محاوله اولى - ::{ مجالس قبيلة هذيل }:: موقع يهتم بتراث القبيلة ومفاخرها

09-09-2007, 01:34 AM

أسلم ياهذيل العز يارمز الكرم والجود ............ سلام ٍ فيه ريح الطيب وريح الفل والريحان
انا سباح فالطوفان واغطس فالبحور السود.....بغيت اشوف من يغنم من اللولو من المرجان

أول مرة وبحاول لاهنتوااا

يليت المحاور يكون على قدي

09-09-2007, 02:35 AM

بداية موفقه اخوي واثق الخطوه

ولو كنت شاعر كان رديت عليك

و ان شاء الله يجي واحد من شعرائنا و يقوم بالواجب

تحياتي ,,,

09-09-2007, 10:44 AM

كان حددت يا واثق

اخاف ماني بقدك وتاكلني

لكن ننتظر تحدد لنا واحد تريد ان تلعب معه

وكلنا شوق لمحاولتك الاولى

09-09-2007, 10:52 AM

صح إلسانك يا واثق

ونا مثلك هذي المحاولة الأولى

و لكن خذ ردي :

هلا يا واثق الخطوة عداد البارق اللي سابقته إرعود
تراحيب الكمالة نايب(ن) عن ربعي الهذلان

ترى هذا الزمن يتعب و لكن زود المجهود
سبحنا فالبحور و لا تهيبنا من الحيتان

و إذا تبغي تحدد واحد ثاني حدد و نا تراني في صفك

09-09-2007, 11:45 AM

أسلم ياهذيل العز يارمز الكرم والجود ............ سلام ٍ فيه ريح الطيب وريح الفل والريحان
انا سباح فالطوفان واغطس فالبحور السود.....بغيت اشوف من يغنم من اللولو من المرجان

يا سلام عليك

وتقول على قدي الله يحفظك

بيض الله وجهك وبالتوفيق وأنا أخوك

حدد خصمك أو كمل مع اللحياني

أهم شيء حددوا موعد

وأبشروا بالصفوف

09-09-2007, 12:43 PM

هلا مرحب عداد البارق اللي سابقته إرعود
تراحيب الكمالة نايب(ن) عن ربعي الهذلان

ترى هذا الزمن يتعب و لكن زود المجهود
سبحنا فالبحور و لا تهيبنا من الحيتان

ارجو التعديل

09-09-2007, 03:18 PM

اخوي ابو سعد يعطيك العافية

هذلي والفخر لي الله يعطيك العافية يكفي مرورك مااقدر عليك

اللحياني ياسلام معاك لاهنت

هشام الهذلي والله ودي العب مع اللحياني

09-09-2007, 03:29 PM

إبشر يا غالي ولا يبقى غير نحدد الموعد

09-09-2007, 04:37 PM

السلام عليكم ورحمة الله وبركاته .
حيا الله واثق الخطوة ....بدعة وافية .
ورد أخوي اللحياني يسد ..
وحددوا لنا موعد نكون صفوفكم ..

الله يديم الأخوة ...

09-09-2007, 07:32 PM

انا جاهز الليله او بكرة بعد الساعة 11

اذا اللحياني فاضي

09-09-2007, 09:43 PM

السلام عليكم ورحمة الله وبركاته

المعذرة /

يا واثق الخطوة أنا بكرة متورط مع الشاعر الكبير / هشام الهذلي

و أحتاج يومين راحة بعدها

و أنا أقترح لك موعد عسى يناسبك :

ليلة الخميس بعد الساعة 11 ( بعد مباريات التصفيات الأوروبية )

و إذا عندك موعد ثاني هاته و إبشر بسعدك

على فكرة حاولت أراسلك على الخاص لكن الظاهر إنك مانع إستقبال الرسايل

09-09-2007, 10:28 PM

محاورة قوية مع الشاعر الكبير / هشام الهذلي

معذور وموعدنا الخميس

والله الخاص مدري عنه بحاول فيه

09-10-2007, 03:30 AM

ماشاء الله تبارك الله .

محاولة طيبة منكما .

بإنتظاركم يوم الخميس إن شاء الله .

:)

09-12-2007, 10:48 PM

غريبة .!

لا يوجد أحد في الساحة واليوم موعد اللقاء ؟ .

09-12-2007, 10:53 PM

الموعد بكره وأنا أخوك

لكن تفضل معانا فيه محاوره الليله على المنتدى