<<<<قلتــــــه وأنــا ضايـــــق وفــي الفكــــر حيــــــــره>>>>

بسم الله الرحمن الرحيم


السلام عليكم ورحمة الله وبركاته


أسعد الله أوقاتكم بكل خير


قصيده من بدعي أتمنى ان تنال اعجابكم




[poem=font="arial,5,#ffffff,bold,normal" bkcolor="#000000" bkimage="" border="double,5,#000080" type=1 line=0 align=center use=ex num="0,"]
يالله يا عالم بخافي السريرة=يامدرج الأفلاك حلال الأنشاب
تفرج بمن همه ملازم ضميره=والدمع من عينه على الخد سكاب
ياجاهل الدنيا تراها حقيره=يا كم ولد من هولها عارضه شاب
مغتر فيها ضايعين البصيره=الي قضوها بالمشاكل والأتعاب
دنيا تشابه للرحى المستديره=تدرج رحى الأيام في الناس بحساب
كم فرقت في أيامها من عشيره=كم فرقت بين القرايب والأصحاب
ويا كم من رجالٍ تقود المسيره= أقفت بهم دنيا التعاسة والأسباب
ويا كم من رجالٍ تشب الذخيره=والآن في لحود(ن) تغطى بالأنصاب
تاريخهم مثل النجوم المنيره=في ليل(ن) أضلم فيه نور القمر غاب
وأذكارهم في كل داراً وديره=واللي يعارض قلت جاحد وكذاب
كل آدمي في الوقت هذا مصيره=وآخر مصيره قبر في حفرة تراب
ان طالت أيامه تراها قصيره=سوات فص الملح جوف البحر ذاب
وان كان جاهل فالدلايل كثيره=مادامت الدنيا لبو زيد وذياب
قلته وأنا ضايق وفي الفكر حيره=دخلت بيت الهم باب ورا باب
امسي كما طير صعيب مطيره=لا ريش ينهض به ولا فيه مخلاب
ولا كسير الساق تحت الجبيره=وده يطير وباقي الكسر ما طاب
ولا كما ذيب سهومه خطيره=أضلم عليه الليل في راس مرقاب
يالله يا معبود ضافي الستيره=ترحم عبادك يا عزا كل منصاب
أكتب لنا في الأمر خير وخيره=أنت الكريم ومن ترجاك ما خاب[/poem]



وسلامتكم؛؛؛

صح لسانك ياذياب بن سرحان

قصيدة راقت لي كثيرا واستمتعت بها

واصل إبداعاتك ونحن بانتظارك

لك مني فائق التقدير والاحترام

تقبل مروري

وعليكم السلام ورحمة الله وبركاته

ياحيالله أبو وافي [poem=font="arial,5,#000000,bold,normal" bkcolor="" bkimage="" border="none,1," type=0 line=0 align=center use=ex num="0,"]
كــم فـرقـت فــي أيامـهـا مــن عـشـيـره = كـم فـرقـت بـيـن القـرايـب والأصـحـاب
ويــا كــم مــن رجــالٍ تـقـود المـسـيـره = أقـفـت بـهـم دنـيـا التعـاسـة والأسـبـاب
ويــا كــم مــن رجــالٍ تـشـب الـذخـيـره = الحيـن فـي لحـود(ن) تغطـى بالأنصـاب
تـاريـخـهـم مــثــل الــســراج الـمـنـيـره = في ليل(ن) أضلم فيه نـور القمـر غـاب
وأذكــارهــم فــــي كـــــل داراً وديـــــره = والـلـي يـعـارض قـلـت جـاحـد وكـــذاب
كــل آدمــي فــي الـوقـت هــذا مصـيـره = وآخـر مصيـره قبـر فــي حـفـرة تــراب [/poem]

صح لسانك ياولد العم

قصيدة مؤثرة فعلاً

اما من ناحيت الجزاله فهيا جزله وهادفه ومعبره بس دخلها بعض الاغلاط الاملايه
وبعض البيوت قريبه الى الكسر وكذالك بعض الكلمات لاتتناسق مع بعضاه

