عبد الله المسعودي عند الطلحات مع جار الله

بسم الله الرحمن الرحيم

المحاوره صارت يا عزوتي عند الطلحات في حفله العقيد عايش الطلحي وصارت الحفله في الشهداء الشماليه وكان المسعودي حاضر باكثر 70 رجال من المساعيد ووصل الخبر للسواط لانه كان بيقابل المسعودي وراح لديرته يستفزع وجاب ناس وصارت ذيك الليله تحدي واضح بين هذيل وعتيبه حتى ان السواط في بيت من محاوره ثانيه من نفس الحفله قال للمسعودي ( درينا من عصر دويرة من فرع دويره ) وهو ذكرها في قناة فواصل.
نرجع للمحاوره الاصليه والمشاركه يمكن كلكم يا عزوتي تعرفونها ولا كن من اجل التوثيق.

السواط
الاوله سلامي للحاضرين وللمعازيب واجب علينا قبل الالحان ردينا السلامي
والطرقي العجلان تبدي عليه الشمس وتغيب ترا حرس مكه وجده يعرفون الحرامي

المسعودي
( من اجمل ما سمعت من نقض والله في حياتي)
يا مرحبا من عزوت(ن)يكثرون من التراحيب ما هم باهل دار(ن)قعد ضيفها جيعان ضامي
ام رقبه عوجا وتعبوا لها عوج العراقيب شقحا ونقحا مير في اطحالها عرق الهيامي
السواط
الك البقا يالي ترحب عدد خط المكاتيب وان طعت شوري يا مصلي تقدا باليمامي
يا كم نهارن يابن الاجواد دسمنا الاشانيب والمطرب الفنان قلبه مولع بالغرامي
المسعودي
ما طلعوا الرواد سطح القمر بالفطر الشيب مثل الكحيله والشعيله حرام(ن)من حزامي
لولا رعاة الضان منها يملون المحاليب ما سرحوها صبح ترعى جديدات النوامي
السواط
الحر تكفيه الاشاره مع اطوال المخاليب ما بكشف الاسرار والا منادي بالاسامي
يا بنكنا كلك ذهب مير صكوك الاصاحيب ولياك ما سددت دينك ولك عشرين عامي
المسعودي
شوف العمى مسدود ما فيه لا شك ولا ريب لو اصبح النجدي يغطرف على راس التهامي
من لا يغرس النخل يعطى من التمر المذانيب الراس لين و الورى سابق(ن) وقت الصرامي
السواط
لا واحليلك و السوالف تهذبها تهاذيب لحمك ودمك فيك يرجع وانا ليه مقامي
ترا البعير الحر ما يطرحه قرص الدباديب واللي تحلم لا تغره كثيرات الحلامي
المسعودي
يا اللي بنيت البيت في راس شعب من الاشاعيب الصقر ما ياقع من الوكر في عش الحمامي
يا ثلب ياالي كلك اجراح من كثر المصاليب اكلتها حمرا وخضرا ولا جالك سنامي
السواط
بنيت بيت العز ما ابني الخيام ام الاطانيب من بعدها زعلت عليك الهنوف ام الزمامي
الادمي يمشي على الارض ما يدري عن الغيب احد من الزلات سالم واحد فيه المرامي


وسلامتكم .........
والمعذره ان كانت مكرره لاكن اطلب من الاداره الموقره انها اذا كانت مكرره ارجوا حذفها وشكرآ

يعطيك العافيه يالنشمي

ولا اعتقد انها مكرره

لاني اول مره اقراها

الف شكر لك على التوثيق الرائع

وتحياتي لك

تشكراتي على النقل الرائع