لـيـهـ

○○○○
السلام عليكم ورحمة الله وبركاته

ليه/هيفاء التميميه

[poem=font="tahoma,5,#000000,bold,normal" bkcolor="" bkimage="" border="none,1," type=2 line=0 align=center use=ex num="0,"]
الهم مثْل الجـداول بالحشـا جـاري=وعيوني اللي وفـي المـوق يغلبهـا
ليه الخلايق تمووووت وتسبراغواري=ليه الحزن والجمود اللـي يجاوبهـا!
عشرين مع ست ياناشد عن اخبـاري=وسـادي الضيـم ولحافـي متاعبهـا
أشعل فتيل الألم واصبر علـى نـاري=يافزعة الريح ليـن ارسـل هبايبهـا
أضحك تقول البكـا ماينـزل بـداري=وابكي تقول الفرح مـادل صاحبهـا!
واشكي الين الحكي يخجل من اسراري=واسكت ولي كلمـةٍ تغـري مخالبهـا
والخوف طبع الأمان وطبعي اخطاري=ماهمنـي راحتـي ماجيـت ابطلبهـا
الجرح شيٍ قديـم وغرسـه ثمـاري=والجود طبع الألم واصـدق حبايبهـا
الغيم في نظرتي والشمـس بافكـاري=وافراحـي اللـي اصدقهـا واكذبهـا
الليل ستر الهموم وبعضهـا عـاري=والصبح دمعة على حظـي وبحجبهـا
وان ثارت الريح باكداري مْن اقداري=وشلون ابجزع ورب الكون كاتبهـا!؟
دام الصبر حيلتي .. دام الصبر ثاري=دام العمـر دنيـةٍ تفنـى كواكبـهـا
ماتشتكي خطوتي من طول مشـواري=وْلاتهتـوي هقوتـي الا عواقبـهـا
قصيدتي وان سبحتي عكـس تيـاري=في لجة اليـم لـي قصـة وابكتبهـا
حْداي نزف القلم وانشـودة اوتـاري=والقلب عزف الحزين اللـي يعذبهـا [/poem]



احتراماتي وتحياتي
○○○○

وعليكم السلام ورحمة الله وبركاته

عشريـن مـع سـت ياناشـد عـن اخـبـاري
وســـادي الـضـيـم ولـحـافــي متـاعـبـهـا
أشعـل فتيـل الألـم واصـبـر عـلـى نــاري
يـافـزعـة الـريــح لـيــن ارســـل هبايـبـهـا
أضـحــك تـقــول الـبـكـا مـايـنـزل بـــداري
وابـكـي تـقـول الـفـرح مـــادل صاحـبـهـا!


شاعرة مميزة من أبياتها ترسم الألم بطريقتها ......

ذوق مميز أختنا ومشرفتنا مسك ..

	المشاركة الأصلية كتبت بواسطة مشعل الهذلي

	وعليكم السلام ورحمة الله وبركاته عشريـن مـع سـت ياناشـد عـن اخـبـاري وســـادي الـضـيـم ولـحـافــي متـاعـبـهـا أشعـل فتيـل الألـم واصـبـر عـلـى نــاري يـافـزعـة الـريــح لـيــن ارســـل هبايـبـهـا أضـحــك تـقــول الـبـكـا مـايـنـزل بـــداري وابـكـي تـقـول الـفـرح مـــادل صاحـبـهـا! شاعرة مميزة من أبياتها ترسم الألم بطريقتها ...... ذوق مميز أختنا ومشرفتنا مسك ..

○○○○
شاكره لك تواجدك اخي الكريم.
○○○○

يعطيك الف عافيه على النقل الراائع

	المشاركة الأصلية كتبت بواسطة ذيب الفيافي

	يعطيك الف عافيه على النقل الراائع

○○○○
شاكره لك تواجدك اخي الكريم.
○○○○