..الرويّــبضه ..

رساله إلى كل رويبضه .. يتطاول على كل شامخ ٍ اصيل



[poem=font=",6,black,bold,normal" bkcolor="white" bkimage="" border="none,4," type=2 line=1 align=center use=ex num="0,black""]
على هونك انت من ايش يارويبضه زعلان ؟!! = وش اللي حرش ضبّك على القافيه قلها
.
صريحه .. ونطّحها المعاني على الذرعان = لاتقعد تدرّق فــ الاسامي وتوّلها
.
من الغيض والا هيض .. ؟! يا بادع القيفان = همزّت الذلول اللي رسنها يعقّلها
.
تكلّمت وانت رويبضه عقب جاك اللسان = فـــ تال السنين .. اللي عسى الله يجمّلها
.
مغوّيبك الوقت الهَول .. يا ابرق الحجان = تحت شجرة ٍ ماتدخل الشمس داخلها
.
لقيت الكلا والماء .. لاجايع ولاضميان = في نعمه مااحد غيرك من الناس حصّلها
.
ماهو طيب منك !! الا لقيت الدير خلّيان = وتوّحشّ صناديد الجزيره .. منازلها
.
حداها الشرف .. والطّنيه اللي على سيسان = لو إن الضمى والظلم يبّس بلايلها
.
زعانيف روس ٍ .. لاتخضّع .. ولا تنّهان = ولا تسّحب الحاها على مايخجّلها
.
نظرهم بعيد .. وشفّهم في علوّ الشان = ليا رخّصت بعض الاوادم مراجلها
.
عبادٍ مدانيع ٍ .. لا لآ هم ورى القدحان = ماتلقى مواعين العرب من يغسّلها
.
وذلحين طاير فالسّوالف بدون عنان = وزان الطّرد لخيولك اللي تخايلها
.
وحوّلت ضامي لسّوالف على الحيضان = هبيّلٍ .. تبا جمع المراجل من اولها
.
وانا صادر ٍ قدام لا تارد الرعيان = مع اول تواريخ البطوله ووايلها
.
معلّق طرف حاضي على منكبي قنعان = وخلّيتها للي جداد ٍ فعايلها
.
مايلحق مدايه راعي الزور والبهتان = لو إسّتهوته بعض الحقايق وبدّلها
.
ولو الله رزقّك بعالم ٍ عودها خرثان = وتنصب علاها فالعلوم .. وتقبّلها
.
اضيّق علاك الارض .. بالصدق والبرهان = ولاتمشي عليّ علومك اللي تهيّكلها
.
وشاربك عدناني .. ولحيتك من قحطان = وباقي وصوف حلاك ماني بجاهلها
.
وفــ اصابعك .. ياكثر الخواتم اشكال الوان = وعلى كثرها .. لكن ما الله بقابلها
.
وياهمّلالي صح .. ياخاتم سليمان = على معجزه والمعجزه .. منت واصلها
.
وجمعت .. العصي .. وحبالك الرقش .. والعيدان = ولكن عصى موسى تجيها .. وتاكلها
.
وزهتك البشوت اللي تلاصفّ على الامتان = وتقوّبعتها .. لو كان منته من اهلها
.
تماريبها .. وهيه رفايد من الجيران = قبل .. لاتعلّم قول خيالة البلّها
.
وهمزّك .. الردى .. وابليس .. والنار .. والدخان = ومن ضاري تزلّ الحدود .. وتحثّلها
.
وانا يوم آماري .. واتبارى مع العربان = ادوّر من ازيان المشاعيف وافضلها
.
ازيان المعامق فالحلا .. والوصوف ازيان = ما احلب العجور .. اللي تخافقّ رمايلها !!
.
وفروّسيّتي .. ماهي جديده مع الفرسان = مواريث جدان ٍ .. قديمه مثايلها
.
وتبا .. تارث الابناء الاصايل من الجدان = قديمه مرابطها .. عديمه سلايلها
.
على بنت شوهاء .. والشموّس .. ونسل شيحان = ونسل الصموّت .. وبنت لاحق .. وعادلها
.
قرينة شياعتها .. السّبوّح .. ونسل خوصان = اصايل نشبيّها .. من الخيل اصايلها
.
مجاذيب اعنّتها .. قلايع من الشيخان = ليا طوّحت بجلالها .. اللي يجـلّـلّها
.
من ايمان قوم ٍ ترهب الخيل فــ الميدان = ولا لوّحت بظهورها .. من يقابلها ؟
.
وفروّسيّتي .. قدام ابا المنذر النعمان = تيامنّت .. عن بنت الحرون .. وتشاملها
.
