مساجلة شعرية بين الهذلي و اليامي والعتيبي

(( مساجلة شعرية بين ثلاث زملاء))
عندما تذهب الايام الجميلة ، فإنه لايبقى لنا الا احلى الذكريات
ويبقى التواصل بين الزملاء والاصدقاء والاحباب حتى ولو فرقتهم الظروف.
وذلك بتبادل الزيارات والمكالمات والابيات.
* * * * * * * * * * .....
قصيدة موجهه لقسم السفر*من الشاعر عبدالعزيز البشيتي الطلحي الهذلي الذي كان يوماً من الايام بهذا القسم قبل ان ينقل لقسم اعضاء هيئة التدريس في جامعة الطائف.
* * * * * * * * * * *.....
يقول البشيتي الطلحي :-
سلام مني للرجـال النواميس*
قسم السفر ياموثقين العلاقات*

في الجامعة ودروبها والدهاليس*
نجـمٍ تصدر في الصحف والمجلات

انـا لـيا جتني جـديد الهـواجيس
أرقى الجبال الصم وادحم مجرات

أبعد عن الهافي واذكي الجواسيس
كلي حقايق ما ذكـرت الاشاعات

أبنشد العراف وش داخل الكيس
خـلو المـعاني خافيه والكتابات

الناقة الي جاتنا من ورى العيس
تبغى البراد ومتعبتها المسافات

قاموا عليها وعقلوها الأباليس
شدو عليها من جميع الملذات

مطلوبهم جاهم بحسب المقاييس*
مامورةٍ تسعى بدرب الخرابات

يد لهم والختم فوق القراطيس
الله يخارج من جديد المسارات

هبو ترى ماغيركم به محابيس
هبو انحروها بالسيوف الرهيفات

هذا كتابي للرجال المقابيس
أهل الفكر ومحلحلين المهمات

واحنا هذيل وللمراجل قرانيس
درع الحجاز وللمساجد منارات

*الشاعر
عبد العزيز البشيتي الطلحي الهذلي..

......................................

وجاء الرد *على قصيدة البشيتي الطلحي من الشاعر مهدي ال فطيح اليامي يقول فيها:
يامرحبا يابن الرجال الاشاويس
ذكراك تبقى من سنين قديمات

جانا كتابك والمعاني كواليس
صوب السفر ومعقبين الجوازات

نبحث عن المعنى بكل القواميس
يمكن سؤالك يكتفي بالاجابات

العلم نور العقل ماهو كراريس
كم واحد يجهل وعنده شهادات

نشكي قدرنا للحظوظ المناحيس
ونرجع وحنا كاسبين الملامات*

ضحكوا علينا واتركونا مفاليس
والخوف فينا باقيٍ(ن) له علامات

يقطعك يانوم يجي بالكوابيس
ويقطع نهارٍ فيه حاقد وشمات

شر الوجيه اتجيك دايم معابيس
والطيب يرسم بالوجيه ابتسامات

ليت المعالي تنعطى دون تدليس
كان الذلول بدارها مابعد جات

وانا نطحت الذود يوم المناكيس
هجت وردت بالليالي العصيبات

والقمة اللي تنبني دون تأسيس
يسقط عمدها من صغير الملمات

وانا وريث العز فطرة وتدريس
ربعي هل السمرى ويام البطولات*


* الشاعر : مهدي علي قبلان ال فطيح اليامي

-------------------------------

ثم اردفها قسم السفر برد للشاعر: صالح الثبيتي العتيبي على قصيدة البشيتي الطلحي*
يقول فيها الشاعر صالح الثبيتي:-
يامرحبا يا اللي تدق النواقيس*
يا اللي لنار الحرب تقدح شرارات

أنا تراني ما اشتغل في الكواليس*
على الهوى واعرف قياس المساحات

الجادل اللي جات تزهى اللوابيس*
محشومةٍٍ عن نقدها بالملامات*

هي بنت فكري سقتها دون تدليس*
متجنبه درب الخطا والنزاعات *

للذاهبة ياكثر دوج العواسيس*
مايعرفون بوسمها والعلامات*

يا صاحبي والحكم لجل المحابيس*
ما يكتمل من دون برهان واثبات*

وان كان تبغى العلم من دون تسيس*
بالعرف خذ مني جميع الإفادات*

يابن هذيل إن ما جهلت التضاريس*
من دونها رجم *وجبال وعدامات*

وان كان حطو للجمال المتاريس*
ماهمها شيل الحمول الثقيلات*

وان جات بالواقع حلوم وكوابيس*
ابشر بمن يقرا عليها بالآيات*

وحنا ترى بالضد لاجت مكابيس
نفزع سوا فالكايدة والمطمات*

ونثور العبرود ضرب النواديس
ربعي عتيبه ماتهاب الصعيبات

الشاعر / صالح الثبيتي العتيبي

.....،..........،...............
2013
1434/3/18هـ
*______________________
| وصلو على المختار عد النسانيس|
| نبع الامانة جاب خير الرسالات *|
-----------------------------

بيض الله وجه الشاعر الطلحي وازملاه

وشكرا جزيلا ً ياسمو القوافي

صحت السن الشعراء

ومشكور على الطرح الجميل طال عمرك

تحياتي وتقديري

صحت ألسن الشعار ومشكور على النقل

أعجبني هالبيت لليامي

	شر الوجيه اتجيك دايم معابيس والطيب يرسم بالوجيه ابتسامات

فعلا شر الوجيه تجيك دايم معابيس

أبنشد العراف وش داخل الكيس
خـلو المـعاني خافيه والكتابات

الناقة الي جاتنا من ورى العيس
تبغى البراد ومتعبتها المسافات

قاموا عليها وعقلوها الأباليس
شدو عليها من جميع الملذات

مطلوبهم جاهم بحسب المقاييس*
مامورةٍ تسعى بدرب الخرابات

يد لهم والختم فوق القراطيس
الله يخارج من جديد المسارات

هبو ترى ماغيركم به محابيس
هبو انحروها بالسيوف الرهيفات

هذا كتابي للرجال المقابيس
أهل الفكر ومحلحلين المهمات

واحنا هذيل وللمراجل قرانيس
درع الحجاز وللمساجد منارات


الله الله

صح لسااان الشاعر عبدالعزيز البشيتي الذي اجاد في تغليف المعنى وتناوله بكل جداره

وهذا ليس غريب على الشاعر عبدالعزيز البشيتي فهو من بيت شعر عريق

كما ان رد اليامي والثبيتي جاءت متواتره ليكتمل هذا العقد الفريد من المراسلات بين شعراء متكمنين ناقشو فكره معينه بكل اقتدار شاعري

شكرا لك سمو المشاعر لنقل هذها الابداع مشاركه تستحق اعلى تقييم تحياتي وتقديري ،،

سلمت يداك ع الاختيار الرائع

وصح لسان قايلها

تحياتي وتقديري

[BIMG]http://www.karom.net/up/uploads/13361533075.gif[/BIMG]

حياك الله ياسمو القوافي

صحت ألسن الشعراء وألف شكر لك

صحت الألسن

..


وبيض الله وجيهكم على هذهـ المساجلات

بيض الله وجيهكم ومشكور