" بني سفيان "رجال ومواقف ...::

السلام عليكم ورحمة الله وبركاته .

الكل يقدر لبني سفيان ما قاموا به تجاه هذيل عندما اعتقوا الطلحي قبل فتره ولاهي غريبه على قبيله مثل بني سفيان , ومن يعلم بأقدار الله سبحانه وتعالى على خلقه و الأن بني سفيان تمر بهذا الموقف والذي مرت به هذيل قبل فتره إطلاق سراح أحد المرقوبين ولهذا قاموا بالتنسيق مع الشاعر والشيخ عبدالله الحبكلي القارحي اخو الشاعر عطا الله الحبكلي القارحي لمقابلة مشايخ هذيل بهذا الخصوص وقد اعتبروهم دخلا على هذيل ونسقوا لهم المقابله و استقبلوهم احسن استقبال في يوم السبت الموافق 12/ 8/ في مزرعة الشيح ماطر الرويزن بالشرايع بحظور عدد كبير من مشايخ هذيل وعلى راسهم الشيخ عطية الله بن محمد الحبكلي القارحي والد عبد الله وعطا الله وقد كانت ليله اعتبرت خطوه طيبه في اول المشوار والذي يتعشم الجميع بأن يتكلل بالنجاح ..,
وكان للشاعر عطا الله القارحي حضور كعادته ولا سيما أن بني سفيان دخلو على هذيل من قبلهم . فمع المشاركه ..,,
:
,
[poem=font="Traditional Arabic,6,#000000,bold,normal" bkcolor="" bkimage="backgrounds/29.gif" border="none,1," type=1 line=0 align=center use=ex num="0,"]
يا الله يا رب الملائكة و الروح = يا من لسلطانك نهاب ونذلا
يا خالق الإنسان , قدوس , سُبوح = يا فارج الكربه إلــه تعلا
لرضاك نسعى و أمر الآجال في اللوح = عن جاهنا يا خالقي لا تخلا
نبذل من الأسباب ما يُبعد الشوح = يا خير والي , و البنادم مولا
اللي اتبع هديك له الذنب مدموح = و اللي عصى يُجزا على ما تولا
أباءنا ابراهيم و آدم قبل نوح = وللآن و الإنسان يُفتن ويُبلا
خلقتنا ما بيننا دم مسفوح = و أذنب ولد آدم , وقصته تتلا
أول جنايه ترتكب والسبب فوح = إبليس , و اكثر ما ضحاياه قتلا
عليه لعنه تلعنه كل ما ابوح = مُخرج أبونا من جنانٍ تدلا
و إبليس بلوا , و الفضيله لها ضوح = أنحاربه ما دام في الناس فضلا
انحاربه لو أكثر الناس مجروح = و" هذيل " من طيب المكارم تحلا
و اللي سبق فعله على الطِيب ممدوح = ما ننكر المعروف حاشا وكلا
" سفيان " سوّت طيب من دون مصلوح = ما اضنكم يا " هذيل " بالأمر غفلا
قالوا ولدكم يا الرياجيل مسموح = وحلوا قياد بدونهم ما يُحلا
تكفون يا ربعي ولو قلت يا " طلوح " = أقولها و الطِيب بالطِيب يُتلا
تكفى يا " رزقا الله " ترا الزاد مملوح = و ايدامها قدامها , و انتم اصلا
معدن وفا ما قلتها ارياء ولا مزوح = وتكفى يا " عبد الله " نصاك ابن جملا
ينخى شيوخ هذيل و الوضع مشروح = و اليا نويتم يصبح الصعب سهلا
ردوا الجميل وخلوا الباب مفتوح = و لا تامنون الوقت و الوقت يبلا
من بعد جونا كل مرفوع مطروح = جونا أدخلا ونقدم أهلا وسهلا
وحنّا ادخلانا , ادخلا كل طحطوح = ما عندنا في العلم لفه وختلا
من دونكم ما يوخذ العلم ويروح = ومن دونكم ما للمضامين شكلا
تشاوروا والشور للقوم مفسوح = يقرّب الوجهات ويلم شملا
وعلى فُرشنا ما يجي الهرج مسدوح = أما بياضة وجه و إلا فعقلا
و أكرر المطلوب و أقول بوضوح = عتق ارقبه ما عاد فيها مخلا
تجملوا يا " هذيل " من يعتق الروح = قدر إل بني " سفيان " قدر ابن جملا [/poem]
:
,
شعر عطا الله القارحي

الشاعر عطاالله القارحي


شاعر موقف


ومن الشعراء القلائل الذين صخروا قصيدهم للخير



نسأل الله أن يكتب كل خير


وأن يجزي الشاعر عطاالله خير الجزاء


وأبيات يكفي مضمونها عن كل كلمة سنقولها



شكراً لك أخوي خلف القارحي


وبيض الله وجه شاعرنا (( عطاالله القارحي ))

لا بد من رد الجميل لاهله

وان شاء الله ان هذيل ماراح تقصر


بالنسبه للقصيده ليست بغريبه على شاعر المواقف

تعودنا منه ذلك في كل محفل

صح لسانك مليون ياعطالله

ولا هنت على النقل ياخلف

تقبل مروري

وعليكم السلام ورحمة الله وبركاته.
الله يعطيك الصحة أخوي خلف القارحي.
وصح لسان الشاعر عطا الله راعي الوقفات.
ويارب أن الأمور تنتهي بخير واللي راح راح مايعود ..
وقبل الجميلة وغيرها أجر رب العالمين عتق رقبة في هذا الشهر العظيم من خير القُربات ..
قصيدة جزلة وفيها خير ..

اللهم أعتق رقبته من القصاص و أن يوفق أصحاب الدم للعفو

الله يفرج له
وإن شاء الله عيال عمنا الطلوح يكسبونها في هذا الشهر الفضيل ويعتقون رقبته

صح لسان الشاعر عطاالله القارحي وبيض الله وجهه

وسلمت يمينك يا خلف القارحي

من عفا واصلح فأجره على الله
وصح لسانك يا عطاالله رجل مواقف