مميزة //// شاعر يصف إبنــــه !!

> يابنـت يكفـي دخيلـك لاتبوسينـي
> خلاص يكفي تـرى مليـت مشكـورة
> وش لك بخدي يابنت النـاس فكينـي
> عندي طريقة وهي ماهيب محظـورة
> نامي على صدري وحيل ضمينـي
> لو تصبح عظام صدري منك مكسورة !!
> انتي أساساً مكانـك فـي شرايينـي
> مشاركـة بالمحبـة والغـلا نـوره !!
>
>
> ولاهي غريبة علـى مثلـك تحبينـي
> لاني أحبـك وانـادي دوم عصفـورة
> يابلسم جروحي وفرحـةسنينـي
> يامن لها بالضلوع وخافقـي صـورة
> أهديت غيرك كلام رويشـد 'اعفينـي'>
>
>
> وانتـي لـك بذمتـي 'درة وبلـورة' !!
> اموت في ضحكتك وانتـي ذبحتينـي
> بلشة .. عنيدة .. وكتكوتة . وشطورة !!
> أن جيت اريّح وانـام الليـل توذينـي
> متسلطنة تضرب الجـدران بالكـورة
> تلعب على عينـي الكـورة تورينـي
> والله ولا سامـي الجابـر وجمهـورة !!>
>
> واليا بكت تنقلـب عنـدي موازينـي
> دنياي من دمعها وأن سـال مذعـورة
> كـن الـزلازل بصـدري والبراكينـي
> قامت تفجر وكـن الـروح مخطـورة
> واليا ضحكت قلت أنابالسوق بيعيني
> لو كان سعري ثلاث ريـال معـذورة!!>
>
>
> والله ما أحسد على ضحكك سلاطينـي
> اموالهم في بنوك جنيـف محشـورة
> انتي حياتي وعمري شمعـةسنينـي
> ودي اشوفـك اليـا شيّبـت دكتـورة
> ادواي لاجيت لك تعبـاااان ضمينـي
> الوصفة اللي تـرد الـروح 'عبـورة'

والله هذه القصيدة فيها بعض الأبيات المباشرة التي
أتمنى أنها من خيالات الشعراء، وتصاويرهم.
ولو استخدم الكناية والتورية لكان خيرا له وللمتلقي.
وأسمح لي بنقلها لمجلس الشعر النبطي (المحاولات والمنقولات).

> ادواي لاجيت لك تعبـاااان ضمينـي
> الوصفة اللي تـرد الـروح 'عبـورة'

والله ختامها مسك ويعطيك الف عافية

والى الامام يا مستشارنا ربي يوفقك