ركزّنا القنا .. في ملتقى الفرس والرومان = وشخفّنا قلوب القوم .. قدام ناصلها
.
وفروّسيّتي .. جذّيت راس الّلعين وهان = سفير ابرهه .. واهل الطغى مانجاملها
.
وبشّرتكم بأسرى العرب .. يابنو عدنان = من ايدي ملوك .. الظلم من يوم جيتلها
.
مفاخر لكم تبقى .. وانا للفخر عنوان = وتشهد بنو قحطان الاولى محافلها
.
ونطحّت بتأبط شر .. شره وخيره لان = حرثّ حربة ٍ فاضت بروحه وسيّلها
.
وابن عاصيه .. ماتلحقه سبقّ الجنحان = على سابق ٍ تنحى البيارق مجادلها
.
اخذ سمّها .. من كف مروي شباة الزان = عقيد ٍ ليا حوّل بشيخان .. حوّلها
.
وذبحت المجمّع .. وابن الاقرم .. ورى دوّران = ولحّقتهم بالمحتطب .. لين كمّلها
.
واسرنا ربيع .. ابا الحكايا .. عقب ماكان = وبعته فـــ سوق ابناء العبيد .. ولـ مير الها
.
وابن عوف مالك .. يوم جرّ الجموع اعِيان = علاها صلقّـنا الموت .. وازرى يلدلها
.
و لا لآ حط ثوبه في فمه .. وإنطلق عجلان = لـِيّروّح مراح اجموعه اللي يجهجلها
.
وذبحت العقيد المعترض .. يوم حظّه شان = على عقّدة الانصاب .. قدام يدّهلها
.
وفروّسيّتي .. مع صفوة الصفوه الشجعان = جيوش الرسول .. اللي على الحق مرّسلها
.
جموع ٍ سرى براقها .. النور والايمان = وهلّت على كل البسيطه مخايلها
.
على حد روس ارماحها .. تنقل القران = وبآيآت من سورة تبارك .. ترتّلها
.
وصدفّها اول التاريخ .. ثم شرّع البيبان = وذابت جميع اقفولها .. اللي تقفّلها
.
ودانت ملوك الارض .. والارض بالاذعان = ولو فيه .. ناس ٍ من ورى الشمس جاتلها
.
وداسو عروش الملك .. والروس .. والتيجان = إلين انّها صفّت مع الخيل بأرجلها
.
وانا اول عقيد ٍ طبّ .. في حومة العدوان = ومن ايّوان كسرى .. راية الفرس نزّلها
.
وتولّيت غزو الهند الاقصى فــ جيش سنان = وطلّقت فوق الجيش .. قدام ينّزلها
.
وو صلت فتوحاتي .. ليا ضاحية مكران = ونزّلت روس شيوخها .. من معاقلها
.
وتولّيت من بحرين الاحساء .. اليا الصمان = تحت راية اول من حكمها .. ومثـّلها
.
فــ أواخر سنين معاويه ولد ابي سفيان = ملوك الملوك .. اللي من الله فضايلها
.
وفروّسيّتي .. مع دولة العدل .. والاحسان = مع ال السعود .. الله يديم النعيم الها
.
بـــ سبعه بيارقنا .. نهار التقى الجمعان = ورى فيصل .. اللي هيبة الملك يحّملها
.
نكزّ البيارق والبيارق .. تحت عمدان = شيوخ ٍ تطشّ ارواحها دون عاهلها
.
على حد ميدي .. من ورى الحد .. من جيزان = وتتـّبع .. كراديس السبايا .. دلايلها
.
وصفقّنا مهبّ الخيل .. في يمّة الاوطان = بعد رفّرفّ النصّر الموزر .. وصاحلها
.
على اقصى الشمال .. اللي ورى نقّرة الشعلان = نبا نتـّبع .. اسباب البلاوي ونقّـتلها
.
وطرحنا عمود ابليس .. وانهارت الاركان = وصفت للملوك اللي اللي قديمه جمايلها
.
وهاذا .. ياراع النقض والفتل .. رمز اعلان = قبل .. لا اتطرّق للحقايق وافصّلها
.
بيوت ٍ على .. معنى .. وقاف .. وبحر .. ووزان = ولو ما حسبت .. ابيوتك اللي تفتـّلها
.
اغمّض بــ عين .. وعين .. افتـّح بها من شان = اركّز على مرمى .. الضريبه .. واحرّولها
.
ولا لآ حشمة .. اهل الدين .. والطيب .. والشيبان = رجال ٍ على طيب الكرامه .. نعاملها
.
ولا لآ قدرهم فــ قلوبنا شامخ البنيان = لثوّر براكين القصايد وازلّزلها
.
وانا ماني ابــ قايل .. تعوّذ من الشيطان = تبا تموت .. وابا اموت .. ماني .. بــ قايلها [/poem]

