الليل الليل يا شعار هذيل

تصبح على خير يا عاامر

وانت يارشيد نسق المحاااورة لاهنت

الله الله

ياولد العم ؟؟؟؟؟؟؟؟؟؟؟؟؟؟

يارشيد تبي تنسق المحاورة ولا نسري؟؟

[frame="1 50"]

ملخص المحاورة الشعريه بيني وبين الشاعر فواز

فواز

يامرحبا ترحيب ماتلقى كماه===ترحيبة(ن)تضفي كما الثوب الجديد

من هاجس(ن)يارد على العد القراح==واللي عقد روس الحبال يحلها



عامر

دام البقا والنو برقه في سماه _ احسب حسابك عزز الساس الجويد


يا جعل شاعرنا يحالف النجاح _ واللى عقد روس الحبال يحلها





فواز

قبل امس يوعدنا وعلمه ماحتماه===وين الرجال اللي على الراي الوكيد


اثر القضيه كلها راحت صياح==واللي عقد روس الحبال يحلها




عامر



العذر سجناه واللى ما قراه _ يراجع الصفحه ويقرا ما يفيد


والقاف بدري كيف صدر الذيب فاح _ واللى عقد روس الحبال يحلها



فواز

الموعد مبرمج كما بث القناة===وحنا تجمعنا على الراي السديد


ياعامر الوقفات مافيها مزاح===واللي عقد روس الحبال يحلها



عامر



عساك تثبت يا جبل مثل السراه _ يا صامل الزندين يالخصم العنيد


ونسلمك في العيد درع (ن)مع وشاح _ واللى عقد روس الحبال يحلها



فواز


في ماقفه فواز مايرجع وراه===ماني كما اللي وقت ميقافه فقيد


لابارك الله فالنفوس اللي شحاح=== واللي عقد روس الحبال يحلها



عامر


انته معي ولا مع الشاعر هذاه _ الله ولا شاعر يغير في القصيد


صاحبك صقر(ن)وله مخلاب وجناح _ واللى عقد روس الحبال يحلها



فواز


انامعك والعود رافع لي عصاه===ما للحديد الصلب ياكود الحديد


يالمطرفي حامين جنبان المراح===واللي عقد روس الحبال يحلها




عامر




اللعب لا هلحين دايرت (ن)رحاه _ عساك يا بنك الغلا فيك الرصيد


قدام تتعب في المجي والا المراح _ واللى عقد روس الحبال يحلها



فواز


اكحل عيون المطرفي واجلب عماه===حتى يهيد المطرفي حتى يهيد


ياما حلا شوفتك فالخبت البراح===واللي عقد روس الحبال يحلها




عامر



الكحل لعيونك لو انك ماتباه _ لكنك ابشر جبتلك خضر الجليد

وان طال ليلك تشرب السم الذحاح _ واللى عقد روس الحبال يحلها


وسلامتكم ,,,,[/frame]

	المشاركة الأصلية كتبت بواسطة عامر المطرفي

	الكحل لعيونك لو انك ماتباه _ لكنك ابشر جبتلك خضر الجريد وان طال ليلك تشرب السم الذحاح _ واللى عقد روس الحبال يحلها

عفواً لهذا الخطا المطبعي في كلمة الجليد