عدنان ولينا سعووووووودي

عدنان ولينا (بالسعودي لا يفوتكم)


----------------------------------


عدنان يتحدى المصاااااعب
عدنااااااان عدنااااااااان
البدااااااااااااية
******************************

(عدنان) : شفيك يالينا معصبه؟
(لينا) : مدري ياخوك احس اني بنخطف زي كل مره

(عدنان) : يهبووون سميرة وعلام وكل جنود القلعه
(لينا) : مانيب مرتاحه احس اني قبسه وشكلهم بيخطفوني

(عدنان) : اللي يقرب منك بتوطاه هنااااااااااا وادوووس على خشته واوطا في بطنه

(عدنان) : احم احم تسلمين.. المهم وين عبسي؟؟
(لينا) : مدري يمكن يصيد ضفادع عشان الغداء

(عدنان) : وع الله يقرفه ذا الشين... المشكله انه خويي ولازم اتحمل بلاويه
(لينا) : يمه يمه .. اسمع صوووت طيارة سميرة يااااويلي!!
(عدنان) : لاتخافين وقفي وراااي واللي يقول عن نفسه رجال يقرب منك

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,
**سميره مع الجنود نزلو من الطياره**

**سميره تتكلم بالمايك من بعيد**
(سميره) : سلم نفسك ياعدنان ولاترز وجهك

(عدنان) : اقول انقلعي بس ولايكثر وارجعي من محل ماجيتي
(سميره) : انزح وراك... وخلنا نخطف لينا براحتنا

(عدنان) : يخطفك جني يالساااااحره.. اللي يرشها بالميه ارشه بالدم
(سميره) : اقول لاتتميلح وتسوي نفسك مصري اوكي!

(عدنان) : لينا ماتبيكم ولا تبي عيشتكم.. لينا زوجتي وانا متكفل بكل مصاريفها
(سميره) : الله واكبر على المصاريف؟ كلها فستان واحد وطق لونه من كثر الغسيل

(عدنان) <<<< طاح وجهه هع هع
(لينا) : انتي عاوزه ايه؟ انا موش هينا انا خرجت بره

(سميره) : اقول انطمي انتي الثانيه لاتسوين نفسك مصريه وتلعبين علي... ترى حركاتكم هذي معروفه
(عدنان) : ماعاش اللي يقول حق لينا انطمي... شكلي بشوتك باند من الجزيره**صارت معركة قوية بين عدنان والجنود**

**في البداية عدنان صفقهم وبعد شوي طاح في الارض وتوطو بطنه**

**الجنود خطفو لينا في الطياره وانطلقو الى القلعة**

(عبسي) : عدنان لماذا انت نايم؟ شفيك؟؟
(عدنان) : اي.. اح.. ضلوعي متكسرة والركب تتصافق

(عبسي) : لماذا؟ ماذا حدث؟
(عدنان) : اقول انطم بس... سميرة والجنود كانو هنا وتمردغوني وخذو لينا للقلعه

(عبسي) : افا ياذا العلم؟ لماذا لم تناديني عشان اسوي فزعه؟
(عدنان) : وانا وش عرفني في اي جحر انت؟ طوول يومك تحووس ورى هالضبان والضفادع اقرفتنا في عيشتنا ياشيخ

(عبسي) : طيب ماذا سنفعل الحين؟
(عدنان) : ابيك تراقب الميناء اذا شفت سفينة القبطان نامق علمني عشان نطمر فيها

(عبسي) : حسنا ياسيدي <<<< ماسكه معه الفصحى خخخخخخ
**بعد ساعتين مرت السفينه**
(عبسي) : عدناااان وصلت السفينه هيااا بنا

(عدنان) : اسمع خلنا نتوزى في المخزن حق السفينة واذا وصلنا للقلعه ننطلق ورى لينا

**وصلت السفينة الى القلعة**

(عدنان) : انا بروح ادور لينا.. وانت وش بتسوي؟
(عبسي) : انا بفتح اللاب توب واشيك على ايملاتي لين ترجعون <<<< وشو له جاي؟؟ لوووووووول

(عدنان) : انتبه لاحد يشوفك وتوهقنا!! ترى كلها ساعه نسحب لينا ونعود ديرتنا
(عبسي) : لاتخاف اذا حد شافني بقولهم انا برب في المنتدى

