محاورة بين الشاعر عبدربه عسير القارحي والشاعر مرزوق المطرفي

هذه محاورة جرت بين الشاعر عبدربه القارحي والشاعر مرزوق المطرفي

[grade="00008b ff6347 008000 4b0082 000000"][frame="3 50"]عبدربه القارحي
يالمطرفي مرزوق لاتغزى على القوم = وانته بدون اسلاح والديره بعيده
الحرب خدعه والفضا بالمزن مزحوم = والسر يارجال في بيت القصيده

مرزوق المطرفي
يالقارحي وان كان عينك مابها نوم = عان الخبر مكتوب في صدر الجريده
الحرب يبغاله ولد فارس وزيزوم = وانته يقولون العرب فوق الحديده

عبدربه القارحي
اللي تباها ماتجيك بحبة اخشوم = لابد ماتتعب وتصنع لك مفيده
الفرس ماتبغى يجيها طرش للروم = من شان مايحصل تخالف في العقيده

مرزوق المطرفي
لو كان صيدآ فالسما للنفس مقسوم = ياتي لها لو غيرها نفسٍ تصيده

الفرس والا الروم لاحجآ ولاصوم = لاتتبع اللي دينهم للنار سيده

عبدربه القارحي
اللي عطاه الله ولد سماه سلوم = باسم الزعيم اللي جلى حرمان سيده
لجل ايش تاخذ من مباسط سوقهم كوم = وانته معك جمهور ومحالف عبيده

مرزوق المطرفي
ياللي علاك الشمس تشرق كم لها يوم = حتى نعرف اللي هذي اليله تريده
البسطه اللي كلها وسط البلد ثوم = من حط فيها السوم قلي يالوليده


عبدربه القارحي
وش دخلك في شان غيرك وانت محكوم = من غشم والا للعرب شايل مكيده
الظاهر انك مقتبسلك طبع منجوم = واللي عطاك الثوم ما يارد زبيده

مرزوق المطرفي
الحكم لله والعرب تمشي على اسلوم = وان مات حاكم لليمن ماهو فقيده
ياليت وانك في حمولك تقدر تقوم = علمآ سمعته مانبى نرجع نعيده

عبدربه القارحي
الله يبارك فيك واخذ العلم مفهوم = خلك مع البدوان وقدور العصيده
يابو سعد قرناس ماحول مع البوم = في ماكره ماظل مكروبآ بقيده

مرزوق المطرفي
مارحت للي يطبخ البراد معزوم = واليا انتصف شاهيه بالمويه يزيده
الحر له نظره وله في الصيده اوسوم = ماهو حول عينه كما النار الوقيده

عبدربه القارحي
ماقلت لك معزوم والا قلت مهزوم = لاكن عليك اشهود ما جبت الوكيده
اثرك يامرزوق مما صار محموم = والقارحي تاجر ولا غلق رصيده

مرزوق المطرفي
ياللي تقول الظرف جاك من امس مختوم = والظرف من عندي ترى طابع بريده
بعد فتشت البقشه اللي مالها سوم = اصبر على ماجاك والرحله سعيده [/frame][/grade]

بيض الله وجهك على المحاوره .

وصح لسان الشاعرين

مشكور اخوي على المحاوره وبيض الله وجهك وصح لسان الشاعرين

شكرا جزيلا على هاذه المحاوره الرائعه

نقل ممــــــــــيز

؛

نقل مميز يا الذيب تشكر عليه
وابو ياسر شاعر غني عن التعريف
بس مقل في التواجد في المنتدى
عسى خير

والمطرفي شاعر مبدع من بيوته
الف شكر للكاتب والشاعرين