نقل من موقع العملاق .. رديه فيصل الرياحي وعيضه السفياني

السلام عليكم....
عندي موضوع منقول من شبكة العملاق موقع فيصل الرياحي..
وان شاء الله تحوز على رضاكم ان شاء الله...........................

فيصل الرياحي البقمي/
إليكم أولاً قصيدة الإستاذ الشاعر عيضه السفياني
وإسمحو لي أن أطلق عليه لقب ( شاعر ثقيف )
وأرجو أن يقبل هذا اللقب وهو ولا شك أكبر من أي لقب



يقول عيضه السفياني في قصيدته المنشورة بالعملاق/

بسم الله الرحمن والإبداع ضرب من الجنـون
.................................يرتـب الشعـار مابيـن الثـريـا والـثـرى
خلاني اكتب شعر والشعـار عكسـه يكتبـون
................................يطري لهم شعرٍ ما هو باللي على بالي طـرى
تعبت والشعـار (يالله) يكسـرون/ ويوزنـون
.............................واللي مجرد وزن ما هم في الحقيقة بـشعـرا
سلام يا أبو بدر يا برقٍ تعـرج فـي المـزون
............................على رفيفه كل من يقدر على المسرى سـرى
أعداك يا فيصل حيايا حيث ما كانـوا تكـون
............................وأنت عصى موسى تخطف الميمنى والميسرى
مبروك يا لعملاق بالعملاق يا عذب اللحـون
...........................يا جامع إبداع المدن داخلـك وإبـداع القـرى
سلام يا دار أتربـه دار المدافـع والحصـون
..........................تاريخ حيّ يقريّ اللي فـي سيرهـا مـا قـرا
سلام يا سمو البقوم اللي لهـا الكايـد يهـون
..........................قومٍ تقـدم للعـدو ليـن العـدو يرجـع ورى
الرجل منكم صار له طابع وله شكـل ولـون
........................(فارس على صهوة جواد وسيف والله اكبـرا)
أربع خصال الأزد فيهـا والقـوم يتوارثـون
........................الله وهبها فـي البقـوم ولا تبـاع وتشتـرى
مُنّع لحوزتهم ويعطوا كل ما هـم يملكـون*
........................ما هم بحاجة غيرهم شجعان فـي رد البـرى
دار أتربه مثل الفلك وأنتـم نجـومٍ تسبحـون
.......................للخصم شهب وللمسافر عين في الغدرا تـرى
غلبتم الأتـراك وأنتـم لا حشـا مـا تغلبـون
......................بالعروة الوثقى اعتصمتم في النهـار الأغبـرا
يوم إنهم عن روسهـم بسيوفكـم يتساقطـون
.....................مثل المطر لحظة تساقط من سحابه وأمطـرا
المجد شيخٍ والشعر بشتٍ زهى فـوق المتـون
...................واليا لقى مجد البقوم يفـوح مسـك وعنبـرا

عيضه السفياني




الرد



فيصل الرياحي/

اللهم أصلي علـى محمـد صـلاة المؤمنـون
......................أفضل نبي وأطهر بشر راع الجبيـن الأزهـرا
حطّم حصون الشرك كله فوق روس المشركون
.....................وصدح بقول الحـق بيـن العالميـن وبشّـرا
والحمـد لله الـذي أنـزل سبـاء والكافـرون
...................والقارعـه والزلزلـه والغاشيـه والكـوثـرا
لاهنت ياذيبٍ عوى واشغـل قلـوب الغافلـون
..................ردد صدى صوته جبل ميسان والصور وكـرا
والشامخات اللي ورا الطايف ذيابتهـا تمـون
..................على المدرج والحكـم والمستطيـل الأخضـرا
يامرحبا ترحيب يغرق فـي شـذاه المكرفـون
..................بالعـود والـورد النـدي والياسميـن معطـرا
بالشاعر اللي ينتقي شعره من عيـون العـون
..................له مستشار من الذيـن هـم بـوادي عبقـرا !!
وسفيان حيث العز يسكـن ويتربـى يسكنـون
..................سادات في علم الرجولـه والبطولـه وخبـرا
سفيان من شجرة ثقيف العز ، وارفة الغصـون
...............الدوحه اللي عانقت كبـد السمـاء ظـل وذرى
جماعة الحجاج بن يوسف مراويـس الظعـون
....................كانوا ، ولازالوا ، مع الأيـام للطيـب سفـرا
رمز الشجاعه والوفاء والشعر ، جامعة الفنون
.................الرجل منهم يعشـق العليـا وياخذهـا إزهـرا
أنتم وحنـا مـن خنـادف جعلهـم مايذهبـون
..................تاريخنا كفكـف تواريـخ العصـور وسيطـرا
أمجاد وأمجادٍ علـى أمجـادٍ تناقلهـا القـرون
................هذا الغنى ، واللي مالبسوا منه جلباب ، فقـرا
ياهيه يامتحدث الواقـع ، حديثـك ذو شجـون
..............تملك مصانع للرصاص ، ولك معامـل سكـرا
في (نعمة) الحسّاد تعريف الظهور من البطـون
.............وأهل الحسَد خدّام واللي دكّو الحِسْـد أومـرا
إليا قريت الراجفـه مالـك ومـال المرجفـون
....................ميعادهـم ليلـة يقابلـهـم نكـيـر ومنـكـرا
آيه من القرآن تكفـي وأنـت سيـد العارفـون
.................لكن سلم لي على اللـي قالـوا الحـق جهـرا
فيصل الرياحي البقمي




منقوووووووووووووووووووووو ووووووووووووووول

ما شاء الله تبارك الرحمن


شاعريه وإبداع


رديه رائعه


شكلاً ومضموناً



تقديري لك


أخوي أبو عايش


وبيض الله وجهك

وعليكم السلام ورحمة الله وبركاته

سلم نقلك يا أبو عايش ولك جزيل الشكر
وبيض الله وجيه الشعار وصحت السنتهم

صح لسان الشاعر عيضه السفياني

وصح لسان الشاعر فيصل الرياحي

وبيض الله وجهك على النقل