المرجله ... ماهي بكلمة وتنقال !!!!!!

إذا المراجل لبسة شمـاغ وعقـال *** قـل للعـذارى يلبسـن العمـايـم


ماعاد يفرق زول حرمـه ورجـال *** دام الفعايل تشبـه البعـض دايـم


المرجلـه ماهيـب كلمـة وتنقـال *** وتروح ماراحـت هبـوب النسايـم


وإلا خشونة صوت أو رفع الأثقـال *** أو رزة صـدور وفعـل الـزلايـم


ولاهي بعد مفتـاح موتـر وجـوال *** وإلا ردى لسانـن حديثـه شتايـم


المرجله شيمه عن القيـل والقـال *** رفيع نفـس و حـر بالجـو حايـم


المرجله عقـل وزن وزنـة جبـال *** ودون العقل وش فرقنـا والبهايـم


يامسندي لو مايل الوقت بـي مـال *** ياولـد أبويـه ياعظيـم العـزايـم


يامعرّب الجدين من العـم والخـال *** يانخوة المفـزوع وقـت الهزايـم


المرجله ياخوي هي طولـة البـال *** هي العزم هـي الصبـر فالظلايـم


فيها الكـرم عـزه دلـه وفنجـال *** فيها الكرامة عن ردى الطبع شايـم


والدين لامنه خـذا القلـب منـزال *** مشى طريق الحق وابليـس نايـم


ومن لاعرف ربه في طيب الحـال *** لابد وقـت الضيـق بالهـم هايـم


حتى صلاتك مع جماعات ورجـال *** في خيرهـا ياخـوي نعـم الغنايـم


ولامن نصف ليلك قم صفي البـال *** ياعظم أجرك بيـن ساجـد وقايـم


ولامن رفع ربي له كـل الأعمـال *** حسن الذكر لاقالـوا فـلان صايـم


وخلك شريف القصد ياطيب الفـال *** سوء المقاصـد فالبيـوت الهدايـم


واحذر تبيع النفس في درب الأنذال *** وتتبع خوي إبليـس راع النمايـم


النفس خيل لـك إذا كنـت خيـال *** ومن لاقوى نفسه قوتـه الهزايـم


ولا صرت ماتدري لويش أنت رجال *** والله خسارة فيـك ذبـح التمايـم

اعجبني فنقلته لكم

الله الله


قصيدة وافية وجميلة ولو انا نتمنى ان نعرف من شاعرها


شكرا لك اختي بنت مكة على النقل الموفق


في انتظار النقل الى قسم المحاولات والمنقولات

قصيده رائعه وجميله تسلم يدك على النقل

تقبل مروري

قصيدة ذات رونق جميل ونقل بديع
يسلموووو على هل النقل يا اختي الغالية
ويسلم قائل القصيدة على ماقاله
تقبلي مروري وتحياتي

فواز الهذلي
جني هذيل
هامه العرب

قصيـــدهـ في غــآيـــه الـــروووعـــــــــــــه شكــــرآآآآ عــلى النقـــل اخــتي العـــزيــزهـ بنت مكـــه
تقبــــــلي مــــــــــــــــــــــــ ــــــررررررررررررررورررر ررررري

لاهنتي اختي بنت مكــة على النقل

قصيدة جميلة

سيــتم نقلها لمكانهــا الصحيح..قسم ....المحاولات والمنقولات

تسلمين اختي بنت مكه على النقل .