قصيدة العزي في الملك عبدالعزيز-رحمه الله-

[align=center]عبد العزيز بن عيد الملقب بـ (العزي)[/align]من الشعراء عاصروا الملك عبدالعزيز الشاعر عبدالعزيز بن عيد العزي الهذيلي حيث عاصر فترة كفاح الملك عبدالعزيز وقال قصيدة من ملاحم الشعر تربو على مائة وعشرين بيتاً نقتطف منها قوله :

[align=center]الحمد للباري على ما جرابه

عز الإمام ورد كيد المغاليل

بكتاب ربي عز من هو كتابه

ويعز دينه بالشيوخ المشاكيل

واللي رفع دينه وشرعه دعابه

جد الحمولة بالسنين المساميل

جدد بنا الكعبة والأبطح بنابه

ماغش دينه بالبدع والأباطيل

ديدن أبن مقرن وطبعه ودابه

يفرح إلى جاء طالب العلم بالحيل

بنا المساجد لأجرها واحتظابه

وفي كل ديره له وقوف وتسابيل

بالفعل لأفعال الصحابه ايشابه

خليفة مخلوق في تالي الجيل

مات الإمام وكل حي درابه

وعساه مجزي بعفو إلى سيل

ورث حرار قطع من اصلابه

على المعادي من كبار الغرابيل

وأخذها أبو تركي عريب النسابه

من صفوت المقرن ربيع المهازيل

الشيخ أبن فيصل شبوب الحرابه

لاماتت النيران شب المشاعيل

يعطي السبايا والمطايا الجلابه

من منهل ماصار مثله مناهيل

الوايلي مرذي النضى هو عذابه

المقرني معطي المهار المشاويل

يانور نجد وسورها وأنت بابه

ياهاجد الحكام في مظلم الليل

عبدالعزيز الشلف يروي احرابه

زبن المتلي والسبايا مجاويل

هديت راس اللي براسه صعابه

يا أبن الإمام اللي عليه التماثيل

فنجال من ضدك ترشفت مابه

تعيش ياشارب جميع الفناجيل

شيخ رفع دين الولي وأعتنابه

وعند الشدايد بالملازيم حلحيل

النادر اللي ما يخيب الغذابه

الساطي اللي يتعب الضمر الحيل

يوم اقبلت جت بالهدى والقدابه

ماكن أخو نوره شكا الظيم والميل

وصكوا عليه من الوهايل قرابه

عوجا لها عند الوقايع تنافيل

شرابة البن الخضر والغلابه

مروين سلات السيوف النواحيل

ورام البلاد اللي هواه انتحابه

يريد من ينطح وجيه المشاكيل

وكلن يطالع يوم حضروا غيابه

يوم هداويه المناعير والخيل

وداروا بدروات المجالس احبابه

بامفضفضات عقب نقل المعاويل

يدهش ويرهش عايقه مانشابه

نو بروقه مثل وصف القناديل

هبت وشبت وأحرقت من هقابه

يوم العشاير لزم الجمع تجميل

وهلت على روس المناعير مابه

صمع البنادق والسيوف المصاقيل

تشكي النضى من غب ليل سرابه

ياماسروا فوق النجايب مقابيل

يوصل حريبه لو بعيد ترابه

من غب كونه يشبعون المهازيل

كم هية غطى النوازي ضبابه

داس الحريب ونال بالحكم مانيل


المصدر:جريدة الرياض اليومية.[/align]
وياليت أخواننا مطارفة نجد أن يزودونا بقصائد هذا الشاعر الكبير ، لكي يعلم الجميع مالهذا الشاعر من مكانه مرموقه بين شعراء نجد، كيف لاوهو أحد رموزها المعروفين.

[align=center]صح الله السان شا عرها

ومشكوووور اخوي على النقل

اختك شموسة[/align]

عبد العزيز العزي كان هارب من الامام عبدالعزيز رحمه الله الى دولة قطروكان الامام آنذاك
طالب رأس العزي فهرب ووضع عياله عند الشيخ عمربن ربيعان رحمه الله والشيخ
عمر وضعهم في منطقة اسمها رغبة مخافة ان احد يبلغ عنه انه مؤي عيال العزي
عنده وبعد هذه القصيدة عفى عنه الملك عبد العزيز ورجع الى الرياض والعزي له كثيراَ من الاشعار في عدة
معارك كوقعة الصريف ومعارك بن رشيد ضد بن صباح وله مساجلات مشهورة
مع العوني وفايز البدر شاعر الكويت

عبد العزيز العزي كان هارب من الامام عبدالعزيز رحمه الله الى دولة قطروكان الامام آنذاك
طالب رأس العزي فهرب ووضع عياله عند الشيخ عمربن ربيعان رحمه الله والشيخ
عمر وضعهم في منطقة اسمها رغبة مخافة ان احد يبلغ عنه انه مؤي عيال العزي
عنده وبعد هذه القصيدة عفى عنه الملك عبد العزيز ورجع الى الرياض والعزي له كثيراَ من الاشعار في عدة
معارك كوقعة الصريف ومعارك بن رشيد ضد بن صباح وله مساجلات مشهورة
مع العوني وفايز البدر شاعر الكويت

[move=right][align=center]يعطيك العافيه[/align][/move]

[align=center] أختي شموسة الف شكـــــــــر على مرورك العطــــــــــــر

قوقل الله يعطيك العافية على هذي المعلومات المفيدة وماقصرت

هذلي والفخر لي الله يعافيك ونشكرك على المرور العطر

وتقبلوا تحيات أخوكم
ماهر السويهري الهذلي[/align]

وله مساجلات مشهورة
مع العوني وفايز البدر شاعر الكويت
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟ نبي نشوفها فلمنتدى ؟

العزي كان هارب من الملك عبدالعزيز بعد ماهرب من البره بعد فتح الرياض وذلك بسبب قصيدته في مدح بن رشيد في معركه الصريف
والدارج انه توفي بعمان