ساعي البريد

السلام عليكم ورحمة الله وبركاته

الاخوه الاعزاء نظرا لما لمسته منكم من التفاعل مع ما اكتب من محاولات متواضعه جيتكم اليوم بهذي القصيده الي اتمني ان تحوز علي رضاكم وترتقي الي مستوي ذائقتكم الشعريه.

هذا ياطوال الاعمار ارسل لي احد الاخوان بيت شعر وطلب مني ان اكتب رد لهذا البيت والبيت يقول:
كيف الفتي ينسي همومه ويرتاح ويعيش مثل الناس حر سعيدي

فقلت انا في ردي علي هذا البيت:

[poem=font="arial,5,#000000,bold,normal" bkcolor="#c0c0c0" bkimage="" border="none,1," type=2 line=0 align=center use=ex num="0,"]
عيني علي نون ترادم بعد لاح=لي ناظ براقه بدا له وقيدي
من جاهزن فيه الحيا قام ينساح=ديميتن تنقص ومره تزيدي
ساقه ولي العرش من فوق الارياح=تقدم مواخيره وقدمه يهيدي
سيله ثلاث شهور ساري بالابطاح=سقياه خير وللبسيطه رديدي
في ديرتن ماجالها كل شباح =ابدا ولا ياصل قراها البليدي
مريتها وانا موادع لطماح=مندوبي الي في الشدايد شديدي
قم يانديبي يم كساب الامداح =ود الجواب وخل ساعي البريدي
ود الجواب الي مسجل بالالواح= من هاجس يمشي بداخل وريدي
ممشاك من عندي قبل نور الاصباح =ومغيربن وانته بدار العقيدي
لمكرم الضيفان وللجيش نطاح=زبن الدخيل الي نواه الضهيدي
تلقي الدلال وهيلها دوم فواح=ويامرحبا جاتك بعذب النشيدي
قول السلام وهرجتك خلها افصاح =واعط العلوم ودور الي مفيدي
هذا وقله للمحيطات سباح=والحاضره ماهي سوات الشريدي
وايامنا واحنا علي ضو مصباح=مره نداري له ومره يقيدي
والبير ما تروي ظما كل نضاح=مكتوب لو يكثر عليها الجبيدي
ومن اول كنا نزارق بالارماح =ونروي ظمانا بمرهفات الحديدي
واليوم ياصادق يغالبك مزاح= والحق يكفي به بقوله جحيدي
خلها تروح ولا توجد لما راح =واليوم يابو جهاد يوم جديدي
قلته ومن يبغي السعاده والافراح=في طاعه الرحمن يحيي سعيدي
وصلاه ربي عد هبات الارياح=علي نبي الله وهادي العبيدي[/poem]

يا سلام يا ابن مغبش

يا سلام عليك


سعيد أن أتشرف أولاً بقراءتها


شاعر جزل ما شاء الله عليك وغزير


ولهذا السبب تشوف أخوانك يهتمون بما تكتب


وهذي القصيدة دليل لا شك على ذلك


سجل إعجابي

السلام عليكم ورحمة الله وبركاته

يامرحباا والله،،،،،

صدقني لولا أن الجميع لمس موهبة ابن مغبش،، مارأيت ذلك الإعجاب.

وهذا نص آخر ،، جزل وجميل ،، نفخر به وبكاتبه،،،

صح لسانك ،،، لين ترضى،،،


ونحن بإنتظارك دائما،،،،،لاتنسى


تحية طيبة

يا سلام

قصيد جزل ورائع

أحسنت يا بن مغبش

تحياتي

اشكر الشعار الذين اعتبرهم النخبه في هذا المنتدي الرائع وكنت اتمني ان يكون هناك نقد ادبي للقصيده لتحصل الفائده الاكبر من طرح القصايد للجمهور والتي تعود فائدتها اولا للشاعر ومن ثم المتابعين والقراء ..............وعلمي وسلامتكم

صح السانك قصيده جزله في المعني متماسكه قويه بما تعنيه هذه الكلمه معبره عن موضوع استطعت ان توصله الى كل متابع لايود فيها خلل