((1))

	المشاركة الأصلية كتبت بواسطة هشام الهذلي

	((1))

يالله حيه

اقلط يابوسعود

أنا اشهد أنها رساله قويه للرويبضه وللي أرفع من الرويبضه !!

قصيده شامخه بشموخ عزت قائلها .. لله درك يابو دخيل

جزاله وأنت راعيها .. ومهما قلت عنك لن أوفيك حقك

تقييم أعلى .. ولي عوده للإستمتاع

دمت بعز وسعاده ،،،،،،

	المشاركة الأصلية كتبت بواسطة صالح الكعبي

	أنا اشهد أنها رساله قويه للرويبضه وللي أرفع من الرويبضه !! قصيده شامخه بشموخ عزت قائلها .. لله درك يابو دخيل جزاله وأنت راعيها .. ومهما قلت عنك لن أوفيك حقك تقييم أعلى .. ولي عوده للإستمتاع دمت بعز وسعاده ،،،،،،

ونعم يابوخلود ونعم

يالله حيه ..

وافي دايم

مذهلة بـ كل معنى الكلمة

تستحق العودة والتأمل

صح لسانك مدد بلا عدد

....

	المشاركة الأصلية كتبت بواسطة سلطان الندوي

	مذهلة بـ كل معنى الكلمة تستحق العودة والتأمل صح لسانك مدد بلا عدد ....

ونعم يابوسلمان

حياك الله ,,

طال عمرك

الله الله

تسلم يمينك وجعل هالراس يبطي حي يابو دخيل الله قصيده من أروع ما قرأت ولاهي غريبه عليك وعلى أمثالك

تحياتي .

	المشاركة الأصلية كتبت بواسطة مطرفي الدلم

	الله الله تسلم يمينك وجعل هالراس يبطي حي يابو دخيل الله قصيده من أروع ما قرأت ولاهي غريبه عليك وعلى أمثالك تحياتي .

