مثلتنا فالبل حرش العراقيب

نبارك ونهنئ الشيخ / خالد بن سعد اللحياني الهذلي خاصه وهذيل عامه على فوز منقيته الحمر فئة ( 100) بالمركز الخامس في مزاين الملك عبدالعزيز ال سعود بأم رقيبه وهذه القصيده بمناسبة مشاركته /

[poem=font=",6,black,bold,normal" bkcolor="transparent" bkimage="" border="none,4," type=2 line=1 align=center use=sp num="0,black""]
زج القلم من فوق بيض المكاتيب =مثايلٍ تزهى جديد الغلافي
وابدأ كلامي وانظم البيت وأجيب=شيٍ من المكنون كالشهد صافي
ورحبت بالهاجوس مليون ترحيب=في مدح ربعي سقت زين القوافي
هذيل ساس العز كسّابة الطيب=أهل المواقف والقلوب النظافي
اللي لهم في هامة المجد ترتيب=ترتيب الأول مايجي بالخلافي
قومٍ ليا صكت عليك الكلاليب= فعل الشريعه فعلهم ماينافي
ملاذ من دارت عليه الدولاليب=يروون حد المصقلات الرهافي
ساسٍ مسيّس دون طنب ومناسيب=ماينتهي لين انتهاي المطافي
ومن بعدها ياخالد العرف يالذيب=مليون نعمٍ في سجلك يضافي
ذللت درب المرجلة دون تصعيب=من يوم شديت الرحايل مقافي
ماذقت حلو الزاد هو والمشاريب=حتى لذيذ النوم فالعين جافي
مثلتنا فالبل حرش العراقيب=عزٍّ لنا بين القبايل يشافي
تعيش ياشيخ الوفاء والمواجيب=ياللي كسبت الجود بيّن وخافي
وتبقى عزيزٍ ياحصان الأطاليب=ليثٍ ليا منه وعد دوم يافي
فعلٍ مؤكد ياأحمر العين ومصيب=أنك كسبت الطايلة يالسنافي
ترفع لك البيضاء برؤوس المراقيب=ويحميك ربي من سنينٍ عجافي
لا ماملكت الحمر لأجل المكاسيب=مجدٍ على مجدٍ تليدٍ ووافي
سلايل الرمثان مابه عذاريب=ترعى بوسط ديارنا والفيافي
من دونها لحيان تفتل اشانيب=عز الرجال ولاحياة الكسافي
ماقلتها ياشيخ من دون تجريب=على كبود عداك سمٍّ ذعافي
وحنا معك مافيه شكٍّ ولاريب=محزمك لاجاء بالزمان أختلافي
هذا الكلام اللي نقيٍّ من العيب= دايم كلام الحق وافي وظافي
يقولها سيف السعيدي بتهذيب= اللي نهل من كل علمٍ ثقافي
[/poem]