حداية الى المراقب وصل الله العقيلي

سلام ياوصل الله اللي لك كذا تقدير ضافي

وانته تخاوي كل قرم وكل رجالً سنافي

والله ربي رافع لمقداركم والجو صافي

وإن غبت شان الحال والمولى على خلقه رقيب




اللي يقص الدرب وعلومه مع العالم ُتشافي

اليا جلس واليا وقف مابين مظهورً وخافي

واحنا عطينا ماتيّسر لين قال البعض كافي

افهم لمن ناصحك والخطبة ُتقدّم من خطيب







وسلامتكم يالغالين

صح لسااااانك اخوي شباب والنعم فيك وفي وصل الله شهادةحق عزالله انه رجل سنافي بيض الله وجهك ووجه وصل الله

صح لسانك ويستاهل وصل الله

الاخوان

نادر

وسلمان

الله يقويكم لتواجدكم المستمر ويامراحب

صح لسانك ياشباب وبيض الله وجهك

مبدع دائماً وعساك سالم وغانم

الرد

يامرحبا من هاجسٍ حده كما حد الرهافي
يوفي الرجال حقوقها ويكرم اللي جاه لافي
بالشاعر اللي عن علوم المرجله ماهو بغافي
اللي مجود ماقفه وقت اللوازم مايغيب

والمحرم اللي يوم لبا ليه ماتم الطوافي
جاني يناقشني فحجه يحسب الدعوه عوافي
والدين واضح للعباد ولايجي فيه انحرافي
واللي على وضح النقا مايلحقه شكٍ وريب

وسلامتكم

عسى البقا وان جيت بالسيف انتبه لي بانتصافي

ولايوّقع كود في اهل الكفر قوم الاختلافي

يالشاعر اللي من عقيل اش فيك مافيك احترافي

مازلت هاوي والرجال حقوقها حظ ونصيب



ماأظن تدري عن مسنعة القصايد والقوافي

لاتنطلق حتى تفسر كل معنى فالخوافي

والمحرم يزاور ويرحل عقب ساعة بانصرافي

مالك يكود الجيّد الاول ومفرقكم يشيب

صــــــــــــــــح لســــــــــــــانك ياشباب


شـــــــــــــــاعر متميز بالذائقه الشعريه


وصـــــــــــــــــح لسانك ياعقيلي


تمنياتى لكم بالتوفيق

حييت ياللي لا هفيت ولا تجي في علم هافي
لاكن لامنك نصيت اصحى يجي فيك ارتجافي
بغيت ادرسكم على فرق الثقال إعن الخفافي
مير الكبيّر لاجدل ماعاد ينفعه الحليب

انعرف مرباع الحيا وارض العجاجه والسوافي
واللي سواتك مندفع ماضنتي يرفاه رافي
حيثك ليا جتك النصيحه صرت للناصح مجافي
والصح في عرفك خطا وتقول للمخطي مصيب

الله الله

صح لسااانك ياشبااب

وصح لسااانك ياوصل الله العقيلي

ابدااااع لله دركم تحياااتي للجميع

ذكّرتني ببن رويجح والتمر مابه حشافي

وإلا أنت ساير ماحصل والذيب والله مايخافي

لكن درست اللي لملم لك هلل ربع ونصافي

قدامك اجيال انقضت ميقاعها ماهو قريب


ان كان شدينا القوافل تسلم العجة وسافي

لكن حرفه مستواه اللي هبط به بإنجرافي

وان قمت اشرف كل حلة فالخبوت وفالمصافي

رقمك تلاشى واندثر وتفكّر إن أنت عريب

شباب , عقيلي من هذيل


صحت الالسن وبيض الله وجهيكم ابداع غير مستغرب عليكم


تحياتي

صح الله لسانك يا شباب

صح الله لسانك يا وصل الله

بيض الله وجيهكم على المحراف الرائع

رايد وسلطان

الله يسلمكم ياشعراءنا الافاضل

ولانستغني عنكم

[align=center][table1="width:95%;"][cell="filter:;"][align=center]
صح لسانك ياوصل الله العقيلي

صح لسانك ياشباب



تحياتي لكم جميعا
[/align][/cell][/table1][/align]

صار الحدا دارة رجز ياالله من الدنيا تكافي
وانته تسير في طريقٍ تجهله والنور طافي
وانا بمعرفتي غني لو غيرنا جيعان حافي
وإليا جهلت انشد ترا علم الادب عند الاديب

شباب يا شباب والنيران تطفيها المطافي
والشرهه اللي في القلوب تموت بحقوق وملافي
وإليا اهتديتو واقتديتو مايجي للعلم قافي
والزله اللي من طرفكم باينه كبر الشعيب