حكم قيمه

يبحل العاقل بعرفه مع النـاس الغشـم
بالسـلام يـرد لا خاطبـوه الجهـلـي
فالتجارب عبرة لمن يشـوف ويفتهـم
والعقول ووزنها فـي يديـن المعتلـي
من عسف نفسه على طاعة الله استقـم
ومن تبع نفسه تزجه من اعلى لسفلـي
كان تبغى الخير للفرض يابن آدم اقـم
بخشـوع الخاضـع الزاهـد المتذللـي
وعن طريقٍ حرمه خالقك شم واحتشـم
مرقب العليا عسيرٍ على مـن يكسلـي
وتكل احجاجك على اللي بحبله نعتصـم
ماربح منهـو لغيـر المدبـر يسألـي
ولا تعجب لو زمانك على كبـدك وسـم
دبرت اللي يدبـرك والزمـن متحولـي
ولا ترجى راعي المال لو عرشت عظـم
الاجل محتوم والـرزق كافلـه الولـي
الله الرزاق وان جتك فرصـه فاغتنـم
السماء لو اسبلت بالذهب مـا تسبلـي
وميز اللي يحقرك والـذي لـك يحتـرم
وعامل اللي يعاملك بالذي لـك يعملـي
فلو تساوي مثل نار الغضى نار الفحـم
كنـك اللـي فالطلـي بالبعيـر مبدلـي
ولو تقدم للعرب من لحم جوفـك لحـم
ما تحصل في كثيـر العـرب متجملـي
صنعة المعروف فاللاش ناتجهـا النـدم
مالها في ضرب الامثال يالطيـب حلـي
غير من ضيع نهاره يحاكي لـه اصـم
هل على هذا مشاريه يالرجـل الشلـي
عز نفسك عن طواريق مهفيـن الذمـم
لا ضلال بشجرة الحنضلـه او مأكلـي
رافق اللي لو يوقف زمانك لـك خصـم
كرس جهوده وهمـك بقلبـه يصطلـي
والرجل يكضم بصدره على جرح ابن عم
مايخلـي بينهـم للمعـادي مدخـلـي
ولا تفيض حدود فيض المحاجر من عدم
مايفيـض الحاجـر الا وحـده ممتلـي