العرابي في ورطه حقيقيه أمام عملاق من عمالقة هذيل تابعوا

احببت مشاركتكم بهذا اللقاء الذي تم بين شاعرين الاول تعرفونه . ويبدوا انه تورط كما ذكر لي البعض وطلب شاعر من هذيل وكانه لايهتم بمن سياتي وبالفعل تصدى له شاعر متمكن ووضعه في ليله محرجه امام الجمهور اترككم مع المحاوره . وذكر لي احد شعراء المحاوره انه بالفعل تورط امام احد اساتذته . وانا لست شاعر محاوره واتمنى ان لا اقع مثل وقوعه في هذا الموقف الصعب . تابعوا واحكموا بأنفسكم.




عبيد الله العرابي :

بسم الله الرحمـن أمـان وبعدهـا حسـب السلـوم
ســلام رديــه هـديـه مـايـزم عيـارهـا

نادوا لي أطرف مطرفي عُـراف وتسـد اللـزوم
ما أختار فـي روس النشامـا والخيـار خيارهـا

حمادالمطرفـي :

أعـوذ بالله ..يـا عبيـد الله ..وأكبـر فالـقـدوم
يا مرحبا.. وأهل النبـا.. نبغـا جميـل أخبارهـا

أنتم كبار الروس سبـع أنعـام .. جيـران البقـوم
وأحنـا هذيـل اللـي تجيكـم فالديـار أذكارهـا

عبيدالله العرابـي

أعوذ بالله مـن بليـس وقيـس قبـل إنـك تعـوم
دام البقـا وأهـل النقـا تقلـط علـى مقـدارهـا

حنا كبـار أفكـار ولا الـروس لكبـار الجـروم
وهذيـل ياحمّـاد خـل أذكارهـا فـي ديـارهـا

حمـاد المطرفـي

ناديت يا ذيب الذياب ومـن سمـع صوتـك يقـوم
ينطـح مهمـات الأمــور كبارهاوصغـارهـا

حنا هذيل أهل السيوف الحدب واصحـاب العـزوم
اللـي تخبركـم تـواريـخ الـعـرب بآثـارهـا

عبيد الله العرابـي

ناديت ياحمـاد فـي الميعـاد وحصانـي عـزوم
ياصدق ابـو نيـه علـى أبـو نيتيـن وغارهـا

قسمك علـى أسمـك يالهذيلـي لاتخيّـر فالقسـوم
واللـي تعـذّر قبـل لاتخسـر وصـل معذارهـا

حمـاد المطرفـي

أنـا قريـت ان القيامـه يالعرابـي مـا تـقـوم
إلا على الأشـرار يـارب اكفنـا ف.. أشرارهـا

ف..الأرض صل الفرض وإلا ف..السما عد النجوم
اللـي تـروح يمينهـا واللـي تـروح يسـارهـا

عبيدالله العرابـي

ليت السلامه والقيامـه مـن علـى راسـك تحـوم
يامن يبي الجنـه حسـب ظنـه ويصلـى نارهـا

اللي تجينـا باأكبـر الأجسـام وصغـار الحلـوم
وش لون يا أهل العرف نعطيها جمل في حمارهـا

حمـاد المطرفـي

ياللي نهارك نوم..لا امسى الليل كيف يجيـك نـوم
لازدت عرض الارض متر ولا نقصـت أمتارهـا

والمشكله يـوم العبـاد تصـوم وانتـه ماتصـوم
والآخـره ميعـاد مسلمـهـا عـلـى كفـارهـا

عبيد الله العرابـي

ماني بمحـدي يالهذيلـي للضعـاف مـن العلـوم
وش بـك ليـا فيّحتهـا ينقـص عليـك بهارهـا

المشكله لاصرت خصمي وأنت من دون الخصـوم
ترمـي علـى مـد النظـر بطوالهـا وقصارهـا

حمـاد المطرفـي

ماجبت لك معشار عشر مـن الدفـاع ولا الهجـوم
أمشـي بعقـل وكـل سلعـه عـارفٍ مسعارهـا

والقرم فعلـه مـا يبيـن الامـع النـاس القـروم
مالـي ومـال اللـي شجاعتهـا قريّـب دارهــا

عبيدالله العرابـي

جوّك صفي يالمطرفـي ولاّ علـى جـوّك غيـوم
إضرب برجلـك لجلـك الدنيـا يطيـر غبارهـا

أحدٍ من الأيـام معطـى وأحـدٍ أبطـى ومحـروم
ماعـاد لـه عـازه جنـازه تحتـري قبّـارهـا

حمـاد المطرفـي

الترس صنع الفرس واللي مـن وراهـم روم روم
والـروم مغلوبـه وجـات اخبـاره ف..اسفارهـا

احـذر مـن الأيـام وأيـام الدهـر ليلـه ويـوم
أمـا كستـك بعزهـا وألا غـطـاك ستـارهـا

عبيدالله العرابـي

التـرس شيلـه ورس مثلـك لا يـلام ولايـلـوم
هذيل لا تسمعـك تخلـف فـي العلـوم أشواراهـا

يا صاحبـي حمـاد لـو أنـك تريـح ومخـدوم
عينـك علـى الطيـاره اللـي ماأنتـه بطيارهـا

