قصيـده فيـها كـل قبـائـل المملكــــه

قصيـده فيـها كـل قبـائـل المملكــــه

--------------------------------------------------------------------------------









يالله يـاخالق اراضيــن وابـحار = الواحد المعــبود رازق عبـيده
الخـالق الغــفار علام الاسـرار = وفرق شعوب الارض في كل يده
وابدي واسولف من عذيبات الاشعار = ابــيات شعر والمعـاني وكيده
اشري وابيع واعرف كيـف بـختار = واختار من جزل البيوت الـفريده
واذكر تـراث وعز وامـجاد وافخار = قبائل تومن بديــن و عـقيده
وصلت حضارتنا على سطح الاقمار = ابنا الجزيرة والجزيره مــجيده
في ظل حكام لهــم فعل واشـوار = آل السـعود الـلي تفك الضهيده
نسل الزعيم الحاكم العادل البار = مجدد امجـاد الجــزيره بجيده
حتى اصبحت حره وحنا له انصار = في ظل اخو نوره هنوف سعيده
وصارت لابو تركي بطوله وتذكار = والفخر والامجاد تبقى شهيده
وخلف لنا املوك لهم فعل واخبار = الشعب واحد والقياده رشيده
والامن بانينه على ساس وجدار = وقرو على العابث عقوبه شديده
وحنا حماة الدار من كل غدار = وما همنا بطشه وخبثه وكيده
قبائل مالحقناهم اوعار = وعشنا بهذي الدار عيشه رغيده
والحمد لله نحمده سر واجهار = شعب تكاتف من سنين مديده
ودون الوطن جيش على كل معبار = لارفرف البيرق ونادى عقيده
بشرق البلاد وغربها دوم حضار = وارض الشمال اللي نفوده مديده
وارض الجنوب اللي تخيضر بالاشجار = جزيرة فيها القبايل عديده
ارض بها قحطان وافين الاشبار = وياعز منهم بالشدايد بسيده
واذكر عتيبه يوم للطيب مغوار = لا ثارت الهيجا وقرب ضديده
وشمر هل الطولات والجود مقدار = اهل الكرم واهل الفعول الحميده
وقوم اعنزه مروين الاخصام الامرار = اولاد وايل من عصور عهيده
ومطير قوم تكرم الضيف لا زرار = وياويل خصم في حراهم وعيده
واذكر قبيلة حرب يانعم الاخيار = وتاريخهم يحكي سطور مجيده
وسبيع نعم القوم ووجيه الاسفار = زبن الدخيل ليا زبن من طريده
واذكر قبيلة يام والطيب يندار = اهل العلوم الوافيه والرشيده
ثم الدواسر تجعل الخصم منهار = عيال زايد عز منهم سنيده
ثم السهول اللي لها الطيب مدرار = وعن منهج العادات ماهي محيده
ثم اذكر العجمان حماية الجار = والمرجله والجاه فيهم عتيده
واذكر بني مره طويلين الاعمار = ما ينقد المري ولا له نقيده
وبني هواجر لابة تقدح النار = اهل الركاب اللي خطاها بعيده
واذكر بني خالد قبيلة وامار = قوم لهم في المجد قول ورصيده
وبني تميم اللي لها الطيب مصدار = بني تميم وكل فعل تجيده
ثم الزعوب اللي بها الخصم يحتار = شجعان ماترضى سوا ماتريده
العازمي وافي وفي الطيب بيطار = روحه على كل المصاعب صميده
ثم الظفيري في المصاعيب جبار = والطيب والامداح باصله وطيده
ثم اذكر الاشراف بجلال واكبار = اهل الحجاز اللي تفك الزهيده
ثم الهذيلي له مواقف ومندار = راعي الفخر راعي العلوم السديده
ثم البقوم اللي لهم جيش وامهار = ريف الضيوف ليا لفاهم وليده
واذكر ثقيف اللي لهم مجد وآثار = ومهما حسبنا من كلام نعيده
وبلحارث اهل العز بشهود واقرار = ا لحارثي ياطيب فعله وجيده
والمالكي معروف لا صار ما صار = في موقف اهل الطيب يبذل جهيده
واثني تحياتي عدد وبل الامطار = على سليم وكل خصم تكيده
واذكر جهينه هل مواقيف وادوار = تلقى الجهيني راسم الطيب بيده
واذكر بلي والمجدله فعل واظهار = وتاريخهم يحكي فعول فريده
وبني عطيه في المواجيب حضار = قوم بوقت الجد قوم عنيده
ثم الحويطي والكرامه له اشعار = ثم الشراري له فعول مفيده
ثم الرشيدي في الصعيبات صبار = على علوم الطيب فعله يزيده
وباقي جنوب الدار والقاف مادار = باقي على قلبي كلام واشيده
زهران نعم القوم في وقت الاضرار = والخصم عينه من لقاها سهيده
والغامدي معروف له عزم واصرار = راعي المراجل والعلوم المفيده
وشمران قوم والجمايل لها اطوار = وبلقرن سم للقلوب النكيده
والاكلبي والمحلفي مابعد بار = والحارثي طيبه وفعله يشيده
وبني شهر وبني عمر سيف بتار = قوم على الاخصام نار وقيده
والاسمري والاحمري صيتهم سار = بين القبايل والمواقف شهيده
واذكر عسير الهول ذربين الاذكار = وابها احتموها فالسنين الشديده
وادهم والصيعر على حد الاقطار = يحمون حد الدار من اللي يريده
وامشي مع الساحل مع جمله افكار = رسمتها والطير زان اتغريده
وانزل على جيزان تاريخ واديار = ورجال فيفا والقبايل عديده
وارجوا العذر واهل المواجيب عذار = الي نسيته مانذكر في القصيده
الواهبي عدد ابيوته بالادوار = من شاعر ماشل قلبه حقيده
شهران ربعي هم هل المدح والكار = واهل الكند واهل السيوف الجديده
يوم البلد مايامن الزند لاثار = زيزومنا ابن مشيط نعم الوليده
فالجهل شجعان وفي السلم تجار = من بطن بيشه للتهم لارفيده
حبيت ابين موقفي بين شعار = وارجوا سموحتكم على ذا النشيده
ماحب انافق واتعنصر تعنصار = ولا ني باطيع اهل العقول البليده
ما كل من طب البحر قيل بحار = وما كل من شل الفشق جاب صيده
فالشعر بستان به ورد وازهار = واللي تعداها بيوته فقيده
واقولها في الشعر تكرار وامرار = ضرف بلا عنوان يلغى بريده
وبعض السوالف له مواقف ومحضار= وشعر بلا معنى لزوم نبيده
وصلوا على المرسول شفاع الابرار= محمد الهادي وقدوة عبيده



منقووووول

ويارب عجبـتـكم

[poem=font="Simplified Arabic,4,white,normal,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black"]
ثم الهذيلي له مواقف ومندار = راعي الفخر راعي العلوم السديده [/poem]
===================
صح لسان قائلها ويليت اللي يعرفه لايبخل علينا

[align=center]صح لسان قائلها [/align]

صح لسان قائلها

ولك مني تحية يارشيد

نشكررك ابو سعد على المروور

ولك منــــــــــــــي ارقى تحيه اخي سلطان

صح لسان قايلها .....................وألف شكر قليلة في حقك أخوي رشيد

صح لسانك ولسان من قالها وبيض الله وجيهكم





:rose: :love: :rose:

النبــــ مطرفي ـهانيه
اشكررك على هذا الاطراء واشكررك على المررور

الفتــــــــــى الذهبي
ووجهك ابيض واشكررك على المررور