لحظة لاتعجل وبالهون = انت الهوى يامهجتي والتهني
لاكن وش رايك وقلبي به طعون= من قبل حبك ياهوى يرتهني
لاشك ماغيرك به اليوم مسكون= لاكن يبقى جرحة اللي سكني
ومادام حبك به تغلل ومكنون= عاهدني انك.. ثم.. اعاهدك بأني
أني ليا جيتك آباخذك بحضون= وانك ليا من جيتني أنت تحضني
هذا علاج الجرح ودواك مضمون = واللي جرح قلبي عسى مايثني[/poem]

وقبل الختام....

[poem=font=",5,white,normal,normal" bkcolor="darkblue" bkimage="" border="double,4,royalblue" type=1 line=0 align=center use=ex num="0,black""]
[poem=font=",5,white,normal,normal" bkcolor="darkblue" bkimage="" border="none,4," type=0 line=0 align=center use=ex num="0,black""]
[poem=font=",5,white,normal,normal" bkcolor="darkblue" bkimage="" border="none,4," type=1 line=0 align=center use=ex num="0,black""]

هاضت شجوني واغرق الشوق ذاتي = حتى جرى فيضة و شفته بعيني
من منبعة سيلة شديد أنفلاتي= منه أنجرف بعضي وطاح بيميني
رمشة سهر معها جميع أمنياتي= واجمل بقايا ذكريات السنيني
ياحيف عمرٍ طاف كل الجهاتي = يصبح دموعٍ شايلة في يديني
آبسألك بالله لو هي.. وفاتي= وانقاذ روحي .. شوفتك ياظنيني
أنته تجي بالله تنقذ حياتي = جاوب ولو بتقول..لا.. ماتجيني
والقصد صوتك بسمعة ياغناتي=هي كيف آحاسيسي ليا جاء لعيني
عساني ألحق آخرٍ من شتاتي = إذا شعرت بصوتك أنه مهيني
بآقف على عزمٍ بقي من بقاتي= وإن كان عزمي فيك عزم الجنيني
لاكن لياجا~الصوت عذب الصفاتي= مع بحةٍ منها المواقف تليني
ويكون مضمونة مخيب هقاتي= تعال.. عند الموت وقته يحني
عليك السلام أشهد عليّ الصلاتي= وأدعي لي الله وين.. ماتشتهيني

[/poem]
[/poem]
[/poem]

وختاما أستغفر الله واتوب الية
أكرم تحية لاعضاء وزوار منتدي هذيل الادب

محمد بن عمران