مهيّض العشـــاق

[align=center]وهذي لعيونكم يالغالين[/align]

[poem=font="Simplified Arabic,5,purple,bold,normal" bkcolor="white" bkimage="" border="solid,2,purple" type=1 line=1 align=center use=ex num="0,black"]
جر صوتك بالطرب والفني=يالحمام مهيّض العشاقي
فوق غصن من الروى متثني=والنسيم يداعب الأوراقي
وانت في دنيا الطرب متهني=مايهمك وش مضى وش باقي
ليت, لوهي تنفع المتمني=كان سدت عن حبال الراقي
كلمةٍ دايم تخيب ظني=تظهر اللي داخل الأعماقي
ليت تعطيني وتاخذ مني=بعض ماعندك ببعض اشواقي
وإن براك الشوق ليش توني=دام معك جناحك الخفاقي
لاتبيت وخاطرك متعني=وانت تقدر تعبر الآفاقي
منت مثلي جالسٍ مستني=كلما حاولت امد الساقي
إعترض لي حظي المتدني=واغلق الدرب الوسيع إغلاقي
صرت مثل البارك المتثني=في عقاله والحبال وثاقي
يحترك في مبركه ويحني=كلما يلمع له البراقي
يوم يتورالي إني كني=ويوم من مابي تضيق اخلاقي
واخفي الضيقه بضحك السني=واحبس الدمعه ورى الأحداقي
وإن سمعتك ياحمام تغني=يعتريني شي ماينطاقي
مير مابغى الناس تدري عني=والرجى في الواحد الخلاقي[/poem]