جتني هجوسي بعد شدت ركايبها !! - ::{ مجالس قبيلة هذيل }:: موقع يهتم بتراث القبيلة ومفاخرها

07-14-2009, 09:10 AM

هذه القصيدة هي محاولة لمجاراة قصيدة الشاعر الكبير بديوي الوقداني التي يقول في مطلعها

أيامنا والليالي كم نعاتبها ==== شبنا وشابت وعفنا بعض الاحوالي

وقد قمت بمجاراتها على نفس الوزن ولكن استبدلت قافية العجز وأقول فيها

[poem=font="tahoma,5,,normal,normal" bkcolor="" bkimage="" border="none,1," type=0 line=0 align=center use=sp]جتني هجوسي بعد شدت ركايبها = مثل البدو يوم جاهم قفر الاوطاني

تتبع خـبر للمطر والجــوع متـعبهــا = ترجي من الله لـو زخــات هتــاني

جـاهم خـبر ديرةٍ والوسم صـايبــها= امـربعه والحــيا للارض عنـــواني

الديره اللي عظيم الشان معشبها = بالفكر واللفظ والمعنى وتبياني

يومن لقت ديرتي حطت مضـاربهــا=قامت تباهى وسط خوخٍ ورماني

من بعد جوع وظما كثرت مشاربها= ما عاد من بينهم جايع وظمياني

البــرد يقتل صغــيًرهــا وشايبهــا= ما عاش غير الشباب ابداخل الحاني

وامسيت في غابةٍ للفكر واحطبها= جبت الحطب للدفا اعواد واغصاني

من بعدها شب للهاجس شبايبها=ردت لها الروح تتهجد في بستاني

لفيت شرق الديار وفي مغاربهــا= واخترت من ديرتي وابدعت قيفاني

وابحث عن المفرده والارض انقبها= حتى رفعت الكلام الزين عمداني

واخترت كلمات للــذوَاق تطربهــا= قامت تجمَل وتتسابق على لساني

ثم صغتها شعر في أحلى مراتبها= ابيات شعري مغلفها بالاوزاني

شاعر واحب الشعر والنفس يغلبها= حب الهوى والتوجد طبع الانساني

والشعر له منزل عالي مراقبها= ماني من اللي يقوله مدح لاعياني

ناسٍ ترى المال هو غاية مكاسبها= ناسٍ تبيع النفوس ابقل الاثماني

( المال يحيي رجال لا حياة ابها )= لكن حياة الشرف لو كنت جيعاني

والكلمه الناقصه ترجع لصاحبها= ترجع وكن بينهم حبٍ وتحناني

والناس مهما تعلت في مناصبها=تبقى بشر والبشر ماله عمر ثاني

ومهما يعيش الفتى دنيا يصاحبها= يوما على آلةٍ مطوي بالاكفاني

الموت بيرٍ وكل الخلق شاربها= لابد تشرب منه لو كنت رياني

ياوارد البير ما يرجعك غاربها= ماحدٍ تخطاه موته والعمر فاني

ينساق للقبر يدفن في ترايبها= واليا سكن فالقبر يلقاه جيراني

ماعاد تنفع بني آدم قرايبها= ينساه صاحبه وينساه الاخواني

والصبر ينفع رجالٍ في مصايبها= عرفو قضا الله وزودهم بالايماني

حتى البحور اغرقت فيها مراكبها= غرقت ولا منقذ ان كان الاجل حاني

حتى الكتابه شكت اقلام كاتبها= حتى الفرح صار تسخر منَه احزاني

حتى الكتب ماتبي تحضن مكاتبها= صارت تعبر عن الفرقا بالازماني

حتى العشيق الوفي اصبح يعاتبها=ماعاد يبقى على دنياك خلاني

دنـيـا كـما رحـلةٍ والمـرء راكـبهـــا = اما على جنةٍ واما لنيراني

ازهد بـدنـياك درب الـشر جـنبها = خلك على الخير متعود ومتفاني

احضر بيوت الإله الزم محاربهــا= اجعل كلامك من أذكارٍ وقرآني

وانا مضى لي من الدنيا تجاربها= واسأل مجرب وخذ لك نصح مجاني

صاحبت فالناس صاحيها وخايبها=والكل منهم رحل عني وخلاني[/poem]
وسلامتكم .....

