الطلحي والحارثي

حــســـيـــن الــحـــارثـــي
[size=5]كسلام رديـةٍ مـن قبـل تحديـد المواعيـد === لاعضاء وزوار هذا الصرح عالين الجنابـي
ياكبرها شرهتي على الطلوح مع المساعيـد === والقرح مع البقوم اهـل الحميـه والعرابـي

عــــبــــدالله الــطــلــحــي
يامرحبا ياهلا باللـي لفانـا والمسـا عيـد === مادام جانا حسيـن الحارثـي بعـد الغيابـي
لاتدعـي ياحسيـن ولاتزيـد العلـم تعقيـد === إرجع على العد ياظامي بعد طـرد السرابـي

حــســـيـــن الــحـــارثـــي
دام البقا يالمرحـب عقـب تكيـت البواريـد === فارس وحارس ولكن ماتبي شوف السحابـي
ياليت تبعد يابو ناصر عـن ادروب المناقيـد=== تراني بخير واحسن من واقرء مـن كتابـي

عــــبــــدالله الــطــلــحــي
مافي البواريد غير الموت من روس العباريد === والله حسيب العباد وكلنـا نرجـي الثوابـي
ياحسين من وين تشرب كان غثربت المواريد=== يوم افتكر فـي سواليفـك تذكرنـي شبابـي

حــســـيـــن الــحـــارثـــي
ياريس الشلـه اللـي فالخفـا دايـم ملابيـد=== واليا سنح فرصه الها تلبس اطوال الثيابـي
مادام قلبك من الماضي مولـع بـه مواقيـد === ماني شبيهك وقلبك يحتـرق حقـد وعذابـي

عـــبــــد الله الــطــلــحــي
إن كان جاتك مضره قولها من غيـر ترديـد === وانا بغيتك من الشله وذيـب مـن الذيابـي
كم واحد قال حامض ياعنب فـوق العناقيـد === الظاهر إنك تحلويت السوالـف فـي غيابـي

حــســـيـــن الــحـــارثـــي
شرك وصل للبقوم وربعك وحـرب المعابيـد === وسليم ومطير وجبـال السـراه ام الضبابـي
ترا القلوب الشجيعه قيل يالشاعـر شواهيـد=== وانا لراع الحسد والغدر ما احسبه له حسابي

عـــبــــد الله الــطــلــحــي
أظني الموت قصاف العمـار ومقفـر البيـد === إن كان هذي سواتي منت سالم من عذابـي
ولاهو غريب الحسد لكن وش عندك يبو زيد === ماني بحاسدك مادامك تحت ضرسـي ونابـي

حــســـيـــن الــحـــارثـــي
المـوت مـن ربنـا لكـن سبتـه المقاريـد === اللي تلبس بثوب الطيب والشر فيهـا رابـي
ماني وانا حسين طمعه للضعوف وللعرابيـد === شاعر وفارس وسيفي صارمن فوق الرقابـي

عـــبــــد الله الــطــلــحــي
خل الحكم للشيـوخ مورديـن العلـم توريـد === وإلا انت لامن تعوذنا مـن الشيطـان هابـي
ياحسين لو كنت طمعه ماجلست تقول وتعيـد === لو مت من جوع مااحطك طعـام ولاشرابـي

حــســـيـــن الــحـــارثـــي
وهذا كلام الشيوخ اللي من امثالك محاسيـد === وانا على قولهـم قولـي ياشيطـانٍ يبابـي
نقضت ماقلته بفمـك مـن افكـارٍ شواريـد === مره تقول آكلـك وامـرار تتراجـع وتابـي

عـــبــــد الله الــطــلــحــي
لاواخسارة تعبنا راح سـوق البيـع تقصيـد === السـوق ماهـو مخارجنـا وحنـا مانرابـي
من قال مضغ اللبان يسد جوع البطن ويفيـد === يالله عليك العوض صار الخطا مثل الصوابي

حــســـيـــن الــحـــارثـــي
تبا الحقيقه محد مييـدك فيمـا قلـت تاييـد === ياللي ماقدرت قطع السيف مصقول النصابـي
مادام صارت علومك في نزول وفي صواعيد === البال من خوتـك ياشاعـر الهـذلان طابـي

عـــبــــد الله الــطــلــحــي
يافارسٍ معك سيفك والذلـول إلهـا تهابيـد === أنصحك حذرا تنوّخها علـى روس الحرابـي
انا ادري إنك تهوّن لو بديـت العلـم تهديـد === انته خويّ السعد لكن شـاب القـاف شابـي[

/size]



منقول مع التحيه

صح لسان الشاعر الكبير عبدالله الطلحي
والشاعر حسين الحارثي

والله يعطيك الف عافية
ياابو يزيد على ابداعك في نقلنا هذه المحاورة الرائعة

تحياتي لك
أخوك
ماهر الهذلي

محاوره رائعه بين شاعرين مجيدين


شكراً لك يا عزيزي على النقل الموفق








تحياتي ,,,

شكراُ على الطرح

والف شكر

صح لسان الشاعر عبد الله الطلحي

ولسان الشاعر حســــــــين الحارثي

ومشكور والله على مجهودك الرائع

اخوك زياد المسعودي
:46_asmilies-com[1]:

وهذا كلام الشيوخ اللي من امثالك محاسيـد === وانا على قولهـم قولـي ياشيطـانٍ يبابـي
نقضت ماقلته بفمـك مـن افكـارٍ شواريـد === مره تقول آكلـك وامـرار تتراجـع وتابـي

عـــبــــد الله الــطــلــحــي
لاواخسارة تعبنا راح سـوق البيـع تقصيـد === السـوق ماهـو مخارجنـا وحنـا مانرابـي
من قال مضغ اللبان يسد جوع البطن ويفيـد === يالله عليك العوض صار الخطا مثل الصوابي

صح لسانك ياعبدالله شكرا يبو يزيد على النقل

يافارسٍ معك سيفك والذلـول إلهـا تهابيـد === أنصحك حذرا تنوّخها علـى روس الحرابـي
انا ادري إنك تهوّن لو بديـت العلـم تهديـد === انته خويّ السعد لكن شـاب القـاف شابـي[


(يسلام عليك ياعبدالله)

مشكور على النقل الجميل

لكم جزيل الشكر على المرور 000واشكركم على الاطراء

[align=center]محاوره جميله
عزوتيييييييييي[/align]