سود الليالي

السلام عليكم ورحمة الله وبركته اخواني الاعزاء نعود لكم بعد انقطاع طويل

سود الليالي شيبتنا وشبنا
لاعدت ياسود الليالي والايام

فيها سعينا لين منها تعبنا
ياما قطعنا الدرب والدرب قدام

واليوم من نص المسافه قربنا
وحنا نحث السير وانحث الاقدام

وانسلتني منها وش اللي كسبنا
قلت اقتسمنا يوم توزيع الاقسام

نحمي مواقفنا ولاقط غبنا
في وقتنا عشنا عزيزين وحشام

وراعي النشب في حجته مانشبنا
نقلط بحجه وافيه عند الاخصام

وان جاب كلمه مثل مجاب جبنا
حتى يجف الحبر في روس الاقلام

واكان يطرب للتدي طربنا
الين يرضى والرضا سيد الاحكام

وان طابت النيات لاشك طبنا
والشرع حكمه عدل في دين السلام

قصيده جميله جداً


صح لسانك أخوي مطر الدعدي


عودا حميدا



تحياتي

وعليكم السلام ورحمة الله وبركاته

حياك الله يامطر

صح لسانك
قصيدة جزلة من شاعر جزل

صح بدنك اخوي ين عادي ولا هنت

وعليكم السلام ورحمة الله وبركاته

نص يرتدي ثوب الحكمة .. ويتنفس الابداع

شكراً مطر .. بعدد قطرات المطر .. وصح كلك .. وعوداً حميداً