مثل ( تاريخهم مثل السراج المنيره)هنا السراج مذكر لايركب مع منيره والو قلت مثل الشموع المنيره وشطر البيت الاخر طويل ويحتاج الى صياغه

ارجو ان تتقبل مروري بصدر رحب والك تحياتي وتقديري

اخوي الشاعر صح الله لسانك ولا فض فوك
على الجزالة قصيدة قديمة النهج تذكرني بالأصالة
واصل في طريق الابداع والنحت على الصخور
تقبل مروري

صح لسانك .....
ويعطيك العافيه

الله الله ابووافي
صح لسانك وعلا شانك
شاعر جزل وراعي علوم غانمه بيض الله وجهك
وصفت فأبدعت
وعلى فكرة لكل من يقرأ قصيدة ذياب تروا الخلل اللي في بعض الأبيات بسبب أخطاء إملائية فقط وإليكم القصيدة
بعد تعديل الأخطاء بعد إذن شاعرنا أبو وافي لأن شاعرنا أعطى القصيدة لشخص آخر يكتبها لأنه لايعرف العمل على الكومبيتر

وملاحظاتك أخوي جميل في محلها وكلامك صحيح مية ميه وأنا قراـ القصيدة من مصدرها ألأساسي
وهذه القصيدة بعد التعديل :

	المشاركة الأصلية كتبت بواسطة ذياب بن سرحان

	[color=#000000][size=5] قصيده من بدعي أتمنى ان تنال اعجابكم [poem=font="arial,5,#ffffff,bold,normal" bkcolor="#000000" bkimage="" border="double,5,#000080" type=1 line=0 align=center use=ex num="0,"] يالله يا عالم بخافي السريرة=يامدرج الأفلاك حلال الأنشاب تفرج بمن همه ملازم ضميره=والدمع من عينه على الخد سكاب ياجاهل الدنيا تراها حقيره=يا كم ولد من هولها عارضه شاب مغتر فيها ضايعين البصيره=الي قضوها بالمشاكل والأتعاب دنيا تشابه للرحى المستديره=تدرج رحى الأيام في الناس بحساب كم فرقت في أيامها من عشيره=كم فرقت بين القرايب والأصحاب ويا كم من رجالٍ تقود المسيره= أقفت بهم دنيا التعاسة والأسباب ويا كم من رجالٍ تشب الذخيره=والآن في لحود(ن) تغطى بالأنصاب تاريخهم مثل النجوم المنيره=في ليل(ن) أضلم فيه نور القمر غاب وأذكارهم في كل داراً وديره=واللي يعارض قلت جاحد وكذاب كل آدمي في الوقت هذا مصيره=وآخر مصيره قبر في حفرة تراب ان طالت أيامه تراها قصيره=سوات فص الملح جوف البحر ذاب وان كان جاهل فالدلايل كثيره=مادامت الدنيا لبو زيد وذياب قلته وأنا ضايق وفي الفكر حيره=دخلت بيت الهم باب ورا باب امسي كما طير صعيب مطيره=لا ريش ينهض به ولا فيه مخلاب ولا كسير الساق تحت الجبيره=وده يطير وباقي الكسر ما طاب ولا كما ذيب سهومه خطيره=أضلم عليه الليل في راس مرقاب يالله يا معبود ضافي الستيره=ترحم عبادك يا عزا كل منصاب أكتب لنا في الأمر خير وخيره=أنت الكريم ومن ترجاك ما خاب[/poem] وسلامتكم؛؛؛

السلام عليكم ورحمة الله وبركاته


صح لسانك أخي ذياب ،، قصيدة جميلة ،،وجزلة

وشاعر نفخر بتواجدك بيننا ،،

ننتظر جديدك دائما


تحية طيبة

الله الله

قصيده تحمل الجزاله و الأصاله


من شاعر أثبت وجوده و لفت الأنظار في وقت قياسي


قصيده تنم عن شاعريه فخمه

صح لسانك أخوي ذيب بن سرحان


نرجوا أن تجعلنا على تواصل دائم مع هذا الجمال


شكرا لك

صح لسانك قصيدة رائعة من شاعر رائع