أسبوع

أسبوع / محمد جارالله السهلي

[poem=font="Arial,5,,bold,normal" bkcolor="" bkimage="" border="none,1," type=0 line=0 align=center use=ex num="0,"]
أسبوع مرّ !! ولاوصل منك مرسـال=ياقوّ قلبك كيف تقطعنـي أسبـوع ؟!
الجوع كافر ! وانت ماترحـم الحـال=وانا عليك من الولـه ميـت ٍ جـوع
ياللي غيابك صعب يطري على البـال=تركتنـي ضايـق وحايـر ومفجـوع
ماكنّـي الا: شايـب ٍ فاقـد عـيـال=وماكنك الا: محرم ٍ حق مشـروع !!
يفوع لك قلبـي ليـا مـر الاطـلال=ياليت مالـي قلـب يشتـاق ويفـوع
حسبي عليك شلـون قطعـت الامـال=بآآآموت لاصار الامل فيـك مقطـوع
ياصاحبـي ماكـل نـزّال رحّــال=انت الحيّا من وين مارحت متبـوع !!
نسيانـي لـزول ٍ بالاعمـاق يختـال=اصعب على صاحبك من حبة الكـوع
لو الثمن في شوفتـك عمـر رجـال=كان الثمن من يوم ماغبت مدفـوع !!
ولو القدر مـا تـم قولـه ليـا قـال=ماضاق صدر ولا انحنى راس مرفوع
ياصاحبي عشقتنـي فعـل وخصـال=وانا عشقتك شعر واحساس وطبـوع
وشلون تتركني كذا لا اشهـب الـلال=وقدّام عيني تجف ينبوع .. ينبـوع !!
وانا عشانـك جيـت والغيـم همّـال=اسيّـل الوديـان واداحـم جـمـوع
ماردّنـي عنـك سواليـف عــذال=تزعل عليّ ربوع وتقـدّر ربـوع !!
كان المهم اعيشـك جنـون ووصـال=ويكون لي كلمه ولـي راي مسمـوع
واليوم ضاقت بي من الجـال للجـال=فرقاك تقصم ظهـر وتحـز وتلـوع
لو جيت شفت الحال ماسرّك الحـال=في غيبتك ضايق وحايـر ومفجـوع
هذا غياب اسبوع وشلون لـو طـال=طالبك .. لايطوّل غيابك عن اسبوع !! [/poem]

سلمت يمينك على النقل وصح لسان قايلها

وتقبل مروري

	المشاركة الأصلية كتبت بواسطة مطلق هذيل

	سلمت يمينك على النقل وصح لسان قايلها وتقبل مروري

يسلم رأسك يالطيب
ومشكور عالمرور
تحياتي لكـ

السلام عليكم ورحمة الله وبركاته

الشاعر السهلي شاعر معروف وقصائده له نكهة خاصة ...
وخير دليل هذه المعزوفة الجميلة ..

لو جيت شفت الحال ماسرك الحال



شكرا للنقل والذوق الجميل أختنا مسك .

	المشاركة الأصلية كتبت بواسطة مشعل الهذلي

	السلام عليكم ورحمة الله وبركاته الشاعر السهلي شاعر معروف وقصائده له نكهة خاصة ... وخير دليل هذه المعزوفة الجميلة .. لو جيت شفت الحال ماسرك الحال شكرا للنقل والذوق الجميل أختنا مسك .

شاكره لك مرورك
تحياتي لك