يا مصعب الجرح !!

يا مصعب الجرح !!

** اليوم وجدانيات يا هذيل ..
** وش رايكم ؟.. طالت اعماركم .

[poem=font=",7,darkblue,bold,normal" bkcolor="transparent" bkimage="" border="double,4,black" type=2 line=1 align=center use=ex num="0,black""]
يا مصعب الجرح لا من جاك من صاحب .= تغليه وتقدّره بالحيل ، وتودّه
لا جات من طايشٍ مغرور ، متعاجب .= تقدر تلمّ الخطا في الحال وتردّه
لكن لا جات من عينٍ لها واجب .= عندك غلاها كبير، وزايدٍ حدّه
وشلون تقدر تلمّ الجرح وتقارب .= بين الغلا اللي تماري به مع ضدّه
أحيان يتعادل المغلوب والغالب .= في حسبة العاقل اللي فاهمٍ ندّه
واحيان تصعب على الحسّاب والحاسب.= من كبرها في قوانينٍ لهل جدّه
الحب ماهو طقوس وصومعة راهب .= أيضا ولاهو حروب الفتح والرّدّه
لو ما تنظّم به الموجب مع السالب .= ما وصل الذبذبة لوطالت المدّه
يقهرني اللي يلاوعني وهو راغب .= ما تنعرف حزّةٍ لرضاه من صدّه
اللي يودّك صحيح يجيك ويعاتب .= ما هو شفوحٍ يبيّن للعرب سدّه
واللي يصون الغلا يدراه ويراقب .= ما يرخص اصويحبه لو صادفه شدّه
أثر الغلا عند بعض اهل الهوى قالب .= قانونهم والعطا كلٍ على قدّه
خاب الرجا واكتفى المطلوب والطالب .= ما عاد به من يجيب العلم ويردّه
ماكان هذا العشم يركي على الغارب .= يتلّ قلبي على المكروه ، ويحدّه
ياشين لاقيل حظ (ابورعد) راسب .= في التجربة ما قدر يعبر بها السدّه[/poem]

يقهرني اللي يلاوعني وهو راغب ،، ما تنعرف حزةٍ لرضاه من صده
اللي يوديك صحيح يجيك ويعاتب ،،ماهو شفوح يبين للعرب سده


صح لسانك يابو رعد قصدة رائعة وحضور مميز

ايها الشاعر الكبير ابا رعد .

في المنتديات عامة قبل ان يقرأوا القصيدة او الخاطرة او اي موضوع ينظرون لاسم الكاتب وعلى ضوء ذلك تتم الاشادة من عدمها ,

هل تعلم ذلك ؟؟؟

........
انظر مشاركة المدير العام .
بيتين فقط والقافية مكررة من قصيدتكم الرائعة !!!

لا فض فوك يالشاعر المجيد ,,,

	المشاركة الأصلية كتبت بواسطة رايد الياسي

	يقهرني اللي يلاوعني وهو راغب ،، ما تنعرف حزةٍ لرضاه من صده اللي يوديك صحيح يجيك ويعاتب ،،ماهو شفوح يبين للعرب سده صح لسانك يابو رعد قصدة رائعة وحضور مميز

صح بدنك يالغالي ..
الروعة حقيقة هي في مرورك وتشريفك لمتصفحي .
لاعدمتك .

	المشاركة الأصلية كتبت بواسطة مجدلاوي

	ايها الشاعر الكبير ابا رعد . في المنتديات عامة قبل ان يقرأوا القصيدة او الخاطرة او اي موضوع ينظرون لاسم الكاتب وعلى ضوء ذلك تتم الاشادة من عدمها , هل تعلم ذلك ؟؟؟ ........ انظر مشاركة المدير العام . بيتين فقط والقافية مكررة من قصيدتكم الرائعة !!! لا فض فوك يالشاعر المجيد ,,,

كل الشكر والعرفان أيها الكريم على ما تفضلت به من اللطف وحسن الظن .
لا تدقق ياصاحبي فالشاعر يقول ( لعل له عذر وأنت تلوم ) .
فلربما أن الطرح أقل مستوى من أن يشاد به .
لاعدمتك .