يقعد الطير ابو طربوش !!!!!!!

مع المرحوم مطلق الثبيتي
مطلق :

ابا افزع واطب المعركه عقب قر الهوش


وابا اضرب بسيفي فارس القوم صيافي


وابا اخذ حصانه ثم اقفـل عليـه الحـوش


ولاعـاد نسمـع فالبلـد صـوتـه الخـافـي

صياف :

ياطيبك ليا حولت فالمنزل المفروش


وعند العلوم الثانيـه كيـف تنشافـي


تعين لواحد تقدره ثم حوشه حوش


وكسر حسابك ثم يطلع لك الصافي

مطلق :

لقيتك صـلاة العصـر بيـن العـرب مربـوش


عسى يالسحيمي ماحصل شر واخلافي


يامكبر جيوب في طـرف ثوبـك المنقـوش


ولـكـن مافيـهـا يـقــع شـــب واصـرافــي

صياف :

بلشنـا بلشنـا فـي طيـور بغـيـر عـشـوش


على راس شجره تحتها يسفـي السافـي


تطالع في جيبي وانت وسط البلد حنتوش


وترسـل عـلـى الجـمـه ثلاثـيـن مغـرافـي

مطلق :

عصيفير مدري بالمخاليب ويش ينوش


ولانــي لريـشـك يالعصيفـيـر نـتـافـي


تبى لك صبية راسها بالعطر مرشوش


ورجـل قليـل المرجـلـه لــزم ينعـافـي

صياف :

تعديت حد العلم يالطالـب المدهـوش


وثوبك ليا حـد الركـب والقـدم حافـي


وانا عارف انك ساحر وتعمل الدنبوش


ويمناك بس الثوب من فوقها ضافـي

مطلق :

لـك الله مـأكـل مــن زادك المغـشـوش


غـنــاوي وفـالايــام طـيــب ومتـعـافـي


انا لو ابيعك ماسويت الك خمس قروش


ولـكـن باقـسـمـك لاربـــاع وانـصـافـي

صياف :

تبى تلعب الكوره ورجلك بغير عروش


لكن اصبر لبكـره ويلفـي لـك اللافـي


ليا بعت بيع اللي تحصل بها عرموش


انا سم ساعـه منـه تختـل وتخافـي

مطلق :

انا مارجيت الخير من حبـك المدشـوش


دخيلك تدسه في طرف حجرك الدافي


ابا اولع الكبريت فـي قطنـك المنفـوش


بعدهـا يجـي للنـاس لـجـه وغطـرافـي

صياف :

ضحكنا لعلوشه وجابت لنا علـوش


ولاادري بقت لثبيت والا للاشرافي


بغينا ندور لـك رحاتـك ودارت بـوش


وسريتنا بالليل بسراجـك الطافـي

مطلق :

ياراع الحلق والخف والودع والقرقوش


تكسر لنا صوت كما صوت الاسعافي

صياف :

تطير الطيور ويقعد الطير ابو طربوش

يدور سباع الصبح يسعـى ويطافـي