وداعاً أيها الشعر (( قصيدة الإعتزال ))

بعد تفكير عميق واسترجاع لشريط
الذكريات وبعد أن سبرنا أغوار الشعر
وعرفنا موقعنا فيه وموقفنا منه قررنا
القرار التالي قرار نهائي لارجعة فيه :


[poem=font="Arial,5,#8b0000,bold,normal" bkcolor="" bkimage="" border="none,1," type=2 line=0 align=center use=ex num="0,"]
ودعتك الله ياهجوسي وداعه = واعلنت عن نظم القصيد إعتزالي
هذا الكلام اللي كرهتم سماعه = لكن جار الوقت والحظ مالي
الشعر قررنا نطوّي شراعه = هواجسي ماجت على شف بالي
كانت تقول لي دوم سمع (ن) وطاعه = واليوم قفت واتركتني لحالي
من بعد ماهي قد نوت بالقطاعه = مدري زعل وإلا صدوف الليالي
كرهتها ياعلها سم ساعه = وهي اتركتني ماتبي لي قبالي
وانا عن المقفين عندي قناعه = وعندي كرامه مثل صم الجبالي
يظل راسي دايم(ن) في ارتفاعه = عالي ويخضع للعزيز الجلالي
لو يخضع لغيره قطعنا نخاعه = وارميه رمية مبعدات النبالي
ماعاد لي في الشعر شف وطماعه = العمر راح ولابقي غير تالي
الشعر ماهو من رخيص البضاعه = ولا كل من قاله رقى في المعالي
الشعر له شاعر يسير طباعه = في كل موقف له صدى واجتوالي
لاطب في الميدان تشرد سباعه = ويبقى على القمة ببيرق يلالي
أما حياة العز وإلا القلاعه = حدد مصيرك ياكريم السبالي
في الشعر ماتمشي علوم اللكاعه = مايارد الجمه قصير الحبالي
هذي علوم الصدق ماهي إشاعه = الشعر مثل الضلع صمصوم عالي
وانا بعد ماشفت حالي بقاعه = أعلنت عن نظم القصيد إعتزالي [/poem]


وعلمي وسلامتكم