المسيار

اخوانى السلام عليكم ورحمة الله وبركاته

هذه قصه حصلت لاحد الزملاء عندما تعرض لعملية نصب بحجت زواج المسيار وقد

تاثرت بما حصل له وطلب منى ان اكتب له قصيده على ما حصل له وقد حذفت سبعة

ابيات بعد البيت العاشر لخصوصيتها ولعدم مناسبت طرحها واختصرتها با البيت الحادى

عشر. ارجوا ان تنال على رضاكم

[poem=font="Arabic Transparent,4,,normal,normal" bkcolor="" bkimage="" border="none,1," type=1 line=0 align=center use=ex num="0,"]
اعوذ باالرحمن مما جرالى=من بعد ماطاوعت جاهل وكذاب

قالو نبا نسعدك حيث انت غالى=وحنا انعرف قلبك طري(ن)وماشاب

قلت ايه....خص ان كان للى ببالى=الى على لأ ماهم القلب قد ذاب

قالوا ترا المسيار ياالقرم حالى=ومن جربه باالعون ياعنك ماخاب

قلت افزعوا...هاتوا جميع الخصالى=الى تشجعنى ليل جيت خطاب

قاموا بشرحه لين حد الكمالى=قلت الوعد..قالوا عصر كون باالباب

رحنا ومدرى شرق والا شمالى=من فرحتى فكرى عن الراس بغياب

جينا عجوز(ن) جعلها لزوالى=قالت قبل نبدا تفضل باالأتعاب

ٌقلت ابشرى يفداك راسى ومالى=كله يهون ان نلت مزيون الأهداب

لكن عطينى قبل نبدا مجالى=اشرح شروطى قبل لانكتب اكتاب

قالت وقلنا لين والله بدالى=انى حقيقه بين سارق ونصاب

عودت محبط حيل والكف خالى=أعاتب اصحابى بعد صرت منصاب

وهذى نصيحه ياكريم السبالى=حذرا تصدق واحسب العلم بحساب[/poem] وسلامتكم

يعني الخطابة ضحكت عليه

ماهي غريبة

وترى المسيار أكثره ضحك والعلماء ما أباحوه إلا لمن يحتاج إليه كامرأة ترعى حقوق أبويها وليس لها غيره أو ابناءها ونحوه

والرجل احيانا لا يستطيع فتح منزل مستقل ومن هذه الظروف مع وجود اركان النكاح وشروطه وانتفاء موانعه


لكن الغالب فيه الكذب


الحين الاجانب شغالين ضحك على السعوديين


مهر 10000 او 15000 ويقول لي واحد شهر جلست معها بعدها صارت ما تهتم بنفسها وتحاول تضيق على زوجها وترفضه حتى تركها

شهر فقط

وتروح وتدور غيره وهكذا دواليك

حسبنا الله

صح لسانك كحيلاااااان ولاهنــــت


تقبل مروري

صح لسانك كحيلان

والمسيــار مشكــلة نحن خلقنــاها ونكتــوي بنارها الان

تحياتي

صح لسانك ياكحيلان

قصيده رائعة

لكن عطينـى قبـل نبـدا مجالـى
اشرح شروطى قبل لانكتب اكتـاب

ابدعت في تقمص الشخصية وقيامك بالدور >>> لا يكون انت العريس ومستحى خخخخخخخخ

يعطيك العافية قصيده رائعة وبيض الله وجهك

صح لسانك كحيلان
المسيار في نظري زواج الخسيس
والا بلاش اتكلم

صح لسانك يكحيلان ,قصيدة موقف من الطراز الرفيع

اخوانى

سلطان السويهري

شاعر ولى وجهة نظر

وضاح اليمن

سلطان الندوى

علوش

مشارك جديد


بيض الله وجيهكم وسعدت بمشاركتكم

سلطان لا تكون دبوس هههههههه

اخى مشارك جديد انا معجب بجميع ما تطرح باالمنتدى

كحيلان يعجبني فيك معالجتك لقضايانا


شكراً لك


وصح لسانك



تقبل مروري

صح لسانك


يا كحيلان


تشرفنا بتواجدك

اخوانى هشام الهذلى

عز الرفيق

تشرفة بمروركم وبيض الله وجيهكم