بس الشطر اثاني من البيت الاول استعملت فيه الاهجه
المحليه [color=#00FF00](لــي نــاظ بـراقـه بــدا لــه وقـيـدي[/color])فلو مديت اليام مثل
(لــيا نــاظ بـراقـه بــدا لــه وقـيـدي)هذا ويمكن اكون انا المخطي
اما البيت الرابع فهوا ليس عليه ملاحظه من ناحيت القافيه او المعني
بل صوره جميله جداً (سيله ثلاث شهور سـاري بالابطـاح= سقـيـاه خـيـر [/color[color=#00FF00]]وللبسـيـطـه رديـــد[/color]) [color=#0000FF]والاكن هذا ليس سيل بل يسمي فيضانات وكارثه واليس خير والو قلت ثلاث ايام 0

تقبل مروري وتحياتي وتقديري

السلام عليكم ورحمة الله وبركاته

اشكر الاخ جميل المطرفي علي الملاحظات التي قالها علي القصيده والحقيقه يااخ جميل ان البيت الاصلي في القصيده كان سيله ثلاث ايام ساري بالابطاح ولكن عند كتابتي للقصيده في المنتدي قلت خلني ازود في المده بمعني ان سيل النو هذا بقي ثلاث شهور وهو يجري في الوديان وهذا من الخير العظيم وليس المقصود الفياضانات والكوارث .
مداخله استفدت منها من شاعر له السبق في حبك المعني وانا اتقبل النقد الهادف واتقبله بكل صدر رحب .
اسعدني مرورك واتمني تكون القصيده نالت اعجاب الجميع ...................وعلمي وسلامتكم

صح صح صح لسانك يابن مغبش


بأمانه قصيده راقت لي كثيرا لاهنت والله يالجزل

صح لسانك يابن مغبش
للأمانه قصيده أعجبتني جداً
جزله مترابطه
فالك النوماس يالذيب
تقبل مروري
ولك من التحايا أطيبها

	المشاركة الأصلية كتبت بواسطة بن قاسي الهذلي

	صح صح صح لسانك يابن مغبش بأمانه قصيده راقت لي كثيرا لاهنت والله يالجزل

تسلم والله يابن قاسي والله انا نتظر مرورك واهتم برايك جدا اتمني تكطون حازت علي رضاك والقادم احسن باذن الله

	المشاركة الأصلية كتبت بواسطة بث تجريبي

	صح لسانك يابن مغبش للأمانه قصيده أعجبتني جداً جزله مترابطه فالك النوماس يالذيب تقبل مروري ولك من التحايا أطيبها

حياك الله اخي بث تجريبي ولو انك مغيب عني مدري شرهه ولا كرهه هههههههههه .
الله يحييك يابن الاجواد نورت متصفحي ياراعي العلوم الغانمه اتمني اكون قدمت بما يليق مرورك العطر ...........وعلمي وسلامتكم

صح لسانك عددبلا مدد يابو محمد قصيده ولا اروع

تقبل تحياتي واشواقي الحاره وسلامي لك .

قصيده جزله وقوة الفاظها واضحه وجليه ولكن اخي العزيز ومعلمي

هذا البيت ثقل علي قراته ولا ادري وقد يكون الخلل عندي :
ومــن اول كـنـا نــزارق بـالارمــاح
ونـروي ظمانـا بمرهفـات الحديـدي

	المشاركة الأصلية كتبت بواسطة راعيها

	صح لسانك عددبلا مدد يابو محمد قصيده ولا اروع تقبل تحياتي واشواقي الحاره وسلامي لك .

الله يحييك ياراعيها مدد بلا عدد والله يسلمك يالغالي نورت الصفحه وانشاء الله اكون ارضيت ذائقتك الشعريه التي اعرف انها لايرضيها اكثر ما ينقال سلامي الحار لشخصك الكريم.....................وعلمي وسلامتكم

ماقول غير صح لسانك وعلا شانك وبيض الله وجهك
وفالك المليون والبيرق ومافيك حيله