ونعم يابومحمد

يالله حيه ,,

وافي لاهنت

	المشاركة الأصلية كتبت بواسطة فارس الصحـراء

	رساله إلى كل رويبضه .. يتطاول على كل شامخ ٍ اصيل [poem=font=",6,black,bold,normal" bkcolor="white" bkimage="" border="none,4," type=2 line=1 align=center use=ex num="0,black""] على هونك انت من ايش يارويبضه زعلان ؟!! = وش اللي حرش ضبّك على القافيه قلها . صريحه .. ونطّحها المعاني على الذرعان = لاتقعد تدرّق فــ الاسامي وتوّلها . من الغيض والا هيض .. ؟! يا بادع القيفان = همزّت الذلول اللي رسنها يعقّلها . تكلّمت وانت رويبضه عقب جاك اللسان = فـــ تال السنين .. اللي عسى الله يجمّلها . مغوّيبك الوقت الهَول .. يا ابرق الحجان = تحت شجرة ٍ ماتدخل الشمس داخلها . لقيت الكلا والماء .. لاجايع ولاضميان = في نعمه مااحد غيرك من الناس حصّلها . ماهو طيب منك !! الا لقيت الدير خلّيان = وتوّحشّ صناديد الجزيره .. منازلها . حداها الشرف .. والطّنيه اللي على سيسان = لو إن الضمى والظلم يبّس بلايلها . زعانيف روس ٍ .. لاتخضّع .. ولا تنّهان = ولا تسّحب الحاها على مايخجّلها . نظرهم بعيد .. وشفّهم في علوّ الشان = ليا رخّصت بعض الاوادم مراجلها . عبادٍ مدانيع ٍ .. لا لآ هم ورى القدحان = ماتلقى مواعين العرب من يغسّلها . وذلحين طاير فالسّوالف بدون عنان = وزان الطّرد لخيولك اللي تخايلها . وحوّلت ضامي لسّوالف على الحيضان = هبيّلٍ .. تبا جمع المراجل من اولها . وانا صادر ٍ قدام لا تارد الرعيان = مع اول تواريخ البطوله ووايلها . معلّق طرف حاضي على منكبي قنعان = وخلّيتها للي جداد ٍ فعايلها . مايلحق مدايه راعي الزور والبهتان = لو إسّتهوته بعض الحقايق وبدّلها . ولو الله رزقّك بعالم ٍ عودها خرثان = وتنصب علاها فالعلوم .. وتقبّلها . اضيّق علاك الارض .. بالصدق والبرهان = ولاتمشي عليّ علومك اللي تهيّكلها . وشاربك عدناني .. ولحيتك من قحطان = وباقي وصوف حلاك ماني بجاهلها . وفــ اصابعك .. ياكثر الخواتم اشكال الوان = وعلى كثرها .. لكن ما الله بقابلها . وياهمّلالي صح .. ياخاتم سليمان = على معجزه والمعجزه .. منت واصلها . وجمعت .. العصي .. وحبالك الرقش .. والعيدان = ولكن عصى موسى تجيها .. وتاكلها . وزهتك البشوت اللي تلاصفّ على الامتان = وتقوّبعتها .. لو كان منته من اهلها . تماريبها .. وهيه رفايد من الجيران = قبل .. لاتعلّم قول خيالة البلّها . وهمزّك .. الردى .. وابليس .. والنار .. والدخان = ومن ضاري تزلّ الحدود .. وتحثّلها . وانا يوم آماري .. واتبارى مع العربان = ادوّر من ازيان المشاعيف وافضلها . ازيان المعامق فالحلا .. والوصوف ازيان = ما احلب العجور .. اللي تخافقّ رمايلها !! . وفروّسيّتي .. ماهي جديده مع الفرسان = مواريث جدان ٍ .. قديمه مثايلها . وتبا .. تارث الابناء الاصايل من الجدان = قديمه مرابطها .. عديمه سلايلها . على بنت شوهاء .. والشموّس .. ونسل شيحان = ونسل الصموّت .. وبنت لاحق .. وعادلها . قرينة شياعتها .. السّبوّح .. ونسل خوصان = اصايل نشبيّها .. من الخيل اصايلها . مجاذيب اعنّتها .. قلايع من الشيخان = ليا طوّحت بجلالها .. اللي يجـلّـلّها . من ايمان قوم ٍ ترهب الخيل فــ الميدان = ولا لوّحت بظهورها .. من يقابلها ؟ . وفروّسيّتي .. قدام ابا المنذر النعمان = تيامنّت .. عن بنت الحرون .. وتشاملها . ركزّنا القنا .. في ملتقى الفرس والرومان = وشخفّنا قلوب القوم .. قدام ناصلها . وفروّسيّتي .. جذّيت راس الّلعين وهان = سفير ابرهه .. واهل الطغى مانجاملها . وبشّرتكم بأسرى العرب .. يابنو عدنان = من ايدي ملوك .. الظلم من يوم جيتلها . مفاخر لكم تبقى .. وانا للفخر عنوان = وتشهد بنو قحطان الاولى محافلها . ونطحّت بتأبط شر .. شره وخيره لان = حرثّ حربة ٍ فاضت بروحه وسيّلها . وابن عاصيه .. ماتلحقه سبقّ الجنحان = على سابق ٍ تنحى البيارق مجادلها . اخذ سمّها .. من كف مروي شباة الزان = عقيد ٍ ليا حوّل بشيخان .. حوّلها . وذبحت المجمّع .. وابن الاقرم .. ورى دوّران = ولحّقتهم بالمحتطب .. لين كمّلها . واسرنا ربيع .. ابا الحكايا .. عقب ماكان = وبعته فـــ سوق ابناء العبيد .. ولـ مير الها . وابن عوف مالك .. يوم جرّ الجموع اعِيان = علاها صلقّـنا الموت .. وازرى يلدلها . و لا لآ حط ثوبه في فمه .. وإنطلق عجلان = لـِيّروّح مراح اجموعه اللي يجهجلها . وذبحت العقيد المعترض .. يوم حظّه شان = على عقّدة الانصاب .. قدام يدّهلها . وفروّسيّتي .. مع صفوة الصفوه الشجعان = جيوش الرسول .. اللي على الحق مرّسلها . جموع ٍ سرى براقها .. النور والايمان = وهلّت على كل البسيطه مخايلها . على حد روس ارماحها .. تنقل القران = وبآيآت من سورة تبارك .. ترتّلها . وصدفّها اول التاريخ .. ثم شرّع البيبان = وذابت جميع اقفولها .. اللي تقفّلها . ودانت ملوك الارض .. والارض بالاذعان = ولو فيه .. ناس ٍ من ورى الشمس جاتلها . وداسو عروش الملك .. والروس .. والتيجان = إلين انّها صفّت مع الخيل بأرجلها . وانا اول عقيد ٍ طبّ .. في حومة العدوان = ومن ايّوان كسرى .. راية الفرس نزّلها . وتولّيت غزو الهند الاقصى فــ جيش سنان = وطلّقت فوق الجيش .. قدام ينّزلها . وو صلت فتوحاتي .. ليا ضاحية مكران = ونزّلت روس شيوخها .. من معاقلها . وتولّيت من بحرين الاحساء .. اليا الصمان = تحت راية اول من حكمها .. ومثـّلها . فــ أواخر سنين معاويه ولد ابي سفيان = ملوك الملوك .. اللي من الله فضايلها . وفروّسيّتي .. مع دولة العدل .. والاحسان = مع ال السعود .. الله يديم النعيم الها . بـــ سبعه بيارقنا .. نهار التقى الجمعان = ورى فيصل .. اللي هيبة الملك يحّملها . نكزّ البيارق والبيارق .. تحت عمدان = شيوخ ٍ تطشّ ارواحها دون عاهلها . على حد ميدي .. من ورى الحد .. من جيزان = وتتـّبع .. كراديس السبايا .. دلايلها . وصفقّنا مهبّ الخيل .. في يمّة الاوطان = بعد رفّرفّ النصّر الموزر .. وصاحلها . على اقصى الشمال .. اللي ورى نقّرة الشعلان = نبا نتـّبع .. اسباب البلاوي ونقّـتلها . وطرحنا عمود ابليس .. وانهارت الاركان = وصفت للملوك اللي اللي قديمه جمايلها . وهاذا .. ياراع النقض والفتل .. رمز اعلان = قبل .. لا اتطرّق للحقايق وافصّلها . بيوت ٍ على .. معنى .. وقاف .. وبحر .. ووزان = ولو ما حسبت .. ابيوتك اللي تفتـّلها . اغمّض بــ عين .. وعين .. افتـّح بها من شان = اركّز على مرمى .. الضريبه .. واحرّولها . ولا لآ حشمة .. اهل الدين .. والطيب .. والشيبان = رجال ٍ على طيب الكرامه .. نعاملها . ولا لآ قدرهم فــ قلوبنا شامخ البنيان = لثوّر براكين القصايد وازلّزلها . وانا ماني ابــ قايل .. تعوّذ من الشيطان = تبا تموت .. وابا اموت .. ماني .. بــ قايلها [/poem]

