بدعه من فوااااز الهذلي - الصفحة 2 - ::{ مجالس قبيلة هذيل }:: موقع يهتم بتراث القبيلة ومفاخرها

04-13-2008, 10:22 PM

الصقر يافواز لو طــول يحـوم .......................لابد له في تالي منهاض
ونته ونعم وراعي وجوب وسلوم .............لكن قضيتنا لها ابعاد واعراض

04-13-2008, 10:23 PM

خذ راحتك ياغالي ..

ولا يهمك ..

04-13-2008, 10:28 PM

اعتقد انك نسيت كلمة فالشطر الثاني من البيت الاول يا مشعل

04-13-2008, 10:30 PM

والله انك صادق ..

الصقر يافواز لو طــول يحـوم .......................لابد له في تالي الوقت منهاض
ونته ونعم وراعي وجوب وسلوم .............لكن قضيتنا لها ابعاد واعراض

الله يبيض وجهك ..

04-13-2008, 10:34 PM

من لاتجاوز عشر مايقدر يصوم===الله يكافي صقرنا شر الامراض

نباك يامشعل على مقدم القوم===خوض المعارك واصطبر يوم تنخاض

04-13-2008, 10:42 PM

الحظ يلعب دور والرزق مقسوم .................لو ان ربعي سجلت مجد لعكاظ
غاب القمر لكن ماخلف انجوم ....................حجة لها قاضٍ وحجة لها قاض ..

04-13-2008, 10:45 PM

الله الله

04-13-2008, 10:49 PM

تسلم اخوي فواز ...

ماعليك زود ..

04-13-2008, 10:50 PM

السلام عليكم

فواز الهذلي

يا هاجسي وش فيك مبلشني اليوم===من يوم غاب الشفق والبال مهتاض

والشاعر اللي دخل في عينه النوم=== لا ينتفض ثم يصبح تحت الانقاض

مشعل الهذلي

ياصاحب الهاجس عسى عندك علوم ............الصدر فاض وباقي الشعر مافاض
شفتك تحرى والهدف صار معلوم ...............لامزنة هلت ولا بارق ناض ..

فواز الهذلي

حييت يا مشعل عسى حظك يقوم===وانا بعد شوفتك مانيب مغتاض

الحي نفرح به ومن مات مرحوم===والضامية لابد ما تارد الحاض

مشعل الهذلي

جيت أشتري وابيع واغلي السوم ................ماهمني لو جت طويلات وعراض
نصبر على الدنيا ونبعد عن اللوم .............. وندور اعذار لعايض وعواض

فواز الهذلي

مشعل يبن عمي ترى السوق مزحوم===حذرى تجي وتروح ماتقضي اغراض

انا غريمي لو على قمة ايسوم===اباصله لو تركض الرجل مركاض

مشعل الهذلي

الصقر يافواز لو طــول يحـوم ..............لابد له في تالي الوقت منهاض
ونته ونعم وراعي وجوب وسلوم .............لكن قضيتنا لها ابعاد واعراض

فواز الهذلي

من لاتجاوز عشر مايقدر يصوم===الله يكافي صقرنا شر الامراض

نباك يامشعل على مقدم القوم===خوض المعارك واصطبر يوم تنخاض

مشعل الهذلي

الحظ يلعب دور والرزق مقسوم .................لو ان ربعي سجلت مجد لعكاظ
غاب القمر لكن ماخلف انجوم ....................حجة لها قاضٍ وحجة لها قاض ..

04-13-2008, 10:51 PM

ما شاء الله

الليله المعارك في كل مكان

الهلال طار بالدوري

وهنا مدري من بيطير بالكاس

ههههههههههه

مستمتعين لا شك

04-13-2008, 10:53 PM

انشهد ان الدرب واضح ومرسوم===لكن صميل القوم ماجاه خضاض

كنز العرب قفت به الفرس والروم===انته تغاضى واكثر القوم متغاض

04-13-2008, 10:54 PM

حيال الله اخوي الغالي هذلي والفخر لي ..

ومشكور على التنسيق ..لكن لا تنسى بداية القاف عند فواز ..

04-13-2008, 10:55 PM

حي الله ابوبسااااااام

والله اني ناسي ان الليلة مباراة

اجل الهلال فاااز؟؟؟

والف الف شكر على التنسيق يالغااالي

صراحة مستمتعين مع الشاااعر مشعل

04-13-2008, 10:57 PM

هاردلك اخونا هذلي والاتحاد لعب افضل بامانة
بس هذي الكورة ..
ولايهمك ..

حياك ..

04-13-2008, 10:57 PM

انتبه لبداية االمحااورة يبو بسااام