اسألك يارزاق.............

[poem=font="Arial,5,,normal,normal" bkcolor="" bkimage="backgrounds/16.gif" border="none,1," type=1 line=0 align=center use=ex num="0,"]
باسم الله اللي يعلم السر والجهـر=يعلم دبيب الذر فوق اسود الصخر
وارفع يديني قبل مايطلـع الفجـر=في ساعةٍ فيها الدعـاوي تجابـي
اسألك يارزاق خلقـك بـلا مـن=اسألك والجا لك وانا محسن الظن
فرج لي اللي عن حكي الناس تنكن=عن هرجة الشمات صكيت بابـي
نفسي عزيزه ماشتكـي غيـر لله=ماني من اللي تسمع الناس شكواه
اصبرعليها وسـأل الله مرضـاه=واللي يجيني منكتب فـي كتابـي
العبد يسعى ثـم يسعـى ويسعـى=مع التوكـل يطلـب الله ويدعـى
ايـاه ثـم ايـاه يقعـد وينـعـى=هذي سوايا ناقشـات الخضابـي
وآخير ماختم به صـلاةٍ بتسليـم=على نبـيٍ هـدم الشـرك تهديـم
محمد المرسـول نورٍبعـد غيـم=اعداد ماناضت بـروق السحابـي [/poem]

السلام عليكم ورحمة الله وبركاته..
أخي مشارك جديد ..
قصيدة فيها من الإبتهال والحكم ....أحسنت صياغتها..

لك تقديري وننتظر جديدك..

قصيدة مجالسية رائعة وجميلة وابتهال لله سبحانه وتعالى كنت أتمنى أنك طولتها شوي ولكن كفيت ووفيت وصح لسانك والله يعطيك العافية .

ماشاء الله تبارك الرحمن عليك

المجالسي من أجمل أنواع الشعر

وغالباً تكون مواضيعه الوصايا والنصيحه والحكمة

وما شاء الله عليك أجدت


أخوي مشارك جديد

صح لسانك

وعلا شانك

وننتظر جديدك

مشعل الهذلي مرورك وسام شرف للابيات









دمت بود

الشاعر ابوحمدان يكفي الابيات مرورك بها



دمت بود

الشاعر هشام شهاده اعتز بها



دمت بود