صح لسانك يا ملك



شامخ يا أبو دخيل الله كعادتك ..


كفو كفو كفو ..


قصيدة جزلة .. أخرجت وقائع التاريخ .. في قالب شعري لا يجيده إلا الكبير دوماً (صالح دخيل الله) ..


صح لسانك يا فارس الفرسان ..

	المشاركة الأصلية كتبت بواسطة هشام الهذلي

	صح لسانك يا ملك شامخ يا أبو دخيل الله كعادتك .. كفو كفو كفو .. قصيدة جزلة .. أخرجت وقائع التاريخ .. في قالب شعري لا يجيده إلا الكبير دوماً (صالح دخيل الله) .. صح لسانك يا فارس الفرسان ..

ونعم يابوسعود

وحياك الله ,,

سلمت طال عمرك

وافي دايم

انا اشهد انا اشهد انا اشهد
ياوجه الله ابك هذا القصيد
لي عوده وتعليق اخر

رسااااااااااااااااااااااا اااااااااااااله

شعريه شديـــدة اللهجه

وليس مستغرب على فارسنا ابو دخيل الله

صح لسانك حتى ترضى

	المشاركة الأصلية كتبت بواسطة الحـــميا

	رسااااااااااااااااااااااا اااااااااااااله شعريه شديـــدة اللهجه وليس مستغرب على فارسنا ابو دخيل الله صح لسانك حتى ترضى

ونعم يالحميا

لاهنت ,,

وحياك ربي يالغالي

	المشاركة الأصلية كتبت بواسطة محمد الزيداني

	انا اشهد انا اشهد انا اشهد ياوجه الله ابك هذا القصيد لي عوده وتعليق اخر

يالله حي ابوزيدان

لاهنت طال عمرك ,,

وافي دايم