الثرى ....& ...الثريّا

هذه قصيده كتبتها بمناسبه خاصه..ولاكنها عموميّة المعنى
لأن اختلاف معادن الرجال وتوجهاتهم هو امر ملحوظ في كل زمان ومكان
اتمنى ان تنال القصيده رضاكم وان تلامس ذائقتكم


[poem=font="arial,5,#ff8c00,bold,normal" bkcolor="" bkimage="backgrounds/22.gif" border="none,1," type=0 line=0 align=center use=ex num="0,"]
يا ذيب لا تمـدح ., وتقـدح جهالـه=روز الرجال ., وقبـل تحكـم تريّـا
الزول واحـد ميـر فـرق الرجالـه=مثـل الـذي بيـن الثـرى والثريّّـا
.
ماكل صكّـات الحواجـب صمالـه=ولاكل من هو بـش رحّـب وحيّـا
لوهي مظاهر كان مـاش استحالـه=كلـن ظفـر والعـز دربـه مهيّـا!!
.
لاشـك دون العـز درب الشكـالـه=واعلوم قـومٍ ., دونهـا العـز عيّـا
يبغـى رجـالٍ يقـدرون الجمـالـه=رجّالهـم للضيـف طلـق المحـيّـا
.
رحّب بضيفه لين مـا استـرْ بالـه=والشاذيّـه بـيـد نـعـم الصبـيّْـا
واعطاه في سرد السوالـف مجالـه=وايـردْ رد الفـاطـن الصيرفـيّـا
.
يبعد عن الزلّات مـن طيـب فالـه=خاطـر ضيوفـه مـا يكـدّر بشيّـا
وأدنى له المسفـوط نقـوى حلالـه=في حلةٍ ما قـد طفـت يـوم ضيّـا
.
ومناطحين الصعب فـي كـل حالـه=فزّاتهـم تشفـي الكـبـود الظمـيّـا
وانهاك عن قـوم الـردى والنذالـه=ما ابغاك عن صفر العقـارب سهيّـا
.
ناسٍ تحسـب ان السوالـف ظلالـه=كلـن مـدح روحـه .ونـام وتفيّـا
أنا ., وأنا .والهرج هـو راس مالـه=راع الصماله ., والكرم ., والحميّا !!
.
وقت الشدايد سرْع ما اطوى حبالـه=عن مثلهم في الخوّه إيّـاك وإيّـا...
[/poem]

تركي الصخري

تركي الصخـــــــــــري ....

صح لســــــــــآنكـ يالغــــلآ ...

الله أكبر

لله درك ياتركي ............صح لساااااااانك لين ترضى

	مـاكـل صـكّــات الـحـواجـب صـمـالـه = ولاكـل مــن هــو بــش رحّــب وحـيّـا لوهـي مظاهـر كـان مــاش استحـالـه = كـلـن ظـفــر والـعــز دربـــه مـهـيّـا!!

صدقت والله

صح لسانك ياتركي

جزله من راس جزل

صح لسانك بارك الله فيك

صح لسانك ياتركي
وافيه من راس وافي
وصدقت في كل كلمة قلتها

صح لسانك ياتركي عسى فالك الطيب...........


تقبل مروري

الله الله الله عليك يا جلمود الشعر

صح لسانك وعلا شانك

الله الله ياتركي,,


صح السانك لين ترضى. . .


شاهدتي فيك مجروحه ,, ننتظر جديدك بلهفه

والله وافيه من راس وافي

بيض الله وجهك

وماقلت الا حق

الرجال معادن

	المشاركة الأصلية كتبت بواسطة سهم هذيل

	تركي الصخـــــــــــري .... صح لســــــــــآنكـ يالغــــلآ ...

اخي العزيز سهم هذيل

صح بدنك يالغالي
ولاهنت على مرورك الله يديمك ويحفظك

	المشاركة الأصلية كتبت بواسطة فتى هذيل

	الله أكبر لله درك ياتركي ............صح لساااااااانك لين ترضى صدقت والله

اخي العزيز : فتى هذيل

صح بدنك يالغالي
واشكرك على الإطراء اخي الكريم
والقادم بوجودكم أجمل بإذن الله تعالى

السلام عليكم ورحمة الله وبركاته

صح لسانك شاعرنا تركي الصخري،،


جزلةووافيه من وافي،،، لاهنت صح لساانك

تحية طيبة

تركي الصخري

شكرا لتلك المناسبة التي أتت بهذا البوح

الغاضب الى درجة الإتزان


نـاسٍ تحـسـب ان السـوالـف ظـلالـه *** كـلـن مــدح روحـــه .ونـــام وتـفـيّـا
أنا ., وأنـا .والهـرج هـو راس مالـه *** راع الصماله ., والكرم ., والحميّا !!


يا سلام يا سلام

صح لسانك

شكرا لك

الله يرحم ابوك ياتركي
قصيدة جميلة الله يقويك شااااااااااااااااعر