[...لهجـة قبيلـة مطـــير ..]

هالكلمات يقولونها العبادل ولا يقولونها علوى او بريه نبي نحطها كلها...وابصراحه مدري ان كان غير قبايل ايقولونها لاني ابصراحه يوم اقولها عند احد من قبيله ثانيه مايفهمني ...


مافانت : يعني مافي مثلها (فديتني ) :: هالكلمه تنقال للبنيه::
مافان : ماخبر :: تنقال للولد::
مبدول: يعني خبل
مفنوح: يعني مفهي
الهول : اهي سبه يعني جني ( الظاهر ايقولونها العبادل بس )
السعلي : نفس معنى الهول بس لها معنى حرفي ثاني واهو السعلي (الحيوان) (بعد اظن ايقولونها العبادل بس )
الدحيه: يعني الدبيه اللي تدحدح
الطلايب : الهواشات يعني مثلا نقول( يُمه ردي ولدك عني كل شوي يطالبني [يعني يهاوشني])
عانه:نفس معنى الكلمه الكويتيه كاهو (هذي للولد)
عانيه: هذي للبنيه
عاننه: للحريم
عانوه: للرياجيل
الرياجيل : يعني جمع رجال
طشه: ذبه (للولد)
طشيه: للبنيه
الصهيب : النامس (الناموس)
متفرعن: يعني مستقوي
شاينه : مدري شلون افسرها بس لصارت عيونك باين عليها الارهاق والتعب يقولون لك (انتي وش فيك؟ تعبانه !!علامها عيونك شاينه )
ابك : والله مدري شلون افسرها بس تجي ويا الكلام
مير: للاستدراك
دوخ: يعني ازعاج خصوصا لصجيتي الزول ايقولون لك دووخ
حر: دايم كانت اتقولها جدتي الله يرحمها لشافت احد ينادي او يقنب قالت حر.. سد الله نحرك يعني انطمي لانك ازعجتيه
يقنب : ينادي من كل قلبه كنه محد يسمعه وخصوصا العجز
وطه : يعني اتركه (للولد) ياعلى الطاوله ولا على الارض
وطيه : للبنيه
امهات ونيثي : هذي عاد سبه من قلب طبعا يقصد فيها انك تسبين حريم
ماش لون : يوم احد ينشد وش فيه وكان مافيه شي تقعدين تقولين ماش لون
يلق : يلمع
ارتحلني: امتحلني
تولجني : يعني اذاني اذى يعني غثني
متزبر : اكثر شي ينقال للاشيا متزبره يعني متكدسه
لا كلتينا في الخلا : اهي سبه معناها الله لايوكلك علينا ( للبنات)
عسى عدو عيني يبليه الله مثل بما بلاك :ياعل الانسان اللي ماتدانيه يبليه الله ببلواك
تهبد : تمشي مثل الخبل
بليه : قليل
عينت لي : شفت لي
توح : اسمع
مرزح : يعني قاعد على الكبد يعني ناشب
الجبعه: القصيره
دوك: اخذ
نقه : يعني بس يحن
حلياك : يعني مثلك
و من الامثله :زن ولقاله خرزه : يعني حليا القرد لـ لقاله شي تولجه ومسكه ماعاد يفكه
ام عضرود : يعني النحيفه زي العصله وام عصلوب
ام فق : اللي عد فقها ينكسر من النحف
الفزره : اللي راجعه قامتها على ورا ماادري شلون اشرحهها ( للبنت)
عد : يعني ارق يعني اطلع على شي (سلم ولا درج ولا اي شي )



أهب : كلمة سب أو في بعض الأحيان تعجب مخلوط بسب في حالة اندهاش !

علاك : تعمل عمل عليك

يهبا : يعني يبطي عظم أو بعيدة عن شواربه ..

في سد الشنب : نوع من انواع التحدي وفيه حلق اشناب ..

الهمام : اي الهمة أو شدوا حيلكم ..

أوٌلى : تنطق هذي الكلمة بشد حرف الواو وتعني قبل قليل ..

