المســـــــــــــــــــــ ــــــــــعودي والجبرتي ؛ ؛ ؛ ؛

هذه المحاوره جمعت المسعودي والجبرتي عام 1394 هـ


الجبرتي :
أرسلت لك مرسول والمرسول وافاني وقال
وشبك تلزم فالحبال اللي رموث حبالها
انته تقضى في شطونك والا انا مشغول بال
مشغول بالي من برامجنا وحسن أمثالها

المسعودي :
لو كان للطيب مواري تظهره يابن الحلال
يمديك تعرف طيبين القوم قبل افعالها
ياراعي الميزان ياللي قبل يوزن فيه مال
اشوف كفه ميلت كفه ولاادري مالها

الحبرتي :
أنا ليا دقت هجوسي والتمس حال بحال
أقضي علومن من ضميري ماتجيب بدالها
كم واحدن مثلك لبس له ثوب ومنكس عقال
لكن مايدري عن الديره وعن نزالها

المسعودي :
كل يقول الحق عندي والله اولى بالكمال
وان قلت هرجه شرهة الهرجه على من قالها
أحد يقله روح واحد يقال له روح وتعال
يالعود الاغشم لاتساوي روسها بأذيالها

الجبرتي :
انته يابن مستور لو انك صري من بعض حال
اسمك مخيله يطرح الجدران من زلزالها
وانا ليا صكت عليك رجال فرقت الرجال
لكن قول الله يخلي للرجال رجالها

المسعودي :
يابن شريف لاتعرض للبوابير الثقال
خلك لحالك والبوابير الثقال لحالها
ياخنجر الخداع ياللي من يمينه فالشمال
تهفي عن المقفي وترجع في نحر نقالها

الجبرتي :
حنا نبا نحملك وانت اليوم مافيك احتمال
الا ليا سويت لك حيله نبا نحتالها
واليوم ساعة جاك ياذيب الغنم ذيب الجمال
يفرح ليا منه لقيها فالشعيب لحالها

المسعودي :
حملت امانه والامانه ماتحملها الجبال
ان صنتها لا باس وان وكلت يموت اكالها
الذيب مثل الذيب ولا انت لاذيب ولا خيال
أكل عشاك وروح غادي والذياب اصحى لها

خالد ضيف الله مشكور ياراع الوفا مشكور



محاورة بين علمين من أعلام المحاورة في وقتيهما


ولم أسمع بها من قبل


زدنا مما عندك

وسوف يتم تسجيل بعض المحاورات في الآيام القادمة لبعد الله المسعودي

الله يرحم المسعودي والجبرتي

افضل من انجبت ساحة المحاورة

رحمهم الله واسكنهم فسيح جناته

ومشكور يااخ خالد

ولاتحرمنا من المزيد

اخي خالد تشكراتي على هذة المحاورة الجميله

يعطيك العافيه على هذه النقلة المتميزه
تحياتي

الله يرحمكم يا شعّار خنادف

محاورة جميله ياخالد يعطيك العافيه على النقل