لو ان فواز يطلع لين نجمة سهيل,,,,

اما ردى حظ ولا صار قلبك عليل === لكن عان الاصايل عندنا عانها


اثر العصيمي مع العرّاف ماهو قليل=== لولاه يحفر ثرى الحرّة وعقمانها

فواز



صححححححححح لسااااااااااااااااااااانك



ملااااااااااااااااااااااا اييين




تحياتي

خالد العصيمي



شاعر عتيبي وضيفٍ في مجالس هذيل
وهـذيـل مانـقـصـت مـاجــوب ضيفـانـهـا

لـو ان فـواز يطـلـع لـيـن نجـمـة سهـيـل
مـــــرده الأرض وتـهــامــه وضـلـعـانـهــا




فواز الهذلي


يامرحبا عندنـا للضيـف بـن(ن) وهيـل==في حلة(ن) عامره بالطيب سيسانها



لــو ان فــواز ينـظـر يمّـكـم كــل لـيــل==ظلّـت عتيبـة تحـرّم بــدع قيفانـهـا




خالد العصيمي



مافيـه دعــوى نقدمـهـا بلـيـا دلـيـل
حنـا عـرب نعـرف الحجـه وعنوانـهـا

حذف الحصا لا ذبح ذيبٍ ولا رد خيل
ليـتـه يــرد الغـنـم لـمـراح رعيـانـهـا






فواز الهذلي



الله علـيّ وعليـكـم يالنشـامـا وكـيـل==حنّـا دعاويـك نغـلـق كــل بيبانـهـا


وشلون تبغا تداعي وانت عابر سبيل==الله يـعـز العـوايـد عـنـد هـذلانـهـا






خالد العصيمي



الارض فيها السعه والدرب ما هو طويل
والـسـالــفــه روح ديــنــهــا وتــدانــهـــا
ان كان ونك جمـل للحمـل مافيـك حيـل
اجمالنـا اللـي تشـيـل الحـمـل بمتانـهـا





فواز الهذلي



تقانبت لك سباع الليل وسط المسيل==تبغـا تـرد الذهيبـة وسـط مرحانهـا


بكره يبين الك منهو ينقل الحمـل ميـل==بـكـره تعـرفـون راضيـهـا وزعلانـهـا




خالد العصيمي

انا احسب انك صديقي واحسب انك حليل
واثـرك تبـا ذبحتـي وتمـوت مـن شانـهـا
لن غبت في غيبتي تعمل على المستحيـل
وان جيت تضحك سنونك ونت شيطانهـا


فواز الهذلي
العالم الله بناس(ن) ينكرون الجميل === والخاتمة تجحد الجيران جيرانها


انكان يا ولد عاصم ماش عندك حصيل=== البدو ماتهتوي جدّة وسكانها


خالد العصيمي

عميلنا المختلف نلقى بداله عميل
وبضاعته كلها في وجوف دكانها

حرام ما كيل علم الواحداً مايكيـل
لـو السعايـد علـي تشـب نيرانهـا


فواز الهذلي

خلّّك قريّب ترى النيره تحّب الفتيل=== وابعد عن النيرة اللي عجّ دخانها


اجل توكّل على الله وانتفض ياشعيل===دوبي حزيتك بشاخوفة ونيشانها




خالد العصيمي
يا صاحبي يالهذيلي لا تحط وتشيل
الفايتـه فايتـه ماتعـب علـى شانهـا

لو انهـا يـوم تـرم اهدافهـا ماتحيـل
بديت فوق اجبله وعطبت سرحانها


فواز الهذلي
اما ردى حظ ولا صار قلبك عليل === لكن عان الاصايل عندنا عانها


اثر العصيمي مع العرّاف ماهو قليل=== لولاه يحفر ثرى الحرّة وعقمانها

بيض الله وجيهكم مافيكم حيله

دايما جزلين, وتحرجونا ههههههههههههههه

ياسلالالالالالالالالالالا لالالالالالالالالام عليك يافواز انته وخالد( لعب ولافي الشعب)

صحت السنتكم جميعا وبارك الله فيكم