أرجو أن تنال على اعجابكم

تقبلوا تحياتي

07-14-2009, 10:08 AM

وعليكم السلام ورحمة الله وبركاته

صــــــــح لسااااااانك يالشعيفي وبيض الله وجهك ويعطيك العافيه ما قصرت

وتقبل تحياتي أخوك ,,,, أبــو ضـاري

07-16-2009, 01:47 PM


	المشاركة الأصلية كتبت بواسطة فهد الصماني


	وعليكم السلام ورحمة الله وبركاته صــــــــح لسااااااانك يالشعيفي وبيض الله وجهك ويعطيك العافيه ما قصرت وتقبل تحياتي أخوك ,,,, أبــو ضـاري

أهلا وسهلا بك أخي أبو ضاري

أشكرك على المرور الدائم

والله يحفظ لك ضاري

دمت كما انت

07-14-2009, 11:04 AM

صح لسانك وبيض الله وجهك اخي الطيب الشعيفي

يعطيك العافيه

جزله من جزل

تقبل حضوري

07-18-2009, 03:49 AM


	المشاركة الأصلية كتبت بواسطة جمعان الطلحي


	صح لسانك وبيض الله وجهك اخي الطيب الشعيفي يعطيك العافيه جزله من جزل تقبل حضوري

هلا بك أخوي جمعان الطلحي

وصح بدنك طال عمرك

ووجهك أبيض

أسعدني مرورك والله

شكرا لك

07-14-2009, 01:57 PM

الشعيفي

صح لسانك مدد بلا عدد

قصيده لها من الحكمه النصيب الأكبر

بصياغه شاعريه رائعه

ماشاء الله تبارك الله

على القوه يالشعيفي

ننتظر الجديد

07-22-2009, 04:23 AM


	المشاركة الأصلية كتبت بواسطة عز الرفيق


	الشعيفي صح لسانك مدد بلا عدد قصيده لها من الحكمه النصيب الأكبر بصياغه شاعريه رائعه ماشاء الله تبارك الله على القوه يالشعيفي ننتظر الجديد

صح بدنك أخوي عز الرفيق

مرورك رائع كالعادة وشهادتك اعتز بها طال عمرك

وأشكرك على هذا المرور

الذي أسعدني كثيرا

دمت على طاعة الله

07-15-2009, 02:24 AM

[mark="009900"]قصيدة رائعة وجزلة من شاعر رائع وجزل
وهذا موغريب جدك من فحول الشعراء

تقبل تحياتي[/mark]

07-24-2009, 11:55 PM


	المشاركة الأصلية كتبت بواسطة ابو خنيفس


	[mark="009900"]قصيدة رائعة وجزلة من شاعر رائع وجزل وهذا موغريب جدك من فحول الشعراء تقبل تحياتي[/mark]

أشكرك أخي أبو خنيفس على المرور الرائع

وأشكرك على الإطراء الأروع

وعسى الله أن يرحم أمواتنا وأموات المسلمين

تحية طيبة

07-19-2009, 10:37 PM

نص جميل اشكرك وننتظر القادم

07-27-2009, 03:44 AM


	المشاركة الأصلية كتبت بواسطة بكل صراحه


	نص جميل اشكرك وننتظر القادم

العفو طال عمرك

مرورك شرفني يعلم الله

دمت كما تحب

07-22-2009, 09:07 AM

وعليكم السلام ورحمة الله وبركاته

ماشاء الله تبارك الله

صح لسانك أخي الشعيفي

وبيض الله وجهك

واصل على هالإبداع والتميز وفالك التوفيق

أخوك : ابو محمد الخالدي

07-29-2009, 03:37 AM


	المشاركة الأصلية كتبت بواسطة ابو محمد الخالدي


	وعليكم السلام ورحمة الله وبركاته ماشاء الله تبارك الله صح لسانك أخي الشعيفي وبيض الله وجهك واصل على هالإبداع والتميز وفالك التوفيق أخوك : ابو محمد الخالدي

أهلا وسهلا أخي وعزيزي أبو محمد الخالدي

صح بدنك ووجهك أبيض طال عمرك

والابداع أنتم أهله

شكرا لك على المرور

07-25-2009, 12:52 AM

بيض الله وجهك
قصيدة أكثر من رائعة
صح لسانك
وعلاشانك

07-31-2009, 03:32 AM


	المشاركة الأصلية كتبت بواسطة هذلي قديم


	بيض الله وجهك قصيدة أكثر من رائعة صح لسانك وعلاشانك

هلا بك أخوي هذلي قديم

ووجهك أبيض وصح بدنك

مرورك أسعدني