قص جرة عميلك لا تضيعها

مساكم الله بالخير

طاروق خفيف
استلم يابو نايف لاهنت





مثل ريح الخزامى مثل طعم الراك
ردتن للنشامى زان مطلعها


قوم يا خالد المضمون مايخفاك
قص جرة عميلك لاتضيعها

السلام عليكم ورحمة الله وبركاته

مساء النور استلم يابوعدالله


طاب لليل السمر مع مثلك وشرواك
هرجتاً قلتها لك وانت تسمعها

ياعميلا نزلت السوق لاجل رضاك
واشتري حاجتاً لن كنت بايعها

ياذهبنا وش اللي مرخصك وش جاك
وانت سلعه تبيض وجه صانعها

دارت الدايره وافترت الافلاك
والعرب فيك يامكثر مطامعها

تفتح الباب ولاتقفل الشباك

كل لحيه تدور عن منافعها

من يغدي العرب لابد ماعشاك

وانت قبلك عرب ملزوم تتبعها

انت ترقب مخيلاً بارقه عداك
مر ديرة خزاعه لين ربعها

شجرة التين ماهي مثمره تنباك
لو سقاها من القطران زارعها

مايرد العدود ولو شربت اضماك

مزنتناً فالوطا مانشاف منقعها

لو تغطي الحقيقه زال عنها غطاك

وانت ذمتك تالي الوقت ماوسعها

قبل تمشي لزوم انك تحسب اخطاك
الدروب العسيره كيف تقطعها


لا توحا علوم الواشي الافاك
ولا تصدق هروجن منه تسمعها

الله الله صحت السنتكم يارايد وياخالدبعد طول انتظار لنا موعد مع الجزالة

تقبلوا تحياتي

جيت ناصح وانا لامرك ولا انهاك
والنصيحه لحالك زيد راجعها

كم غشيما بشوره جاك ثم اعماك

لين جات الغليبه من مقاطعها

حياك الله يا فارس ماعليك زود وحضورك شرف لنا

مرحبا بالشاعر الجزل فارس المطرفي

نورت المتصفح والله يحييك

بارك الله فيكم

واصلوا وحنا معكم في الصف

علتك مستصيب و زومتك تبراك
كل ما شفت هوشه قلت ابفرعها



صاحبك خذ وصاته بعد ماوصاك
لا تحاول في عالم منت مقنعها

اعرف الكذب لامن جابه النماك

واعرف النار باية زند اولعهعا

ليت رايك لجحر الداب ماوداك

طعت شورك ونفسك شفت مصرعها

ياسفير النوايا مانويت احداك
مير بكره تميز وين ماقعها

صح لسانك يابو نايف وبيض الله وجهك تشرفت باللعب مع شاعر مثلك