**عدنان وصل الى غرفة لينا ويكلمها من ورى الشباك **

(لينا) : هلا والله... ولكمووووووووو نورت ا.. شخبارك؟ شخبار الوالده؟

(عدنان) : يسلمووووووووو... كلنا بخير ومشتاقين لك
(لينا) : تشتاق لكم العافية

(عدنان) : وانتي شلونتس؟ وش علومتس؟
(لينا) : يووووه انا طفشانه مررره وكل شوي يطقوني

(عدنان) : ولايهمك اوريهم... على فكره ترى عبسي جاء معي ويسلم عليك
(لينا) : وينه الشين؟؟ شخباره؟ عساه طيب؟

(عدنان) : ابشرك بخير ونعمة... والرجال يحترينا عند السفينه
(لينا) : طيب يالله انقذني بسرعه وراك تحب السواليف؟

(عدنان) : ابعدي شوي تراني بضرب القزازه براسي واكسرها

** تم انقاذ لينا وانطلقو الى السفينه***

(عدنان) : عبسي يالله سرينااااااا
(عبسي) :ولكموووووووو نورت هلا وغلا

(لينا) : ياشباب ترى سميره تركض ورانا بالمشعاب.. بسرعه نبغا نهرب في السفينه
(عبسي) : المصيبة ان القبطان نامق نايم مع وجهه

(عدنان) : دق عليه جوااال وخله يصحى ماعاد فيه وقت

**اتصــــــال**

(نامق) : الووو.. مين معي؟
(عبسي) : نامق تكفى ترى تكفى تهز رجال

(نامق) : ابشر بعزك... امر وش بغيت؟
(عبسي) : قم شغل السفينه وخذنا معك نبغا نهرب من سميره

(نامق) :ياويل حظي لاتقول سميره ترى اخق من طاريها
(عبسي) : اقول بلا هذره اخلص علينا نبغا نفرك من هنا

(نامق) : اوكي تعال السفينة وماعليك انا بتصرف
**ركبو السفينة ونامق نزل عشان يتكلم مع سميره**

(سميره) : وينهم؟ وين خبيتهم؟؟ اعترف؟
(نامق) : ياويل حالي.. عليك عيون ماهيب صاحيه

(سميره) : اقول تقلع بس.. وين لينا؟؟

(سميره) : هاهاهاها ضحكتني...
(سميره) : يارجال استح على وجهك ترى جوالي سوا <<<< يعني افهمها واشحن لوووول
(سميره) <<<< تناظر في جزمتها يقالها مستحيه<<<< ههههههه
(نامق) : وش فيك تناظرين جزمتك؟ ناويه تضربيني صح؟

(سميره) : لا شدعوه... بس كنت افكر في جوال N 70 يقولون فيه بلوتوث وحركات
(نامق) : شركة نوكيا بكبرهااااااااا

**عدنان طل براسه من السفينه**

(عدنان) : ماخلصتو انتو؟؟ ياخي ... نبي نمشي
(سميره) : تمشي في عينك.. انا بروح معكم لووول

(نامق) : تفضلي ادخلي برجلك اليمين<<< خايف ههههه
(لينا) : يمه يمه.. سميره بتروح معنا؟؟ انا خايفه تضربني

(عدنان) : لا تخافين... نامق مسيطر على الوضع
(عبسي) : كفوو نامق.. الحين نقدر نعيش مرتاحين



تحياتي للجميع

هههههههههههههههه

وربي إنك حايس المسلسل حوووس

بس للأمانه رووووووووووووووعه يالبرق

اسلوب ممتع ويعطيك العافيه

س/من كتاباتك ولا منقوول ؟

تحياتي أخي

	(عبسي) : افا ياذا العلم؟ لماذا لم تناديني عشان اسوي فزعه؟

مافي مالوم سوي فزاه ههههههههه

	لوووووووول

مامعنى هذه الكلمة لووووووووووول هههههه
يعطيك العافية يابرق وتقبل مروري

رووووعه يا البرق

بس انا من عرفت نامق وهو طايح بوجهه عند سميرررره

مدري ليه



ومشكوور اخوي والله يعطيك العافيه

	المشاركة الأصلية كتبت بواسطة الشامخه

	س/من كتاباتك ولا منقوول ؟

تقبل مروري

ههههههههههههههههه

يعطيك العافيه

	(لينا) : ياشباب ترى سميره تركض ورانا بالمشعاب.. بسرعه نبغا نهرب في السفينه

لا يكن من مشاعيب سيف هذيل

فاتتني زمان وقريتها الحين

شكرا اخوي البرق والله يعطيك العافيه

شرهتكم على اللي يعرف عدنان ولينا

ههههههههههه

<<< جيل توم وجيري خخخخخخخخخخخخ