يعس : أي يتفقد أو يتأكد كقول احدهم : ابعس القوم وش عندهم وابجي

بلشه : ورطه أو نكبه وتأتي بمعنى الأزعاج أو المضايقه مثل : أبلشتني الله يبلشك !!

لين : مثل حرف إلى .. كقول الشاعر :

يا لين جات الحزه اللي ليا جات = كلن على ما قيل قلبه يعله

الحزه : الوقت أو الفترة أو الساعه

يدحى : يملى .. مثل : اعقل قبل لا ادحى فمك تراب !!

إليا : إذا .. مثل قول الشاعر :

معكف الأشناب قاصي وداني = وإليا نطق بالهرج كلن تسمع

يعرط : يعض أو يقبض بفكيه على الشي ..

يزهم : ينادي .. مثل : ازهم على الربع خلهم يجون ..

سرمادي : مذمه أو سبه !!

عبيط : متمرد ..

شرواك : أي مثلك ..

ذرب : يحب الحركة والنشاط ..

طس : فعل ماضي ويعني ذهب أو غادر

انثبر : اجلس أو اركد أو اقعد ..



ولي عوده إن شاء الله بالمزيد من الكلمات ..


علما بأن معظم كلمات مطير أو بالأحرى كلها قد يعرفها أناس كثيرون من قبيلة عتيبه أو حرب

أو البقوم أو سبيع أو أي قبيله تعيش بالقرب من مساكن مطير ..

فهذه الكلمات ليست محصورة على قبيلة مطير .. بل على الذين يعيشون في أماكن محددة ..

أي أن اللهجة او المفردات ليست خاصة بقبيلة أو عائلة أو ماشابهها ..

بل ترتبط باالأماكن .. فمثلا هذه اللهجات يعرفها من سكن في نجد والحجاز أو بعضهم ..

ونجد يسكن فيها الكثير من القبائل وكذلك الحجاز لذلك فهم مشتركين في استخدام هذه المفردات ..

وللمعلومية اقرب القبائل لمطير في اللهجه قبيلة عتيبه و البقوم .. ويأتي بعدها سبيع وحرب وسليم .

وشكرا .,.,.,.,.,.,

و الله و النعم بمطير كافة


قبيلة كبيره و تاريخها عريق ولا غرابة أن يكون لها كلمات مستقله عن بقية القبايل




مشكور اخوي نواف







تحياتي ,,,

ألف ونعم بقبيلة مطير


وبصراحة عدد كبير موجود عندنا في قبيلة هذيل ويستخدم بنفس المعاني


وعدد أقل يستخدم بمعاني أخرى


وقليل من الكلمات اللي ذكرتها لا يستخدم


وهذا ما هو شيء غريب قد يكون للجيرة أو الأرتحال أو ما شابهه دور في أنتشار بعض الكلمات .



يعطيك العافيه أخوي نواف


وكالعادة مواضيع قيّمة تقدمها


تقبل مروري

السلام عليكم ورحمة الله وبركاته.
مشكور استاذ نواف.
والحقيقة أن اللهجات قريبة من بعضها البعض..ربما هناك كلمات خاصة ..

وفقك الله .

ونعم والله بمطير وأغلب هذي الكلمات يستخدمها كثير من هذيل

ونعم بقبيلة مطير

ومثل ماتفضل الأخ هشام ان اغلب الكلمات تقال كذلكـ عندنا

والله يعطيكـ العافية موضوع جميل ويعرفنا بثقافة قبيلة عريقة مثل مطير

وتقبل تحياتي

والنعم بمطير وما جابت

زي ما تفضل الاخوان اغلب الكلمات معروفةو نستخدمها الوقت الحاضر

لكن اهل الشرقية والجنوب لا يفهموا اغلبها

الحمد لله ثقافتي للبنانية و الهروج هذي ماعرفه يبي مترجم
تسلموووووووووو

والله مثل ماقالو اخواني كثير من هالمعاني عندنا بعد

ومشكوور يالحبيب عالموضوع والله ونعم بمطير حمران النظر