حمـاد المطرفـي

لايدخل المسجد يصلي من قضـم لـه فـص ثـوم
يؤذي عبـاد الله وتظهـر كـل نفـس أسرارهـا

ما أنته مناسب وأنت راسب في الحساب وفي العلوم
والجامعـه مـا تقبـل الجهـال بيـن أسـوارهـا


عبيد الله العرابـي

لايظهر الهرجه قليـل عـرف لـو يمـلا الهـدوم
صدر الرجل صنـدوق والهرجـه لهـا معبارهـا

إن كان سـوق البيـع مايعجبـك صـدر لاتسـوم
واربط على القرشين صـره وارتفـع باصرارهـا

حمـاد المطرفـي

من لايعرفـون الخصوصيـه ووجهـات العمـوم
تلقى عماهـا فـي بصايرهـا وعمـي أبصارهـا

تحمـد الله لاعطـاك العافـيـه وعـيـال تــوم
لاتشبـر بشبـرك مـع ربـوع طـوال أشبارهـا


عبيد الله العرابـي

الرقم شاغـر وانـت فاغـر للمشاكـل والهمـوم
دنيـاك ياطالـب حلاهـا مسقيـتـك أمـرارهـا

ماتلتـوي بخبالهـا فـي حبالهـا غيـر الرخـوم
واللي تسحب فـي الخطـا بكـره نقـص آثارهـا


حمـاد المطرفـي

المدح لاصحاب الثنا والمجـد وأصحـاب العـزوم
اللـي مآثرهـم تـورخ ف الحـجـار آثـارهـا

مريـت بـام الـدوم مافيهـا يكـود أشجـار دوم
قطيعـة أم الـدوم ماشـي فـايـده باشجـارهـا
منقول

سلمت يالنشمي ..

الله يعطيك العافية ...

وما شاء الله على الشاعر حماد المطرفي ..

شاعر جزل.

مشكور على المشاركة
لا شك ان هذيل تزخر بالشعراء المبدعين
والشاعر عبيد الله العرابي شاعر مبدع ومتمكن وعنوانك لا ينقص من مكانته
شكرا

تسلم يالنباتي

وصح لسان الشاعرين

الحقيقة نقض وفتل


ومحااااورة قوية

أحبتي

يجب ألا ننسى أن المحاورة نوع من الألعاب الشعبية "ملعبة". وبالتالي يجب ألا تورث ضغائن.

هي أولاً واخراً لعب ولكن بالكلمات.

[line]

كما قال فواز هي محاورة نارية والشاعران بارعان و يحسب لهما الف حساب.

هناك أيضا محاورة قوية للعرابي مع عمر الخالدي أتمنى أن أراها هنا.

شكرا يالنباتي

لا هنت

السلام عليكم ورحمة الله وبركاته

أخي الغالي النباتي أعزك الله ..

أتفق مع ماذهب إليه الأستاذ وضاح .
والأستاذ والصديق العرابي شاعر كبير والشاعر الكريم حماد المطرفي شاعر معروف ..

والمحاورة منافسة شريفة ..نستمتع بها ونقض وفتل ...

وكم نحن سعداء بهذه المحاورة ..

وندعوا الشاعرين للتواجد معنا يوما في مجالس هذيل للقاء له نكهته وروعته ..

حفظكم الله .

الشاعر العرابي شاعر معروف ومن الأعضاء الفاعلين بالمنتدى
والشاعر حماد ايضا شاعر معروف
نقدر شاعريتهم جميعا
وبيض الله وجيههم
وسلمت يمناك على النقل الرائع يا النباتيييييي

مشكور يا النباتي على النقل الرائع

والعرابي لا تتعدى معرفتي به حدود هذا المنتدى وأنا من أشد المعجبين بشعره وإبداعه, والمحاورة جميلة جدا وفيها فتل ونقض وأعادتنا إلى فن المحاورة الحقيقي.

أحسنت على النقل

وشعار كبار ولو ان حمّاد غطى عليه فعلا

الحق يقال
الشاعران ابدعا في هذه المحاورة

شكراً على نقلك لهذه المحاوره .
لكن ليش نقلتها بمقدمتها ؟؟
هل أعجبتك كلمه العرابي في ورطه هههههههههه ودي أعرف وين الورطه ومن هو الشاعر المعروف الذي قال ان العرابي تورط .

الشكر الجزيل لك على نقل هذه المحاوره والتي يعلم الله كم هي عزيزه على نفسي لأن الأستاذالشاعر حماد المطرفي أيضاً هو من أعز الشعراء الذين تحاورت معهم .

تقديري

كنت من حضور هذه المحاورة

وكانت تنافس بين الشاعرين

ولقاء رائع

وكلا الشاعرين أبدع فيها

	المشاركة الأصلية كتبت بواسطة عبيدالله العرابي

	شكراً على نقلك لهذه المحاوره . لكن ليش نقلتها بمقدمتها ؟؟ هل أعجبتك كلمه العرابي في ورطه هههههههههه ودي أعرف وين الورطه ومن هو الشاعر المعروف الذي قال ان العرابي تورط . الشكر الجزيل لك على نقل هذه المحاوره والتي يعلم الله كم هي عزيزه على نفسي لأن الأستاذالشاعر حماد المطرفي أيضاً هو من أعز الشعراء الذين تحاورت معهم . تقديري

مع اني ماني فاهمة من معانيكم شي الا اني حاسة ان فيها شعر حلو وخاصة ابياتك يالعرابي وفقك الله
وامطرفي شاعر